無條件既愛？！

究竟咩係無條件既愛？！

點算算係無條件既愛？！

我諗世界上根本唔存在所謂既「無條件既愛」，

坦白講，

有好多時都係「有條件既愛」居多，

如果唔想咁既話，

我地應該好好咁去「裝備」好自己，

令自己更加具備「條件」去愛！

但係有時我又會覺得「愛」係殘酷既，

因為好多時有ｄ人會太自以為是，

一心以為對方愛自己唔會變心，

但係事實卻往往相反！

係，的確佢係「愛」都未定，

但係佢「無保證」唔背叛你呀嘛！！

講真，

如果你既另一半真係「背叛」左你既，

我諗你都唔需要為呢ｄ咁既人而唔開心，

「塞翁失馬，焉知非福？！」

有好多時一對情侶為愛情而「死守」，

全因為→「承諾」兩個字！

最後卻偏偏俾「承諾」而攪到兩敗俱傷！！

但係一日未到最後一刻，

都唔會有人知道個結果會係點！∼

所以就算有半點機會都好，

都要好好珍惜，

唔好咁輕易放棄一個一齊「創造未來」既機會！

因為每樣事情都總要經過一番苦心來「經營」，

總唔可能「走截徑」，

何況感情係要由兩個人慢慢咁去「經營」出來∼！！

但有時兩人少不免會因為某ｄ既因素而分手，

可能呢ｄ係天意，

又或者只係你未遇到你既「真命天子」／「真命天女」姐！

始終感情事係無得勉強既∼！！

就好似你愛既個個人唔愛你咁，

咁都唔代表你唔好，

咁只係代表佢唔愛你而已！

所以根本唔需要將個責任攬上身！！

有人話係一段感情上遇上「第三者」既話，

佢會採取「等」既方式，

等佢「回心轉意」，

等佢返返來自己既身邊！

但係我想問：

「你咁樣係咪即係原諒左佢？！」
 

我相信唔係，

你只係想佢返來，

所以先會扮到好似咩都無發生過咁，

但係有好多野發生左就係發生左，

好難返得到轉頭！！

一段感情既開始係由「愛」而開始，

而唔係由「原諒」開始！

如果只係因為「原諒」兩字或者「報復心」既話，

我相信呢一ｄ根本唔係＝愛！！

有ｄ人愛／唔愛一個人都好，

都會為此而搵好多既「理由」、「藉口」，

咁樣做其實都只會令到傷方受到更大既傷害！

正如時間一樣，

既可為人「治療」傷痛，

但亦會「加深」彼此既傷害！！

所以係做任何既決定之前，

一定要「三思而後行」！

喜歡秋天既感覺∼！ ^3^