∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ September 2026 ›»
SMTWTFS
12345
6789101112
13141516171819
20212223242526
27282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 47
累積人氣： 19229
站內搜尋
RSS 訂閱
RSS Feed
2006 年 12 月 5 日  星期二   陰天


自己的聖誕禮物 分類: 靜靜的生活

公司新請返來的CS唔做了，返第二日工咋... 應該唔關我冇教佢做野悶親吧...
工展會定了星期六日要去幫手，短暫冇假放~~ 不過好玩又冇所謂~ 觀迎來維園逛逛喔! 只係個booth細左d~

放工約佢食飯，今晚總覺得佢怪怪的，感覺待我太好了 (犯賤!)，原來係佢想帶我去食鐵板燒，係到扮神秘。間餐廳去過好幾次，但今次感覺特別大，播的歌依然係04年的歌，我笨到以為佢想重複04年的事，原來唔係，蠢... 食完飯行左陣，又諗住想買下禮物比朋友仔嚕 (想下好啦...)，不過今年就收到好多聖誕禮物，張相就係啦，但影完先發現影漏左隻朱古力聖誕boot，只好等下次啦~ 今年的聖誕對我來說很不同，很大的意義，不知佢會唔會覺得呢？你為我做的事，不知怎說才好，總之一句謝謝您！

 <-- 雪人聖誕禮物 ~ 哈哈
發表時間：2006-12-07 12:37 AM  [ 訪客留言(4) ] [ 編輯日誌 ] [ 分享至FACEBOOK ]


2006 年 12 月 4 日  星期一   陰天


2006-12-04 分類: 燕子飛呀飛

本身話要準時收工，誰不知... 下次都係唔講呢句啦!意外地超夜收工，收工已經差不多10點了，仲差點跟人嘈交，最後食完飯沖埋涼都12點，再做返少少公司野就去訓啦，因為明天想早 d 返工趕埋 d 功課比人，仲要執工展 d 物資，oh ~ kill me!!

工展就快開始啦，就快進入冇假放的日子，但我呢兩日都好似想病咁，頭痛到爆... 想點~"~ 唔要再病...夠皮了
發表時間：2006-12-05 02:06 AM  [ 訪客留言(0) ] [ 編輯日誌 ] [ 分享至FACEBOOK ]


2006 年 12 月 3 日  星期日   陰天


收到雪人~ 分類: 靜靜的生活

收到聖誕禮物 ^0^ 好野!! 全是可愛的雪人 ~

發表時間：2006-12-05 01:57 AM  [ 訪客留言(0) ] [ 編輯日誌 ] [ 分享至FACEBOOK ]


2006 年 12 月 1 日  星期五   陰天


再次外勤 ~ 落舖 分類: 燕子飛呀飛

又再落舖點數了，如果公司不是有咁多野要做，相信我會鍾意咁出街逛逛的生活，落到舖跟Sales們談談天，又可以知道佢地想點，聽下佢地講意見，其實確係唔錯，有時跟佢地傾計，又會增加返 d 熱誠返來，唔錯 ~

今次主要去新界線，上水、元朗、屯門、荃灣。第一次自己坐輕鐵，感覺新奇，好似去左外地咁，以前阿媽帶我地就坐過一千零一次，不過...迷路了，因為我地以為佢好似火車咁冇分車，之後就一直都好驚坐輕鐵，今日終於長大了!!  學懂了!! 最後仲係荃灣找路行，其實我並不熟路，只係前排的「尋找278x總站」事件先叫行多左荃灣。雖然我唔係一個路痴，但對於我來講，今日真係見識唔少 ~ 萬歲! 要努力工作的感覺返晒來嚕~

覺得係時候寫下簿仔的日記，免得成日都將 d 野唔記得... 唔想再後悔有一年的空白記憶。
發表時間：2006-12-05 01:51 AM  [ 訪客留言(0) ] [ 編輯日誌 ] [ 分享至FACEBOOK ]


