| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2008 年 3 月 19 日 星期三  |
．．．外表勝於一切？！．．．  |
男人揀女人究竟有咩定義咩？！
究竟首要條件又係咩？！
我諗男人揀女人應該係無咩定義可言先係，
因為大多數男人揀女人都只求外表，
最想既就緊係有個「樣靚身材正」既女朋友！
所以啦喎，
佢地所謂既揀女朋友既條件咪就係咁之嘛∼！！
男人第一眼會睇既通常都以女人外在居多，
如果佢地覺得個女仔幾好或者唔錯既話，
佢地就會想「接近」對方，
慢慢去「認識下」對方，
要了解了解咁話∼！！
相反，
如果個女既樣子唔討好既話，
就難講一ｄ啦，
除非個女既係同學或者同事之類，
否則男人都無咩可能會主動出撃∼！！
坦白問句：
「外表真係有咁重要嘛？！」
人既外表頂多係俾人既第一印象而已，
如果只係睇一個人既外表既話，
根本就唔足以了解呢個人既內裏（內心）！！
皆因呢個世界太多人戴住假面具做人啦，
就有如一隻披住羊皮既狼一樣，
係你面前一個樣，
係你背後又會係另外一個樣，
真係諗起都覺得恐怖∼！！
係，
的確靚既外表最容易令人著迷，
但係我諗男仕們緊係唔記得左一句古人所講既野定啦！
俗語有話：「蛇蠍美人」
其實呢一句說話一ｄ都無錯∼！！
「蛇蠍美人」，
顧名思義就係講一ｄ擁有美麗外表而內心惡毒既女人∼！！
女人係世界上最識得「妝扮」自己既一種動物，
正所謂「女為悅己者容」呀嘛∼！！
所以女人一定會用盡所有辦法，
甚至窮盡自己一切既能力去換取自己既「終身幸福」，
而呢種女人所追求既「幸福」，
大多都係憑著自己既外表來到換取返來既∼！！
即使係人地面前扮得幾咁辛苦都好，
佢地都唔會出一句半句既怨言，
因為佢地在意既係 → 「結果」！
男人如果真係咁「好彩」俾佢揀左呢一種女人既話，
我諗我要為佢「默哀」一分鐘先∼！！
點解？！
好簡單姐，你試諗下，
如果訓係你隔離個個，
係個又靚又得人鍾意既女仔，
係咪好開心先？！
係哩∼！不過唔好咁開心住，
當你對耐左呢個人之後，
你先發覺到佢原來係一個「雙面人」既時候，
你又會點呢？！
即係係你面前就好乖，好溫柔咁，
但係當你一擰轉背個陣，
佢就變到好似另一個人咁，內心惡毒無比，
咁你會有咩感覺？！
心寒？！膽怯？！
如果到左呢個時候先識驚既，
咁你都未免太過後知後覺啦∼！！
分分鐘你死左都唔知咩事∼！
或者呢ｄ就係似係自然界既定律，
總係有ｄ「蠢人」會上當既∼！！
自然界有，人類都一樣有∼！
好啦，當你真係咁好彩比你揀到個靚女朋友個陣，
你係咪正係承諾會照顧佢一世先？！
係咪第時佢老到「打晒摺」你都一樣咁愛佢？！
你係咪真係做得到先？！
好明顯唔得囉，
呢樣唔駛答都知道做得到既人少之又少，
做得到既多數睇既都唔止係女方既外表，
而係女方既內涵、品性、修養之類（內在）！
男人，醒下啦∼！！
唔係靚野就一定好架，
好多時有ｄ野係要睇埋內裏先得架∼！！
好好反省一下吧啦∼！！
況且外表根本就唔係永恆既！！
而呢個世界亦無人會係十全十美既，
即使係幾靚既野都好，
總會有一ｄ既缺憾，
或者呢一ｄ就可能係ｄ人口中所講既「缺憾美」掛∼！！
所以都係唔好太盲目去追求一ｄ不設實際既野好∼！！
＊ P.S.
女人都係一樣，
淨睇外表來揀男人既話，
都係會招致不必要既傷害，
正所謂「金玉其外，敗絮其中」！
所以女人都要小心處理好自己既感情為妙∼！！
要睇清睇楚你所揀既個一個「他」！！
仲有唔好淨係識得睇住人地「荷包」做人呀，
咁既女人好唔要得架，
女人都要識得自己takecare到自己先得架嘛！！
|
| 刊登時間：2008-03-25 11:21 PM [ 訪客留言(1) ] [ 編輯日誌 ] [ 分享至FACEBOOK ] |
« | 144 | 145 | 146 | 147 | 148 | 149 | 150 | 151 | 152 | 153 | ... | 470 | »
|
