今日終於都有時間去睇《魔法奇緣》啦∼！
呢一套戲真係幾好睇∼！
《魔法奇緣》係一套以童話故事為基礎既戲，
戲中除左有大家熟悉既人物，
公主、王子、惡毒既母后等一眾既童話故事人物之外，
今次呢套戲仲會將童話故事既「舞台」帶到來「現實世界」之中！
實行來個「童話與現實」既cross-over∼！
故事內容（簡略）：
故事一開始就講到芝莎公主係夢中遇到自己既「白馬王子」，
仲叫一眾既小動物幫手將王子個樣「砌」出來∼！！
係童話故事裏面，芝莎公主依然鍾意唱歌跳舞∼！
正因為芝莎公主既歌聲，
而令佢同艾華王子遇上∼！
兩個人仲決定結婚添∼！！
正當芝莎公主「好趕時間」咁去皇宮見王子既時候，
就遇上左由惡毒母后所扮既巫婆，
巫婆仲將公主呃到一個「願望井」既前面，
趁公主許願個陣，
就將公主推左落井入面∼！！
呢一個所謂既「願望井」，
其實係一個神秘既出口，
佢將芝莎公主帶左去一個叫「紐約」既現實世界！！
芝莎公主係呢個人生路不熟既繁華都市裏面，
遇盡好多唔愉快既事，
好彩得羅拔和他既女兒悉心照顧，
總算叫做搵到一點既「人間溫暖」∼！！
羅拔收留左芝莎公主係自己屋企，
當第二朝芝莎公主起身個陣，
發現成間屋好似「七國咁亂」，
於是芝莎公主又再用佢既歌聲叫ｄ動物幫手執屋，
（之但係我想問：紐約仲有ｄ咩動物可以俾佢叫來幫手呢？！）
屋就係執完既，
之但係就仲有一大班曱甴、老鼠同白鴿係屋企呢∼！！
芝莎公主一路都期待住艾華王子既來臨，
可惜王子就遲遲都未出現，
羅拔亦教識左芝莎公主咩叫「拍拖」！
而同時芝莎公主亦慢慢開始對羅拔產生情意！
而另一邊廂，
惡毒既母后為左要令芝莎返唔到去童話入面，
所以就派人去追殺芝莎∼！！
究竟個故事既ending會係點？！
咁就要去自己睇啦∼！！
呵呵
My feeling：
呢套戲帶出左一個訊息，
講出左而家既世界好多人都好輕易為小事而分開／離婚，
將婚姻睇得太複雜！！
其實好多時只要放開心來睇既話，
好多野都會變得簡單得多！
無需要太過介意其他人既眼光，
最重要既都係自己兩個人點去相處！
凡事都懷著一顆「童真」既心未必係一件壞事，
只要坦然面對身邊既一切就可以！
而家好多人都係因為好小好小既事就會嗌交，
甚至分手或者離婚！
但係你地又有無認真咁去諗你地當初係因為咩而一齊呢！？
難道就咁輕易分開都唔會有一點既可惜？！
講真，
好多時嗌交都係一時「火遮眼」意氣用事，
而令講野既語氣重左，
既然係咁，
何不等大家都冷靜落來先再傾呢？！
咁樣起碼大家都有返ｄ理智！
感情始終都係要由兩個人一齊去「用心」經營既，
並唔可能有「一步登天」既方法！！
願
所有「有情人」都能珍惜身邊既一切！
| 