2006 年 11 月 30 日  星期四   陰天


外勤工作 分類: 燕子飛呀飛

早已講過話要落舖點算物資，我跟圈圈間斷咁落舖，昨日開始實行的第一天。我們還要預時間執野及訂貨落工展，而我仲要整會員... oh ~ 真是忙碌的開始。

昨日有part-time入資料，要先回公司教完佢地先出去，去了太古，將軍澳，九龍灣，黃埔，都幾free下無王管，但很累... 整天行來行去，不過落舖確係睇到好多野，都算係一個學習來! 而且仲看到人生百態呢。

今日返工清返 d 手尾，把所以事做好後已經8:30pm... 不過明天又落舖了，所以執齊物品，交低d野，明天向新界線出發！
發表時間：2006-12-01 12:44 AM  [ 訪客留言(2) ] [ 編輯日誌 ] [ 分享至FACEBOOK ]


2006 年 11 月 28 日  星期二   陰天


讓我發發癲! 分類: 燕子飛呀飛

眼... 總算好返，安心，感謝各位的關心，不過我好似已經習慣左唔用電腦的生活。好耐未行過街，一直都想買聖誕禮物或裝飾，買 d 特色野，好好咁感受下聖誕的氣氛，至少買禮物都開心，無奈時間確係唔夠，連去睇既都冇...  WHERE IS MY TIME!!

工作還是老樣子，OT不肯再開咁多，整體感覺比之前差，越來越唔明點解會有個咁既阿head，佢唔配!!! 唔俾消假落工展幫手，用埋晒 d 爛藉口，話會幫我頂，叫我俾隻眼抖下，又話如果我閒日放假影響仲大仲麻煩，難道而家連續放就冇影響嗎？唔係理由既理由。自己想賺補假去旅行吧？唔鍾意我地放假... 但自己就得？到底想點...

感覺係佢想o係背後插我一刀，咁佢就可以大大聲聲講我任性的要求放假，更可以話我做野交唔到貨... 是我多心嗎？以往的經驗不得不令我成長，看得更清，「寧願我負天下人，勿要天下人負我」好句!!。。。。。。現在正做緊2份職位的工作，沒問題嗎？一定要迫我任性既遞信及$$嗎？很累... 可以捱幾耐？

高興他仍體諒我的任性，任由我時刻發著無理的炆及怒，努力的令我平靜。曾講過不對他發脾氣待他好，最終食言既又係自己，知道他也有自己的事在煩，沒法再向他下什麼承諾，只希望我能令他擁有開心的時間再多點...就滿足了...
發表時間：2006-11-28 11:49 PM  [ 訪客留言(1) ] [ 編輯日誌 ] [ 分享至FACEBOOK ]


2006 年 11 月 20 日  星期一   晴天


需要休養... 鬱悶 分類: 燕子飛呀飛

眼角膜發炎，眼睛紅卜卜，眼白+眼珠邊邊發炎，所以望光會有點痛，問題不大...算安慰了
早前已經請左4日病假抖抖，來緊會再請2日大假抖下，醫生話預計2星期才會好...天呀!
電腦暫時係我死敵，返工都辛苦，公司同事都叫我回家抖抖...

不過好消息是，今天眼晴看到眼白的位置比紅根多了，很想快點好返出去玩...
已在家呆坐了數天...
發表時間：2006-11-20 04:14 PM  [ 訪客留言(1) ] [ 編輯日誌 ] [ 分享至FACEBOOK ]


2006 年 11 月 9 日  星期四   晴天


2006-11-09 分類: 燕子飛呀飛

圈圈 跟 怪獸 都放假去旅行了，庶務部只餘下我一個了，到底是好還是差呢？但剛巧這數天都病得我五顏六色，很想抖抖，但又不能令庶務部懸空，不然之後有排我受，每天還是乖乖的返工，不過身體還是累累的，決定等佢地返來，放1~2天假抖抖，星期一佢地返來要交接... 星期二老闆生日... 那我的假便要等到星期三了... -0- 都係諗下...

