| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 4 月 3 日 星期一  |
| first day to work |
分類: 未分類 |
first day to work, 我覺得成個人都就快死啦, 早上就冇野做, 不停睇file, 下午同的同事食完lunch之後就勁多野做, 想死, 不過都真係要努力, 其實入番呢一行都係一個上天比我的bonus, 因為都真係好難可以入到囉, 既然入到, 唔好再話辛苦啦, 要好好咁努力去做, 因為唔可以再比自己原地踏步啦, 不過今日第一日都真係好累, 因為唔經唔覺就已經做到6點, 係自己都唔知架, 都係個阿head 同我講話今日第一日番工, 早的走, 唔好做啦, 聽日先做啦! 好, 咁我都成差唔多7點先走啦! 就咁又過左一日啦, 聽日又要再努力作戰啦!
|
| 2006 年 4 月 2 日 星期日 |
| 好驚張呀! |
分類: 未分類 |
今日已經係4月2日啦, 我聽日開始就正正式式番新工啦, 有的緊張, 有的怯呀, 因為唔知會點呢?? 唔知的同事係點架呢? 唔知公司的制度又係點呢? 好驚呀, 不過我要話比自己知, 唔可以再失信心架啦, 我要努力, 我要做好, 我要爭一口氣, 因為我唔想再浪費時間, 亦都冇咩時間比自己去浪費, 努力呀, 我真係要努力呀! 希望事事如意啦, 希望有好事會降臨.........
放左差唔多兩星期假, 都係時候要收拾心情準備番工啦, 因為都休息左一段時間啦, haha, 不過對於自己黎講, 都好似唔係好夠咁呀, 可能係自己的問題掛, 因為放開左嘛, 希望唔好再成日都唔開心就好啦, 我唔想自己再係咁落去呢, 我要努力呀, 今晚都要早的訓先得啦, haha! 聽日再精精神神, 醒醒目目先得啦, 努力呀! |
| 2006 年 3 月 30 日 星期四 |
| family day |
分類: 未分類 |
今日係family day 呀, 我同爸爸, 媽咪仲有阿b 一齊去左disneyland 呀, 好開心呀, 我都真係好耐都冇同過佢地一齊啦, 一來佢地成日都唔得閒要番工啦, 我又係要番工, 好多時都係有爸爸個日就冇媽咪, 有媽咪又冇爸爸, 仲之係冇左一個架啦, 又或者係兩個都冇呀, haha 都幾慘哩!
今日我都真係好開心, 雖然尋日到3點幾都仲未訓唔著, 不過9點就起身出發去disneyland lu, haha, 開心開心, 去之前我地仲係青衣城飲左茶添呀, 勁好呀, 雖然去到hk disneyland 不及日本那個, 不過都幾好的, 係細o者, 都ok o既, 可能係同屋企人一齊的關係掛, 哈哈, 到最後係我唔夠時間買野囉, 咩都冇買比自己呀, 只係買左比阿b 同菠蘿包咋, haha, 做小朋友都真係開心, 我自己都有睇中野的, 不過到最後唸唸下都真係冇買呀, 因為好似都係唔好, 成日都買左的野, 都係用一陣呀, 都係唔好買啦, 唸左好耐, 心大心細左好耐呢, haha, 我真係呀! 尋日影得最多相係我呀, haha, 我不停要影, 不停要影, 仲有成日都同爸爸同媽咪影囉, haha~ 因為我地都真係好耐冇影過相啦, 所以我都有同佢影左好多, 呵呵!!
走都成8點啦, 跟著表姐打黎就叫我地去澳門豬骨煲到打邊爐, 咁就去左tsuen wan lu.....haha~ 番到home 都成11點幾啦, 搞埋的相拎去哂都成2點啦, 咁又一日啦, 好累又好開心的一日呀, 哈哈! 好開心呀, 我真係好開心呀! |
| 2006 年 3 月 28 日 星期二 |
| 有一世的朋友嗎? |
分類: 未分類 |
究竟呢個世界有冇一世的朋友呢? 開始有的問號係腦海中, 連自己都開始覺得好唔開心! 就好似尋日的約會, 表面上大家係由中學到出黎做野的朋友仔, 但好似已經再冇話題, 離離去去都係最近有咩想買, 有邊個牌子好, 邊個牌子有新野出, 的錢點用好, 去邊到玩好, 同的同事要去遊船河, 冇時間同你地去長洲, 如果唔係大時大節, 又或者我地朋友仔當中有人生日, 你地又真係會出黎咩? 有時我會唸, 自己都真係幾天真, 一直都覺得我地朋友的感情唔會變, 因為由細到大, 有咩大家都會拎出黎講, 一齊分擔, 同埋都會覺得大家係有心維持彼此間的友情, 但慢慢開始覺得你有心並唔代表她們都有心, 好似你想跟她們做一輩子的好朋友, 相信都是事與願違!
唉.......唔想再寫, 都係算! |
| 2006 年 3 月 27 日 星期一 |
| 近排 |
分類: 未分類 |
呢幾日都真係有幾多野做, 一係做gym, 一係去街, 一係就同的朋友仔飲野, 我其實有冇正式休息過呢? 往後的幾日都有野做, 下星期就開始番新工啦, 好驚呀, 唔知又會點呢? 感覺又似開心又似唔開心, 我都真係............ 其實每一份工我都好有期望, 好有目標, 當自己一心一意咁做的時候, 往往都真係唔到自己想唸架, 因為會好複雜, 例如人事, 工作量, 公司制度.....anyway, 我都真係要開始收拾心情準備作戰啦, 入到一間新的公司都真係會幾辛苦, 因為咩都唔識, 咩都要重新再學, 我要努力呀, haha!
今日的朋友仔約左我飲野, 由4:30 坐到成7點幾先走, 都真係坐左好耐, 傾左好多計, 感覺好唔同, 我同佢地好似格格不入, 因為我都唔知應該可以講的咩, 可能大家做的野都唔同, 我都真係唔識, 唔明, 都係閒話家常囉, 冇咩特別, 不過聽聞有個朋友有的野唔開心囉, 一陣要出去搵下佢, 個個都一定要去哩! 我又係冇野做又唔需要番工, 所以都......真係要出去陪下佢哩!
突然間好似唔係幾了解自己呀, 我又唔係唔開心, 只係有的野, 但又唔知係咩野黎, 個腦好似有好多野唸, 但唸咩呢? 我自己衣家的點架呢? 逃避中? 定係......我都真係搞唔清....... |
« | 1 | 2 | 3 | 4 | 5 | 6 | 7 | 8 | 9 | 10 | ... | 18 | »
|
