今日我做左好多野呀, 好累呀, 累到死左呀, 衣家已經係2:30a.m 啦, 我仲未訓, 比著平時都真係訓左好耐啦, haha~不過我今日真係一的時間都冇剩囉, 起身就同媽咪去食野, 之後去左physcial, 再去百佳, 又去新墟, 跟著番home, 又教阿b 做功課, 跟著食飯, 跟著執下自己個衣櫃, 都真係太多衫啦, 自己都真係忍唔住呀, 想死呀, 亂到呢......跟著12點幾就開始整蛋糕啦, 到衣家呀, hha, 累死我呀, 都好似冇咩休息過咁呀, 比自己好忙呀, hah~不過冇練琴呀, 死得, 又冇.......唉.....聽日又去街呀, 要早少少起身練下先得啦, haha, 唔係一定比人鬧死........好累呀, 真係好累呀, 條腰痛到不得了, 呵呵, 呢的辛苦連放假都辛苦自己呀, 傻傻地添...... 不過我都幾enjoy this moment coz' i can take a rest, i can do everything, i like it. 

今日的心情都真係好左好多, 或者我知道有好多野都真係控制唔到, 唔係你想就可以做得到, 亦都唔係你的想, 就可以咩都解決得到, 有好多野發生左就真係發生左, 所以係要去面對去接受! 我覺得自己曾經有盡力過, 結果係點都唔會有的咩後悔, 因為你有盡自己的力呀, 唔係冇嘛, 所以都唔可以令到自己咁唔開心, 咁難過, 再難過, 再唔開心都真係冇用, 所以心情都開始慢慢平伏啦!  唔知家姐睇左我寫的信後有冇真係唸過自己的問題所在呢? 唔知佢會唔會明白呢? 都真係好矛盾, 或者佢唔會明都唔定, anyway, 都盡左我自己最十的努力去講佢知, 因為我相信你終有一日會明白, 呢一日會幾時黎冇人知, 又或者會好快, 又或者會好耐都未定呀, 不過我相信你一定會明! 幸福唔係必然架, 所以要好好珍惜衣家自己所擁有的野, 不然後悔莫及!

