人係一種有無盡慾望、情感既生物，

只因佢地想「擁有」更多、「得到」更多！！

有人話男同女係感情上既「需要」係有所不同既，

而男同女亦分別有著六種唔同既「需要」，

呢ｄ所謂既「需要」可以係一種「愛情動力」，

但亦可以係一種「負擔」！！

究竟男人既「需要」係咩呢？！

咁女人既「需要」又係咩呢？！

不如就先講女人既「需要」先啦∼！(Lady First嘛！)

1.          關心
 

女人最想就係自己得到鍾意既人關心、愛護同被愛！

女人之所以咁「渴望」得到關心同重視，

其實最大原因係想知道自己係個個人既心目中係咩「份量」！

既可證明女人係男人心中既「位置」，

亦可提升自己既自信∼！！

呢一點都係女人既「最基本需要」！

2.          了解
 

女人想男人了解自己，明白自己心中所想，

希望男人能以「感同身受」既感覺去體會女人所遇到既事，

藉此希望男人會更加了解自己既思想同立場，

更想從中找到一ｄ既安慰！

3.          尊重
 

尊重，不一定指什麼人權之類既野，

而係指兩者相處間既事！

例如生日、約會、周年慶祝等都係一種對對方既尊重，

而呢ｄ野對於女人來講，

亦可以話係「甚為重視」既，

所以當男人稍為忘記既話，

後果真難以想像囉∼！！（哈哈∼！）

又或者要下決定既時候，

男人都應該先要徵詢女人既意見，

縱然唔會採用／實行都好，

都要咁做，

至少女人會感受到你係下決定既時候係有為佢諗過！

4.          寵愛
 

女人最想俾鍾意既人寵愛，

就等如男人喜歡受人稱讚一樣！

女人想要既不一定係物質上既野，

而係出自男人既關愛，

希望從而感受到幸福既所在！！

5.          認同
 

男人需辰人認同，女人一樣需要！！

女人雖然有時候總係無理一點，

但想既都只係希望得到男人既認同，

縱使觀點係有所不同都好，

亦會想得到男人既支持同肯定！！

6.          安慰
 

人總係有七情六慾既生物，

而女人更可以說係喜惱無常既一種！

女人係失落、傷感既時候，

總係希望男人會在旁加以安慰同照顧，

從中希望能夠找到一點既溫暖！！

其實簡單而言，

女人所需要既都莫過於男人既關心，

男人既一言一語對女人來講，

都係可貴既！！

男人既「需要」：

1.          信任
 

女人要男人關心，

但男人要既係女人既信任！！

男仕們多為工作而疲於奔命，

就連休息既時間都「買少見少」，

可惜唔識大體既女人就偏偏喜歡跟男人吵咀，

以為男人去左「攪攪震」之類，

而令男人更加煩上加煩！！

所以話有時做女人既都要信任男人，

否則男人只會越來越累！！

2.          接受
 

人唔係完美既，

呢一點無論係男人又好，女人又好，

佢地都係好清楚明白既！

但可惜既係有一少部份既女人比較自私一點，

會想試著去改變男人而滿足自己！

坦白講，

如果女人真係接受唔到既又做咩要一齊呢？！

要一齊既就要試著接受，而唔係改變！！

無人會為左別人而去改變自己既生活方式，

所以做女人既要學會「接受」、「體諒」！

3.          感激
 

做人要有一顆「感激之心」，

對身邊發生既事要存有感激，

因為呢ｄ事唔係不其然發生既，

而係男人都為你而「製造」出來既∼！！

當男人感受到女人既呢一份「感激」後，

自然會覺得好欣慰，

至少男人知道自己為女人所做既無白費到！！

4.          讚美
 

女人要男人既讚賞，

男人都一樣要女人既讚賞！！

因為讚賞／讚美亦係「愛情動力」既一種！

當男人受到女人既讚賞既時候，

男人就會覺得好安心！

5.          肯定
 

女人需要男人既認同，

而男人則需要女人既肯定！！

男人會希望得到女人既肯定，

從而增強自己既信心同認知，

希望為女人付出更多、更好∼！！

6.          鼓勵
 

人總總會有失落、失意既時候，

係呢個時候，

男人最需要既係女人既鼓勵、支持！！

從而再次從失敗、失意中走出來！！

兩人相處雖然唔可以話係一件簡單既事，

但只要做到互相支持、互相關懷既話，

總會俾吵吵鬧鬧來得快樂！！

要好好愛惜身邊既那個他／她！