| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2006 年 7 月 29 日 星期六  |
| 叉電的一天 |
分類: 燕子飛呀飛 |
經過昨天的大戰, 今日冇心工作, 唔好叫我做野, 會殺人的
當然最後都有野要做...但個心已經想放工
由於放工遲左, 所以去左嘆茶 ~ 休休閒閒咁食個午餐, 食到飽飽, 滿足^^
去冒險樂園睇 推錢機 同埋 細路玩個 d 數碼恐龍打鬥機,
發現而家佢地好幸福, d 阿媽勁錫, 去到寵壞的程度
最衰冇帶金幣, 唔係就可以癲返餐 ~
不過都玩左擲波, 只係唔中... 隻壽司公仔好得意架 ~ 但見人地又好易喎
食左吉吉家做晚飯就去左睇軟硬演唱會了, 個show超正, 好好睇, 唔知點形容
佈景同埋有一幕 d 人開晒 d 電話的燈真係好靚 ~ good show ~
過得好滿足的星期六, 好有渡假feel, 可能本身心情唔多好吧？
但感覺良好, 星期一可以再戰!!
|
| 2006 年 7 月 28 日 星期五 |
| 漫長的一天 >"< |
分類: 燕子飛呀飛 |
成朝早忙東忙西的, 到了午飯時間仲要走來走去, 飯都冇乜點食, 浪費了...
手頭上 d 野都未清晒, 就要幫舖面做下帶貨, 出左去唔夠15mins, 就發生大獲野
臨出發老闆找reception, 已經答左係細房開同人傾野, 最後佢竟然發皮四鬧 圈圈 失跡左去邊!! 吹啤
急找圈圈原來係問+鬧 文具同埋維修光管個 d 支出大左, 但一向都唔係佢跟, 想點!
又唔問我, 只係識得恰最細的人, 頂佢, 佢就係咁比人鬧左一獲, 真係你老闆
之後先知原來我地個阿head 比人插左幾刀, 搞到老闆唔多鍾意我地
要諗下點防我地再比人插一刀了, 我地 dept 要堅強 d !! 頂住!
晚上開員工大會, 見到marketing個阿head假到呀...打爆佢個頭!!
我同 reception 經過今日... 身心疲累, 重未如此
實在寫唔晒咁多, 一日內發生太多事了,對呢間公司... 死晒,
雖不近, 但不遠矣 |
| 2006 年 7 月 27 日 星期四 |
| 越來越難做 |
分類: 燕子飛呀飛 |
公司來緊有個BB展要搞, 講到明 admin 唔夠人手, 但仲諗住叫我地落去,
又要搬office, 又裝修舖 x 2, 轉system x 2, 驚我地冇野做咩?
marketing 佢地人又多, 仲請左新人, 仲想點...
開會傾展覽 d 野, 我係至細個個點咁駁 d 大粒既說話, 就算駁都唔會理啦佢地
做左夾心人, 真係有苦自己知, 勁想打爆佢地 d 豬頭!
好耐冇入過會員資料了, 咩都要變, 搞到好亂...
呢一刻 只係想快 d 放假抖下, 好累... -_=! |
2006 年 7 月 26 日 星期三  |
| 厭世? |
分類: 左思右亂想 |
好久沒寫了, 沒什麼大心情
近來感覺 心痛, 心傷... 唔知想點...
很累... 很掛... 很多事...
有點討厭自己, 很想躲起來
別問我為什麼... 靜靜的便可以了
你們的留言, 稍後才覆吧 |
| 2006 年 7 月 13 日 星期四 |
| 自我放假一天 |
分類: 靜靜的生活 |
晨早6點幾以為7點幾, 拿拿聲起身換衫, 點知…原來睇錯鐘…仲叫錯人起身…
再訓… 就去到8點幾… 腦空白… 遲晒大到… 諗起d野清晒, 咁就抖下, 請病假
訓到2點先起身, 坐陣再落街食野, 順便睇醫生
落到去個網絡醫生又話唔用得醫療卡, 咁只好比錢睇囉
諗住去睇肌肉勞損, 點知個醫生都唔識既… 都諗唔到咩症狀… 又唔知點醫…
最後仲要比佢串話叫我要有合理期望 = 醫唔好… 話姿勢好難教喎, 可惡…
「多麼的任性 任性到讓你擔心」 |
| 2006 年 7 月 12 日 星期三 |
| 去街街 |
分類: 靜靜的生活 |
佢深圳一日遊後返來找我食飯 ~ 臨走時有個人話來見工, 搞到我又遲到...