我覺得好辛苦~點解會有呢一種感覺, 係因為我屋企又有問題發生啦~ 其實我都真係幾唔明, 點解兩個女都係同一個阿媽生架, 點解我地可以咁唔同, 我每每都唸左屋企人先, 但我家姐呢? 唉.....點解會咁呢? 我家姐同我一樣, 基本上真係要乜有乜, 想點就點, 個個都就哂我地, 爸爸同媽咪都對我地咁好! 最緊要係爸爸, 佢下一世都可能唔會搵到一個咁樣的爸爸, 我真係好心痛, 或者提起我爸爸我就會不其然地喊起上黎, 因為我真係好唔開心好辛苦! 尋晚, 又黎料啦~ 我爸爸去接媽咪放心, 係油站度見到家姐, 但行左好耐佢都番唔到屋企, 佢兩個人都周街去搵, 搵左好耐, 佢地兩個又番左黎又再出去, 搵搵搵, 搵左好耐, 終於搵到啦~ 點知佢去左後街傾電話? 唔通傾電話真係重要過屋企人, 同一的冇聊人傾都唔番屋企? 點解呀? 有呢一個必要咩? 做咩成日都只顧自己, 冇理任何人的感受架? 仲要佢地出去搵你, 你好唔好意思呀, 有冇覺得自己好唔o岩呀, 唔係驚你的咩野, 只係怕你比人捉左唔知做咩咋, 或者係我屋企人太著緊啦, 係咪真係唔需要理會呀? 我唔知道我家姐想點, 我亦都知道佢唔會話我知佢想點, 或者佢真係唔會明, 唔會理, 唔會唸, 眼入邊只會得佢自己一個人? 但我相信佢會有一日後悔架! 唔通真係要得到冇可挽救的地步先黎後悔呀? 唔會太遲咩? 媽咪有病架, 點解你仲可以有心激佢呀, 唔通佢同死的一刻你先黎喊咩? 或者你唔當我地係你一家人, 或者你冇唸過我地對你的好! 或者你只係唸你自己, 唔通你真係冇覺得自己唔o岩! 爸爸同媽咪咁辛苦為咩呀? 可能你覺得佢地欠左你, 但係我可以肯定佢地為你付出左好多, 你做話幾多的錯事, 佢地一一都唔同你計較, 唔通呢一個係必然架咩? 你的幸福真係必然架咩? 點解好地地一個屋企你要搞到咁, 咁點好好地你要令到佢地咁傷心, 你爸爸尋日一晚都冇訓, 你爸爸真係好傷心, 可能佢唔會話你知, 你亦都當佢左耳入右耳出, 但有冇唸過你爸爸好辛苦架! 你有冇唸過佢都好累, 一個星期真係做左7日呢? 佢有冇呻過一句呀? 佢有冇唔理我地呀? 佢有冇話唔幫你做家務, 唔幫你湊仔呀? 點解~ 我真係好想知點解? 我尋日喊左一晚, 喊左好耐, 寫左一封信比你, 放左係我書台面, 點解你可以可以咁自私, 唔通我地真係對你咁差! 我可以話唔係, 每每都為你設想? 你話忙, 爸爸都幫你湊仔, 幫你做家務, 你話番黎食飯, 即刻整你地想食的野, 你話唔返黎食, 就算整好哂, 都算! 唔返就唔返~~ 點解你可以變左咁? 我真係好唔明!~ 點解你可以咁過份? 你可以好忍心, 完全都唔會理會屋企人的感受, 我真係好唔鍾意你, 好唔想有你呢一個家姐, 不負責任的家姐, 自私自利的家姐! 屋企人都唔理, 個仔都唔理的家姐, 物質可以代替親情咩? 有好多野有錢都買唔到, 你唔可以搵到一個咁好的爸爸, 你一定搵唔到, 你唔可以有自己的一間屋, 如果唔係佢地買! 你唔可以咁安樂做你的工作, 如果唔係爸爸同你湊, 連番工都係同你湊, 你自己唸下啦! 咁大個人,點解你仲可以咁樣架, 我真係好失望, 好傷心, 我唔知點解我家姐會變成咁!

婚姻係一世架, 你同呢一個人一齊唔係話離婚就離婚, 結婚就結婚, 可能你唔介意, 但係有好多野做左, 講左就收唔番架啦! 點解可以咁兒戲呀? 對於小朋友係有好大的影響架, 冇錯, 你係一個正常的屋企長大, 但係我可以話你冇感受過單親家庭的慘, 你自己好好咁跎下, 對於阿b 都會有陰影架! 不過你唔相信我都冇話可說, 只係你一廂情願咋! 唔通, 你真係可以唸到咁簡單咩? 一個小朋友冇左父母都真係幾慘, 我都好心痛, 佢係唔乖, 但未至於咁囉! 你自己好好咁反省下呢?

有時覺得自己都真係幾幸福幾開心幾冇憂冇慮, 自己想做咩就做咩, 想讀咩就讀咩, 都比其他人幸福, 不過有時我會因為工作已令到自己好唔開心好辛苦, 好唔知點咁, 都真係幾煩呀! haha~ 一時時, 不過其實衣家都真係好左好多啦, 自己都識handle到的, 唔好可好似以前咁, 要自己開心的, 好似以前咁, 樂觀的, 唔好再將公司野帶番屋企呢! 呵呵~ 都真係要識唸下, 哈哈, 唔係令到自己辛苦又真係幾冇謂!

今日放左工後去左見工呀, 我都唔知佢請唔請我, 不過佢問左我兩次, 係咪真係想做, 你要知道好辛苦, 好難頂架, 成日都要ot, 不過有好多野都真係可以慢慢學, 你要比心機呀, 咁囉, 我都真係想做呢一間公司, 唔知呀, 係一種感覺, 我覺得都好似幾好咁囉! 話哂都係一間咁多人的公司黎, 有得升, 福利好, 有人工加喎, 都真係幾好架啦, 我覺得! 或者我真係好想比自己多的野做, 辛苦的, 搵多的錢呀, 衣家都真係好少錢用呀, 我要用好多錢架嘛!! haha~ 我要努力呀, 我要搵多的錢.......haha