話咁快又來到新年既時間啦，

所以呢排都忙住「執屋」！

緊係，唔執好ｄ既話，

一陣人地上來玩嚇親人就唔好啦∼！！

今日咁啱就係返屋企食「團年飯」既大日子，

所以我都好乖乖一早返去屋企幫手∼！！

返到屋企第一樣見到既，

竟然係──＞紅雞蛋

點解呢？！

因咩解究會有紅雞蛋既出現既呢吓？！

一問之下，

我先至知道原來今日係我既「牛一」！！

真係唔講唔知喎∼！！

多謝晒爸爸媽媽既紅雞蛋！！！

當然除左紅雞蛋之外，

仲有利是收啦，

利利是是咁話嘛∼！！

（哈哈！又可以幫補下∼！）

不過講時講，

而家個個人都係計新曆多，

究竟又有幾多人真係知道自己既舊曆生日呢？！

好明顯我就係唔知個個∼！！

不過我反而記得晒爸爸既兩個生日喎∼！！

但係媽媽個個就淨係記得新曆，

細佬個個都係∼！！！

不過點都好啦，

記得就當然係件好事啦，

唔記得啦喎．．．

咁就好明顯「無心肝」啦∼！！

有咩理由屋企人既生日都唔記得先得架∼！！

話晒都一齊住架嘛∼！！

個ｄ人就認真抵打啦∼！！

哈哈∼！！

Anyways，

我希望新一年個個都開開心心，

越賺越多，長做長做∼！！

最重要就係健健康康∼！

而讀書既呢，就精精伶伶∼！！