辛苦左一個星期，

今日終於都「開戰」啦∼！！

呢一場「最後戰役」結束後，

同時亦標誌著我既校園生活都告一段落！！

當步出考試會場既一刻，

亦代表著一齊都已成定局，

而家所要做既唔係去後悔Ｄ咩，

而係要諗自己既「新方向」！！

當然啦，

係搵「新方向」既同時，

就緊係要輕鬆一下啦嘛∼！！

話晒之前都花過唔少既「心血」同「時間」呀嘛∼！！

當然係考完試之後就要好好咁玩返一下啦∼！！

如果唔係既話，

我就對死左既「世胞」唔住架啦∼！！

哈哈∼！！！（藉口！∼∼呵呵∼）

其實係上堂放學個陣我地就已經「密謀」好，

諗住約晒成大班同學仔一齊去食飯慶祝我地「甩難」，

脫離呢個讀書既生涯！！！

雖然唔係話全部人都可以到齊晒，

但係都有大部份同學仔都有去一齊食飯∼！！

我地一行十四人約好係大堂等，

之後就浩浩蕩蕩咁一齊去目的地　－　沙嗲王！！

去到目的地之後先知道，

原來無咁大張枱∼！= =”

咁又難怪既，

我地一行十四人喎∼！！

幾經辛苦之後，

終於都有位俾我地啦，

不過就比較迫一Ｄ，

始終我地人數太多呢∼！！！

一坐低之後，

我地就開始點菜，

係不知不覺間我地已經點左接近四十碟既野食！！！！

連幫我地入單既個位小姐都覺得有點驚訝！！

想知點解？！

好易姐，係因為我地十四個都係女仔，全女班嘛！！

你睇∼∼∼

 呢度只係一部份咋，仲未齊架！！

不過就算齊都唔知點擺得落啦，

張枱咁細∼！！（哈哈∼！）

當然除左食野之外，

我地亦不忘要影相留念啦∼！！！

影到食都唔得閒食添呀∼！！

一路食我地仲一路講笑一路玩，

臨尾仲分左兩組來玩猜包剪搥，

話猜輸既就要食一樣野食咁話喎！！

哈哈，真係咩都玩得一餐∼！！

到差唔多食飽飽之後，

就已經有同學仔話約下次一齊去ＢＢＱ添∼！！

真係聽見都開心∼！！

而家無咩野望，

最希望大家都可以得到好既成績、順利畢業！！