去左大家樂食飯, 因為想試新野 — 香蕉船鐵板餐 >v< 好好食
超正, 有酥皮湯, 焗薯, 扒, 香蕉船 再加＄飲紅豆冰, 超飽!!
食完路過戲院, 隨口話想睇戲, 點知佢話買飛, 最後= =發皮四同佢嘈收場...
陪左佢買腰bag, 恒生卡有折 @@ 好野, 當然我唔會收返錢啦, 等佢欠我, 哈哈
收到禮物「禿頭仔」第三代印仔一個, 好得意架, 塊面仲識得動, 謝謝 >"<
其實今日冇乜心情, 諗住唔發脾氣… 但估唔到唔得…
「只想借你肩膀 讓我好好的哭一場」
|
| 2006 年 7 月 11 日 星期二 |
| 與中大同學仔聚聚 |
分類: 做個工讀生 |
好急咁約左今晚食飯, 都好耐冇見佢地啦, 不過唔齊人, 得2個人 ~"~
先去元綠食晚飯, 再去坐低飲下野, 咩都傾下笑下, 傾到夜晚晚先走
看來大家也很忙呢, 唔知幾時會齊人出來呢?
「愛情就像一個瓶子，有很多方法把樹枝放在瓶內，
沉積在瓶底，直到某天瓶子再也裝不下，一切便重新計算。」 |
2006 年 7 月 10 日 星期一  |
| 世界盃 完蛋 ! |
分類: 靜靜的生活 |
去完玩水已經好累, 但一早已經決定要睇呢場 "意大利 vs 法國"
最後一邊打機一邊睇波咁睇晒全場, 但已經係5點幾啦...
仲要7:30起身, 真係想唔返工, 但又費事~
全日都做做做, 同恰眼訓... 公司大部份同事都好累... ha ~
放工快快的返家, 食埋個飯就恰著左, 一醒就已經係今朝了!!
睇來真係幾累, 要慢慢補返先 |
| 2006 年 7 月 9 日 星期日 |
| 南丫島賀大姐生辰 |
分類: 繼續齊撞聾 |
早 d 起身執野, 費時咁亂, 但明明執好晒, 但臨出門口唔記得左張八達通放左係邊...
將 d 野找晒出來先醒起係褲袋... 最笨就係最後唔記得放返個相機, 但我又記得帶電... -_-"
目的地 - 南丫島, 未去過, 中環坐35mins船就到, 好有旅行feel, 入到去行左陣街就去沙灘
個灘大浪到游唔到水, 咁就變成 衝浪(扮個隻) 再變成 跳浪, 仲之就係唔好比 d 水埋沒自己, 旁人睇都幾funny架
咁玩已經夠皮了... 本身諗住係島到食晚飯, 但最後我地變成餓鬼咁去左食Pizza Hut, 坐左粒幾鐘...
最後係火車上訓著左, 實在太累了 ~
精采又酷熱的一天, 不過今日好似冇乜提過係為阿大慶祝, 大家只是記得玩玩玩
南丫島真係好有特色, 手信仲係集東南亞地方於一身, 曾經佢都話想來南丫島行下, 不過今次話費事 ~
其實本身想叫埋佢來... 但只好等下次啦 ~ 不過我地都未去到風力發電個邊 ~ 可以下次去睇睇~ |
| 2006 年 7 月 8 日 星期六 |
| 黑黑地... |
分類: 靜靜的生活 |
落大雨的一天, 但我一冇帶遮就落雨, 仲要成個頭濕晒... 嗚... 唔通連個天都唔鍾意我？
難得的星期六, 老闆竟然返工, 吼! 唔使咁掛住我喎!! 臨尾仲問我尋日d野搞掂未...傻架!
最後拿拿臨交住 d 行貨比佢先, 唔好阻住我享受假期~
收工找佢飲茶 ~ 超嘆既feel, 唔~下次要帶埋雜誌報紙去先得, ha, 食到飽晒 ~
之後再去食麥記新出的飲品, 菠蘿加個雪糕係面, 唔記得咩名, 但ok喎
但佢杯朱古力咖啡就唔好飲啦 ~ 好濃咖啡味 -0- 因為我唔鍾意飲咖啡~~呵!!
今個星期終於去到黃大仙聚會啦, 原來都差不多有成半年冇去...= =!!
佢地轉左地方食晚飯, 唔錯 ~
同表表好耐冇見啦, 佢變得高過我!!? >"< 唔通我縮水？好驚呀~~~
佢叫我去旅行 ~ 唔... 考慮下先~~ |
« | 51 | 52 | 53 | 54 | 55 | 56 | 57 | 58 | 59 | 60 | ... | 69 | »
|