其實整天也頗辛苦，少少、少少咁舒服，放工本身不想出街，不過還是見下佢，佢都唔係好我好多，眼腫+少少燒... 我倆都病到傻了... 係朗豪坊行左好耐都諗唔到食咩，最後選左Delifrance，不過都唔係食到好多，唔知點解見到碟野想嘔同埋暈... 食完晚餐就返屋企啦，雖然好早返到，但一返到屋企就已經恰恰地，飲埋杯紅棗杞子圓肉水就訓埋添... 唔知飲得急定咩，今日飲完都想嘔，不過感覺唔大，快快手手咁沖埋個涼就訓了。

* 收到聖誕禮物 ^^ 開心 ~ 返到屋企先影返張相貼出來
發表時間：2006-11-10 04:36 PM  [ 訪客留言(6) ] [ 編輯日誌 ] [ 分享至FACEBOOK ]


2006 年 11 月 8 日  星期三   晴天


近況 ~ 近況 ~ 分類: 燕子飛呀飛

哇，俾人投訴唔回報自己的新動向，竟然怨長輩，可惡！咁當然我都好乖乖咁上返來，寫下近況。原來都好耐冇寫，沒法子啦，近排忙到傻，心情差到爆，事事唔順利實在唔想發埋 d 怨氣電波俾你地 (幾為你地設想~)。

好，以下就係曾經發生而又記得既事...
謀事：俾怪獸叫左入房加上「七宗罪」，罪名成立！任由佢插，心中暗罵。呢 d 咪就係蛋治囉，鬼叫係佢條靚，好在老闆內線找佢，提早放監，押後再判。氣頂情況下，衝到公司Lobby(reception)發癲，攬住圈圈豪哭一番，被嚇親的只好遞上紙巾及一杯水，但求盡早甩身。冷靜過後，忍無可忍，於電腦尋找一封信，天不造美，原來無帶佢返工... 只好靜待時機，不過走的心已定。結果呢？後來給施主阿媽及阿哥導化了，為免另一份工又出錯，決要在這學習做得不好的地方，學後便可成仙了。現在乖乖的聽話，態度還好得很!

健康：頭暈、想嘔數幾天，大夫說血壓偏低，服藥後未見功效，以為快之將死... 感慨健康重要，另一大夫說吃藥三天後不果便要再查證病因，吃藥後情況更嚴重，完全無胃口，怎料今日同仁送上茶樓外賣，吃後舒服多了，他們說可能是飯氣不足... 今日吃了早餐 x 2，午餐 x 2，生日蛋糕及沙拉，暫時由危險轉為有待觀察，希望能健康下去。

人在公司的我，是時間需要努力工作了。
發表時間：2006-11-08 05:36 PM  [ 訪客留言(4) ] [ 編輯日誌 ] [ 分享至FACEBOOK ]


2006 年 10 月 19 日  星期四   晴天


再請病假 分類: 燕子飛呀飛

再次請病假，到底... 我真係病？定係扮病呢？唔知... 但頭暈是真的
屋企人知道我又唔返工都幾震驚 (因冇可能發生係我身上)

晚上跟他的同事到火炭食飯，由於冇返工，去左紅磡火車站等佢。第二次去火炭食，雖然都係同一間，但今次比上次好食，上次真係叫錯餸了 ~ 食完時間尚早，有人送返屋企，好野~ 返左粉嶺食糖水，中途發現開左間山崎麵包，買左條美味條做早餐，好野~ 不過明天就要早 d 起身食左佢嚕。其實晚餐都食飽的了，胃...是伸縮的，所以沒什麼緊要 ~ 笨!! 好像有點心情返工了。

今日的心情好像差左少少，發的脾氣多了，嬲的時間多了，炆炆的。好多野諗緊... 到底為什麼呢？想什麼？後悔麼？雖然有些事真的不太喜歡，但還是讓你自己決定吧，乖乖的別管閒事，取平衡吧，吼！反台~~什麼跟什麼!!~

對不起，還是忍不住向你發脾氣，到底是你令我發脾氣，還是自己乘機發癲呢？每次我發嬲，知道你真的很就我... 想說的就是這些了... 不知自己又在胡說什麼= =!!
發表時間：2006-10-20 01:40 AM  [ 訪客留言(1) ] [ 編輯日誌 ] [ 分享至FACEBOOK ]


« | 47 | 48 | 49 | 50 | 51 | 52 | 53 | 54 | 55 | 56 | ... | 69 | »