「愛人結婚了，新郎／新娘不是我」
 

呢個例子除左係電視、電影成日出現之外，

其實係現實生活中亦經常發生！！

如此既結局有誰最感傷悲、難過呢？！

相信係呢個時候，

最悲傷、最難過、最後悔既會係「想愛不能愛」既那一個『他』／『她』！！

所愛既人要結婚，

而新郎／新娘唔係自己既話，

感覺彷彿有如站在死刑台上一樣！！

此時此刻收到對方「請帖」既話，

究竟應該選揀去祝福對方，抑或選擇逃避而不敢面對呢？！

坦白講，

即使選擇出席對方既婚禮，

亦唔代表你係真心去祝賀、恭喜對方，

更加唔代表你係偉大既人！

係婚禮上，

只會更添傷感、加深自己既傷害同悔意，

到時受傷既就只有自己！

咁樣簡直係一種折磨！！

有ｄ人或者會覺得出席婚禮，

就等如可以令自己真正「死心」，

但係真係行得通嘛？！

我相信感情唔係一朝一夕咁既事，

係要累積既，

既然係累積返來既，

又豈能一時間忘記得來呢？！

何況仲要話「死心」！

咁樣唔係更加難咩？！

即使你能夠親臨婚禮現場咁又點呢，

事實亦唔會因為你既出現而改變，

時間過左就係過左，

失去左既亦唔一定可以追得返，

唔係所有野都可以從頭來過架！！

如果真係要到左咁重要既關頭先識得後悔既話，

咁就已經太遲啦∼！！

到時後侮又有咩用？！

後悔來做咩？！

後悔自己無好好咁對佢表明自己既心意？！

後悔自己無認真關心、愛惜過佢？！

後悔自己對佢既愛一無所知？！

後悔自己令佢傷過心？！

抑或後侮愛得太遲？！

後悔、後悔、後悔．．．

其實後悔又有何用呢！

事已至此，

根本就唔可能再去改變ｄ咩∼

好多時人越係成長就越難將心入面既情感直接表達出來，

總係喜歡將自己心底入面最真、最深個句收埋，

點解做人唔可以簡單直接一ｄ呢？！

係小朋友既世界，

佢地鍾意既就一定會去爭取，

唔鍾意既就一定唔會接受！

相反，

係大人既世界就複雜得多，

明明鍾意既又唔敢開口，

到左失去先後悔；

明明唔鍾意既事反而會試著改變、接受，

去屈就自己、強逼自己！！

做人又何必要咁辛苦呢？！

開心、傷心都係咁過，

點解唔揀一條開心既路來行呢？！

做人的確要識為人著想，

但有偶爾都要自私一ｄ，

要為自己著想一下，

繼而先慢慢為對方著想！！

試問如果連自己都照顧唔好既人，

又點可能照顧得到對方，

俾到對方一個安穩既家呢？！

想愛，

就應該簡單直接了當咁向對方表明一切，

如果對方真係唔接受既，

就應該試著表受現實，

勇敢去面對呢個「情感既關口」，

而唔係選揀一再逃避！！

表面睇，係輸左愛情，

但係就可以更加清楚了解自己，

咁樣唔係更加好咩？！

既然事已至此既話，

可以做既就係寄望將來，

希望令自己唔會再有遺憾既事發生！！

想要得到愛，就要勇敢去面對愛情！

勇敢去愛惜身邊既一切，

包括親情、友情同愛情既一眾情感，

去坦誠咁面對自己！！