我個人都真係幾煩, 成日都心情好又心情差, 自己都唔知自己想點, 尋日的心情唔好都可以keep 到今日囉, 係差呀, 咩心機都冇, 咩都唔想講, 唔想提.......唔想理, 個人真係好累真係好累, 咩都真係唔想唸呀, 哈哈, 我自己都覺得討厭呢!  仲有一個星期我就可以離開呢一間公司, 迎接新的生活啦! yeah~ 係好定唔好, 我覺得係好架, 充滿希望, 我要成功, 我要自己學多的野, 我要搵多的錢呀, 我唔要再得幾千呀,唔要呀, 唔要呀, 我要努力!  加油呀, 我唔可以放棄呀, 我要搵到錢, 用自己的努力, 青春轉回金錢呀, 唉....呢個社會真難生存, 我唔可以放棄呀, 努力呀! 真係唔可以再半途而廢啦, 努力!

今日又去見工啦, 唉....呢排成日都真係去左見工, 其實我的命運會係點呢? 其實我自己都真係唔知道, 因為我好想比自己學多的野做多的野呀, 唔想再係咁落去呀, 我想快樂, 我想幸福, 我想自己真係可以做到靠自己唔靠人呀, 因為靠人都真係唔係一件好事黎架! 呢排成日都去見工有一種感覺, 個種感覺叫做難受+自卑, 點解會咁, 係因為我覺得自己學歷一的都唔好, 點可以令人比咁多錢我呀, 我真係值咩, 我肯努力我肯進修但.......事與願違, 唔係想就一定可以..........

呢女2日心情都真係一的都唔好, 都真係好差, 都真係一的都真係唔想番工呀, 唔知點解, 因為我覺得呢一間公司都真係.........唉.....唔好提, 係一間非常差的公司黎, 我有的辛苦, 我有的.......... 今日收到賢仔的電話, 你話好辛苦, 好迷失, 好似唔係自己, 係呢一年入邊有得亦有失, 但明明知道自己想要的野, 都真係唔好放過, 因為唔係個個人都比機會你架, 所以都真係要好好把握! 有時我覺得你比我好彩, 你比我幸福, 唔好比幸福溜走, 因為有一種叫做珍惜, 唔好再錯過啦! 如果辛苦係值得o既, 又何況, 呢個世界都真係幾殘酷, 令到自己都真係好辛苦, 但真係唔辛苦又點得世艱財呢? 要有錢就要付出, 唔係你努力就一定有回報, 好似我咁呀, 係一隻牛咁, 我個人唔識圓滑, 唔識交際, 又唔識點同人相處, 都真係.........我真係要慢慢好, 因為我都知道自己條路比較難行, 我唔相信冇一個人睇得起我做野, haha~ 我係唔甘心, 我要努力, 我要向上, 我要令自己成長, 唔理多辛苦都真係要呀, 想有安穩的生活就要付出, 希望你會明, 我都會慢慢明啦! 我支持你!~

突然間有野唸呀, 唸咩, 呢一份工係咪真係o岩我呢? 好辛苦架喎, 日日都係十幾個鍾, 雖然佢係你想做的工作, 但都係番5日半喎, 一個月最少有8日番大陸, 或者可能如果唔需要的, 咁就唔需要囉, 但係......我都真係唔知點呀, 有好多野唸, 好擔心, 我唔知會唔會又好似之前咁呀, 我怕辛苦冇收獲呀, 好怕呀, 如果辛苦冇收獲, 我又會點呢? 哈哈, 都真係唔知道呀! 但係我唔去試又點知o岩唔o岩我呢? 係咪.... 做野咋, 唔o岩咪轉囉, right!

係呢一段時間比自己再搵下啦, 如果真係搵唔到的, 就做住先啦, 因為都有成兩個星期比我休息下, hhaa! 唔試又點知呢, 你見工的時候都真係知道辛苦架, 所以你要努力呀, 唔好再原地踏步啦, 唔再係小朋友啦! 要學做大個女, 要成熟, 要搵到錢呀, 唔好再.......咁啦! 我要呀, 我要成功, 就算辛苦都值得架!唔好再放棄啦, 搵到自己想做的野, 都真係唔好再放棄啦! 呢個世界入邊都真係有好多衰人, 但係都有好人架嘛, 所以我要努力呀! 再搵下工, ok!

首先, 我要多謝一個人, 呢一個人好好, 我同佢都真係好好朋友仔, 就係芳芳啦, 佢幫我整日記的野, haha, 好開心呀,多謝你! 要將佢個名underline 左佢先得!

第二樣野, 就係我搵到工啦, 人工仲好幾好, 福利都幾好! 我唔知自己係咪真係幸運, 但係我相信緣份, 我搵一份工都真係有喜有悲, 不過都真係好緊張, 亦都迫自己要比多的努力, 多的信心, 多的動力, 多的同同事的溝通更好! 所以我會比心機架, 我對自己有信心, 我都真係要啦!! 我唔想下下做做下又走左去呀, 都真係一的都唔ok! 自己做黎做去都係呢一個position, 我唔想呀, 我想自己係真係可以搵到錢架, haha~ 我要呀, 我要呀, 我要搵到錢........錢錢錢.............

第三樣野, 就係我好想讀書呀, 我黎緊都真係會去讀呀, 要努力地讀, 要拎好的成績, 要考樂理, 要pass, 一定要呀! 希望我真係可以做到, 呢一個係我對自己的目標黎架!

好開心呀, 好開心呀!

尋日有三個8妹仔一齊去玩塔羅牌呀, haha, 有我呢, 芳芳仲有心心添呀, haha~好開心呀! 因為我有一種好奇的心理, 我對於呢的野都真係好好奇, 所以就去左玩啦, 其實都真係幾中囉, 我覺得, 因為第一張牌就已經好中啦, 點解我會咁覺得, 因為我問的係愛情,佢問我以前同我一齊的男朋友係咪好有錢架, 你唸過同佢有下半生, 但係你估都估唔到都真係會同佢分手, 不過我覺得另一半有錢都係咁o岩咋! hhaa 唔知最後的結果會係點呢?

我係搵佢地之前要去見agent呀, 我去到先知道, 唉, 又係英文, 英文都真係好重要呀, 一開口就係英文啦, 問你死未, 都真係死得啦! 慘, 慘......不過都好, 有一個exp.都好!!~

講開心野, 我地去左食日本野,好好味呢, 我鍾意食, 呵呵!!~ 跟著行左一陣廟街睇下野, 再去松記食糖水, 再玩塔羅牌, 不過食左個幾鍾西北風, haha, 先到我地呢!!幾凍呀, 凍死人呀...........搞到今日好累呢!真係好累呀.......今日番工都真係好累呀!哈哈!