俗語有話：

「女人心海底針」

究竟女人既心事又有邊個能夠清楚了解呢？

其實好多時女人口個句同心個句係唔一樣架，

之但係又有邊個會了解得到呢？！

又有幾多人會明白呢？！

女人同小朋友一樣，

都會想無時無刻得到鍾意既人關愛，

所以佢地有時會對自己鍾意既人做出以下既動作∼！！

（一）        嘮嘮叨叨
 

女人之所以對一個人顯得嘮嘮叨叨咁，

其實都只係出於關心，

可以係因為關心得過份了一點點，

所以對男人來講就會變得煩一點！

但只要用心去感受，

男人就一定能夠從中感受到女人帶給你既關愛！

（二）        發脾氣（撩交嗌既模樣）
 

女人發脾氣不一定係真既，

因為女人只係想自己鍾意既人多關心、緊張她多一ｄ！

即使兩人真係嗌交，

女人係男人面前雖然表現得好「固執」、「堅決」都好，

只要一擰轉背既話，

女人都總係偷偷咁落淚，

係呢個時候女人想要既只係男人既關懷，

男人只要為女人遞上一張紙巾、一個膊頭就已經好足夠啦！

（三）        撤嬌
 

女人唔會隨隨便便咁對其他異性做出撤嬌呢種行為，

唯獨是對自己鍾意既人，

女人先會駛出呢一樣招數係對方身上！∼

（四）        喊
 

係女人既「撤手鐧」之一！

最主要係想鍾意既人氹返自己！

好多時每當一對情侶嗌交個陣，

男人都會覺得個女仔既好無理，

但試問你又有無真係企係對方既角度來諗下呢？

女仔嗌交個陣係好惱好忟，

其實又有邊個會知道佢地會係背後偷偷咁喊呢？！

女仔好多時惱其實都唔係真既，

只係「扭下計」，

想人氹下自己而已∼！！

但呢Ｄ就係男人較容易忽略既一點！

試問有邊個女人唔想自己俾人鍚先得架？！

只要男仕們諗深一層就會發覺，

發覺到原來呢一切都係因為一個「愛」字，

女人之所以會扭計、撒嬌，

完全在於你仲未夠了解女人既心事∼！！

你要知，

女人既心就係好似「水晶」咁，

雖晶瑩剔透，但卻易碎！！

只要一不小心、一不留神既話，

就好容易受到傷害架啦∼！！

女人心容易俾人闖入，

更容易被人傷害，

以至留下許多無法修補既傷痕！

女人既心的確比海底難測，

但相信只要肯花心思、心機既話，

係無野唔可能既∼！！

前幾日睇左《我的最愛》，

今次呢套劇吸引我既地方唔係鄧麗欣既感情線，

而係唐寧既個一段，

唐寧係劇入面既「樓梯剖白」，

真係幾感人架，

講出左好多男人平時都唔太為意既女人心事∼！！

《我的最愛》の阿蚊語錄（唐寧　飾演）

『你唔好怪我Check你電話，對我來講， Check電話就同行街唱k一樣，係我既嗜好；

　我來m個陣就係大晒，你咩都要就晒我，但你都係一個月就我幾日者！

　我發脾氣個陣講既野， 你唔好當真呀！！

　我話唔想即係想、我話唔好即係好、唔鍾意即係鍾意、唔愛即係愛！

　我發脾氣要走，你一定要追返我！

　我唔想係街上面d玻璃或者倒後鏡到睇你有冇跟住我、追返我；

　我希望你身邊所有女人都係豬扒、師奶；

　我唔係真係想減肥，而係我想聽到你講：「你唔使減啦，冇論你係點我都鍾意。」

　我覺得無安全感，係因為我太愛你，唔想冇左你．．．』

男人，

請俾ｄ時間出來同你既另一伴好好咁傾下啦，

聽下佢心底入面最真、最深既「心底話」！！

你要記住，

女人係「口是心非」既動物呢∼！！