維村
藍，是我的顏色
supern : 個人主頁 - 相簿 - 訂閱  [ QOOZA - 論壇 - 登入 ]
supern
暱稱： 村長
性別： 男
國家： 香港
«‹ October 2026 ›»
SMTWTFS
123
45678910
11121314151617
18192021222324
25262728293031
最新文章
•那些我愛過的人
•我的命運
•2019-09-28
•??
•不知不覺愛上你
文章分類
•全部 (791)
訪客留言
最近三個月尚無任何留言
每月文章
好友名單
最近訪客
最近沒有訪客
日誌統計
文章總數： 791
留言總數： 116
今日人氣： 13
累積人氣： 19837
2005 年 9 月 22 日  星期四   晴天


睡呆了 不安 分類: 未分類

番學真係好辛苦，日日都早出晚歸，弄得整個人都很累﹐所以每逢搭車番學或放學既途中必會睡覺，訓到個人"牛牛逗逗"咁...雖然訓著左，但我都知自己訓得好樣衰....成日訓到擘大左個口....真係唔知人地睇到既時候會點諗....琴日返9點半，搭地鐵既時候仲訓過龍...真係未試過咁樣架wo....

冇textbook其實真係唔係好掂...一定要拿拿聲問同學仔影哂d書....同埋去mian lib借....

本來隻腳係好得7788的，醫師仲叫我唔好行咁多路同唔好上咁多梯級......唉...但係日日上港大，行樓梯唔痛死都累死...何況話好鬼番哂??
發表時間：2005-09-22 07:45 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 9 月 19 日  星期一   晴天


通頂+飲早茶 傷心 分類: 未分類

12點， 一天既開始，中秋節不外孚賞下月同食下月餅....不過去得人地屋企通頂，點少得打機呢一項消遣，不過副麻雀開左出黎卻整晚沒有玩過...，坐左陣，梁生都到左，成村人輪一部ps2....咁都要打下既...打左陣，出左去花園賞月同食月餅，今晚個月光特別明亮，哂到個人有影架wo .....之後訓左係張睡椅度半訓半坐，"是該衣" <----莫文蔚tone

之後又番左入屋打下機，打到3點幾同徐lin訓鬼著左，訓左一個鐘醒左繼續打機，但徐lin就一覺訓到大天光，打到5點幾，方伯而家先黎....真厲害!!6點幾到個個訓哂咁濟，剩返方伯同偉邦仲係度we9激戰訓到7點幾鐘起身，又打過......

8點幾盧濟提議出元朗市中心飲早茶，搵左一間要等位...結果去左第二間飲茶，係我記憶中我未試過8點幾咁早飲茶(邊有咁神心呀 )....係咁叫野食....多到飽，我地成班後生仔其實都幾觸目 ，大家又再次研究下次meeting同去旅行了，其實大家真係忙得很....幾乎一個月先見一次，所以而家夾定都差唔多.....結果鐵定下次出黎係夾時間旅行的.....

飲完茶班友好似精力過盛咁打算去踢波.....但行行下我同kato梁生走了，去搭68m，全程訓....番到屋企沖完涼大覺訓....結果去唔到東涌...sorry to C仔 for甩底 ........番足成個下晝至醒.....
發表時間：2005-09-20 08:41 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 9 月 18 日  星期日   晴天


通頂序幕 愉快 分類: 未分類

今晚約左成班人又去盧濟屋企來個中秋一聚(其實又係借d椅玩通頂)，今次人數除左同上次一樣之外，仲多左兩位稀客—徐lin同偉邦，佢地不約而同都想一睹盧濟新居既"過份"程度.....

入去之前，約左偉邦同朱斌去濠江食飯同睇曼聯對利物浦....結果0:0 .....之後約左徐lin同kato去西鐵站等....等足佢地個幾鐘 .....搭到去元朗等盧濟架車接送，入到去都11點半了.....

 
發表時間：2005-09-20 07:48 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 9 月 16 日  星期五   晴天


枯燥生活 鬱悶 分類: 未分類

其實上學的生活每天也是差不多，沒有甚麼特別事情值得記低，上學中途、課堂情況，課餘時間，下課情況....每天也是機械式操作，這裡只是"即日鮮"，忘記了就可以作罷，就好似昨天(星期四)發生過的事情，我忘了記下，今天的我已經沒有心情再回憶昨天發生過甚麼事了，枯燥的生活，已經天天如是，一天之內要記下共兩天相同模式的生活，回憶然後再記下的過程比過著兩天同樣的生活更辛苦，更難受，所以昨天(星期四)的日記，請恕我無能為力了，我在這裡為存心想看我昨天的日記而上來的人致歉，你們要相信自己確實是白行一趟了，你們就當給我的腦袋一天day off吧....我這裡沒有甚麼可以賠償給你們，我唯有準時為我的日記上畫吧，這起碼能使你們覺得上來這裏是有意思的，當然有意思的定義在你們的心中各有不同，不過這個板一日開著，我都要負責這裏的"日常運作"，否則對我來說就真是沒有意思了。

今晚舊同事阿明約左我去佐敦沙嗲王食野，佢自己又叫埋佢d女仔friend出黎，friend搭friend咁食飯，其實我都係第一次，不過每樣野都有第一次ge，感覺還不錯。btw，沙嗲王d野原來都幾好食~~
發表時間：2005-09-17 03:22 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 9 月 14 日  星期三   晴天


boring safety 不安 分類: 未分類

7點半起身，超眼訓，食左幾塊餅走人了....第一堂上basic biochem....查實我都唔知如果drop左呢科add其他科會是禍是福....起碼呢科有底子，又唔係太難...都係算啦，我是一個比較甘於安於現狀，不願冒險的人......對!!我是一個這樣的人。

10點半上完堂，一班人去左黃克兢個邊食早餐，之後番main lib 睇下d notes。去到一點鐘，去LE度上org chem，今堂教d野總算比上一堂有d意思

落堂....同cyrus係度研究本org chem text book，看來我都要買一本了，之後同佢又去左黃克兢食lunch...大家係度分享做暑期工既經驗，佢做ceo neway...

之後4點上一堂好悶既lab safety....先黎有趣既火警viedo...跟住就悶到唔知佢講過d乜，期間出左去一陣...示範用滅火同的正確方法...超無聊.....又做埋d lab safety quiz先走得....足足浪費左兩個時辰....

 
發表時間：2005-09-14 11:00 PM  [ 訪客留言(0) ] [ 編輯日誌 ] [ 分享至FACEBOOK ]


« | 150 | 151 | 152 | 153 | 154 | 155 | 156 | 157 | 158 | 159 | »