都有成10日冇寫過日記啦, 因為本人都真係好忙啦, 好累啦, 訓都唔夠時間, 何況上網呢, haha~講下呢排點先, 都係咁樣, 番工放工, 冇咩野, 同埋返學囉開始, 不過個人都真係好累囉, 冇咩力啦!  因為個人都真係..........

有開心野架, 就係4月29日係我學校的10週年呢, 見返好多以前的同學仔, 仲有生日gift 收添呀, 都真係冇唸過呢!~ 連我自己都唔記得左, 佢之前問我想要咩, 不過我只係答左句要實用野, 唔要的放得的野, 唔好阻我地方呢~呵呵~ 估唔到你都真係最上心呢~呵呵!~ 衰仔包~~不過都真係多謝哂你呀!~ 估唔到你都真係有我心呢~hehe

我都真係好開心呀最近, 真係有好多野都真係好good.....雖然係好辛苦, 但係自己都真係開心o既, 我要努力嘛, 辛苦係值得o既, 起碼都.........幾好!  仲有同你地呀, 番左學校之後, 我地幾廿人去左唱k 囉, 都真係估唔到, 勁開心呀, 玩到5點囉, 不過第二日又真係累到我死左, 係最估唔到就係一直有個fds 唔係咁鍾意我, 話我..........但估唔到佢都真係行黎同我講野啦, 呢個都係意外的事, haha~ 真搞笑......好累呀, 好開心呀, 放三日假, 感覺好好呢, 好正, 好正, 好開心呢~

都係時候訓啦, 成12點啦~haa~~~

好累呀, 我真係好累呀, 日日都真係好夜先收工, 放左工個人就好似仲係公司, 番到屋企都真係好累, 又餓, 又想訓覺, 都真係好慘....其實人點解要咁辛苦呢, 我又做咩令自己咁辛苦呢?  我幾時先可以好的呀, 我真係好辛苦呀, 病好未呀, 病到自己都真係好燥呀, 想點呀, 唔好再煩住我啦, 我受夠啦, 成個星期啦, 快的離開我啦, 我唔需要你黎搵我呀, 每次都真係要我病成2個星期以上, 我真係打敗唔到你囉, 我都真係好累啦, 你想我死咩, 快的走呀, 求求你啦, 放過我啦死病菌!! 唉........

首先, 我要講下自己呢排的野先, 第一, 係失聲, 傷風!  第二, 朋友同我慶祝唱k, 居然出唔到聲, 係唯一的唔開心, 第三, 收到禮物, 係意外冇唸過會有, 第四, 6姊妹開心過左一晚, 第五, 收到你地的sms, 電話, 一一同我講生日快樂, 第六, 收到一個意想不到的電話, 你真係可以兌現上年的承諾!

點都好啦, 我都真係好開心, 我又老左一年, 但今日都係開心的一年, 好多謝各位朋友仔呢!  多謝哂~~ 同埋呢排工作都真係好辛苦, 好累, 但都真係.....不過我都會努力, 希望自己都真係可以做到!! 有的野想做, 但我知道我還有一段好長的路要行, 都真係要努力努力......月尾又開始番學啦, 我唸我會比衣家更累, 更辛苦, 但我都想自己真係可以撐下去.........

都幾日冇打過日記啦, 忙到仆係到真係, 夜晚晚先番可以番屋企咋, 真係累到爆炸呀, 好多野做呀, 衣家都係食完飯一陣, 打完日記都真係又係時候再做啦, 帶埋番屋企呢!  又癲左呀, help, 我好累呀, 有冇神仙可以幫下我呀, 我真係做到呢個人傻傻地, 咩都唸唔到呀, 訓覺仲死, 訓訓下5點就自已起身,又訓得唔好, 唉.....搞咩呀, 我衣家個腦只係公司公司公司呀, 好辛苦呀!!  朋友, 我都真係忙到冇時間同大家食飯, 去街呀, 就算可以食飯, 我都係只可以用一個好累的身體去, 真係咩都唔想講咁, 因為都真係累到個人咩感覺都冇!  haha, 好耐都冇呢一個感覺架啦, 但衣家感覺又回來了, 辛苦又番黎啦!!  衣家搵錢都真係唔易, 真係好難, 唉......我亦都唔會有好的福氣搵到個人養我呢, 不過就算有, 我唸我都唔會唔做野, 唔係就真係悶死我!!

呢排都係咁, 番工放工, 番埋聽日復活節又到, 又係我生日的時間啦, 又老一年, 都真係好慘, 唔制呀, 咁快又一年啦, 大大話話自己一個人都過左三年冇情人的生日, haha, 時間都真係快, 呢三年都真係, 有開心又有唔開心啦, 不過都令我學識好多野o既, 起碼自己都大個左好多, 識唸左好多呢, haha~  再加上, 睇通左好多左, 知道左好多野, 有好多事情, 唔係自己一相情願就得架, 好似朋友的關係........哈哈, 唔講啦, 遲的再打

大大話話番左工都已經一個星期啦, 一個星期入邊我好似做左好多野, 有好多野要自己重新開始認識, 唔知係咪一個人越大唸的野都已經同以前有好大的分別呢? 還是, 我害怕再原地踏步?  呢幾日好奇怪自已個腦海入邊居然問自己, 我幾時先會遇到一個愛我的人, 可以比我有一份安穩的感覺?  或者, 我一直都唔會再找到呢?  呢一間公司原來大部份係女性呢?  哈哈, 即係話有男性的都已經係結左婚啦!  算啦, 都冇話可說!! 

過去一星期真的很忙, 很累, 唔知點解屋企人問多兩句我就會好憫陣好煩燥, 好想靜一靜, 覺得自己需要休息, 但亦都明白佢地都係關心自己, 想了解下我的新工作, 自己就好似唔多接受, haha~ 我都唔知點解, 可能係經前後群症, 傻傻地!!  徵狀: 心情煩燥, 提不起勁, 不想多言, 想清靜!  休息一日又要再努力啦, haha, 其實呢個星期我自己都有唸, 我真的找到了自己想做的工作, 明知道是一份辛苦, 唔好腺的工作, 點解仲要中個頭2去呢?  不過個答案好明顯, 係因為自己鍾意買衫, 係因為自己鍾意挑戰, 係因為想令到自已學識更多的野, 見更多人, 前景係明朗架!  所以就好想努力~~  希望我唔好咁易放棄!!~

都有好多日冇寫日記啦, 因為自己做野太忙, 夜晚媽咪又要玩電腦, 所以都真係冇時間, 決定訓覺, 聽日再努力工作, yeah yeah yeah!!