sorry ar~咁耐無打blog~之前心情唔好ar~近呢1,2個星期都搞緊爺爺既身後事~

不過你地唔駛太擔心我既~我無事~~~~~~之後我會keep住打blog架la~~~

今日係結業禮,進行既野好平常,but我有d唔捨得~呢個儀式就咁正正式式咁宣告我地2E班散啦....

由其係第二節既時候(係課室),感覺大家2E一齊既機會真係微乎其微la~

放學又聽到有好多老師要走既消息......

不過唔緊要la~大家有共同而又珍貴既回憶係心中,呢樣野係其他人點都無法擁有既!

而且之後大家都係同學~老話一句:不要忘記我ar!!!

p.s.甜蜜回憶------(miss chan臨離開班既時侯,我銘記既一句說話)

           2E:I Love You!!!

Miss Chan:I Love You too!!!!!

岩岩呀爸打電話黎~話佢而家係東莞(我鄉下)~

我都知咩事la~爺爺呢兩年經常係醫院出入,近呢幾個月仲未出過院~

總係有d唔開心,雖然我同呀爺唔係話好好感情,甚至語言唔太通(爺爺操正宗東莞話)~

but佢都係我呀爺,都係親人~

近呢兩個月,佢一直身體情況愈下,我地成個何家(加埋大陸既叔伯)都知道佢都就黎去.....

我都無辦法~但係其實情緒都有受影響(某d人都應該知道)~都無辦法~

今日已經開始停止輸送鹽水、營養俾爺爺,直等到佢自然死~

電話入邊,我聽得出呀爸十分傷心,不捨,卻又無奈既心情....

淨低既時間唔多la~希望佢地可以珍惜....

大家,記住要珍惜身邊既人ar~~~

p.s.sorry~我好耐唔去你地blog度la~but可能再一陣我先有心情再去....放心!好快!but唔係而家~

尋日完全無心機去打blog~因為成績太差la~~~

雖然我都知道今次我都退步左,但係都未至於咁ar~

電腦竟然6字頭!!!!!超唔開心!!!

我一向覺得名次唔緊要,有無進步先係最緊要~but今次......

我其實點解咁驚?因為我小學都試過一段學業低潮期~

由全級第三跌到二十幾名,無唔溫習,相反係好努力溫習,但係都跌,跟住經過一段時間先回升番~

so我真係好驚又好似以前咁樣ar!!!以為maths係一次失手啫,but點會連其他都係咁?????

唉~唯有努力努力再努力la!!!!趁而家未到最低潮(連中文都退就係最低潮),仲有得回復既時候加油!

應該可以攞番之前既水準既~but篇《TO...》就聽日先打la~心情未平復.....

為我加油la!!!!!!!!!

TO:郭芷

唔...郭芷由F.1到F.2同我一齊返學,但係我地其實唔止係同學、朋友~

你對我黎講係一個好照顧我既人~所以郭芷你先會話你係我賓賓(其實你何必咁眨低自己呢?)

你就好似咩都好掂咁(起碼係我眼中LA~),而且超有責任感!責任感呢樣野我就真係拍馬都追唔上~~~

不過你太有責任感LA~而且情緒上有D難控制~人地忍唔到既話,大家又鬧交架LA~

我相信大家唔係特登針對任何人架~而且任何人既性格都會有改變既可能架MA~

所以嘗試下冷靜D,慢慢黎,努力AR~~~

你其實好好人架~大家之後一定會知道你溫柔既一面!!!

記住記住!!!之後都要同我搭70x返學O!MY FD~~~

MUM---何文

今日有教會第一次既青年崇拜!!!因為10:30既成人崇拜太多人la(感恩中...),所以13:00要加開一堂崇拜!!!!

so我今日唔駛咁早起身la~話明係青年崇拜,咁個形式都無成人崇拜咁正式lo~可以free d~~

跟住我地faith又要去派傳單~我發覺我真係愈黎愈大膽la~我真係有咩人都派架~

如果係一年前,我一定一張都派唔出!!!感恩ar!!!!

仲有!Michelle姨姨星期三生左BB la~我都唔記得打番係blog度~

佢近排既情況真係好令人擔心~成個教會都不停為佢祈禱,為佢擔心~而家終於生左la~~~

雖然係手術拿出黎既,而且因為早產,BB體型超細,但係呢d都係神既保守,BB先會係咁艱難既情況下出世!

感恩ar~~~~