今日本來番1點，但琴晚睇錯時間表以為番11點半，結果早醒左個半鐘…仲要係等緊39m個陣發現….死好命 ，不過蝕左早餐錢@@.....唯有番上樓hea下，睇番琴晚d刑偵錄影先走…

日日搭個半鐘頭車好鬼悶，車錢又貴…唉…..

1點番去上基本有機化學(Basic Organic Chemistry)，上課地點在鈕魯斯樓既4樓，其實都仲未裝修好….不過個theatre總算見得下人…呢一堂講既Organic Chemistry真係好basic…我幾乎冇聽過書咁滯…

落左堂去canteen食野…同埋聽”偉論”

3點鐘，去莊月明化學大樓上gen and analytical chem….食完飯好似冇乜心機聽書，下下問人野 ...4點鐘落堂，但仲要留番係個theatre度聽org chem d pre lab....

聽完之後，上左lab到對哂三科chem實驗既時間….幣家伙…有3個禮拜係連續3日做lab，真係可以嗌救命….d lab就充斥住10月同11月，諗起要交咁多份lab report已經想死…..

5點鐘走人，番左荃灣打機，then 回家吃飯了~~

到底係我難以接近，定係我不懂接近??兩者皆是吧

琴晚臨訓個陣開自己日記睇，個"人氣"都未到300，但今朝7點半起身多手睇下，無啦啦去到500...…即係一晚之內有200人走黎睇...平時都係十幾人上落，邊度搵200人走黎"灌水"

上九點半堂，7點半起身真係好眼訓，成個暑假都未試過咁早起身...去到金鐘，有勁多人等巴士，都唔明，點解港大要起係半山....

第一堂上基本生物化學(Basic Biochemistry)，見到阿cam...同佢坐，個阿sir講書搞哂gag咁，又周不時講野高八度 ...真係搞野...呢科又係學d bio，一d我唔鍾意既野.....又唔係好有心機聽佢講書，要考慮下今晚番屋企轉科....

10點半落堂，2點鐘先有堂，唯有去左圖書館借書同坐下，坐坐下又見到阿cam，一齊去左同harold食飯，斌哥打黎同佢嗲左幾句，then又番圖書館...今次訓覺....

2點終於到，去上inorg chem...發覺對住d chem零舍精神 ..時間好快又過，3點鐘放學，番屋企打算add/drop.....結果好複雜，放棄!!

今日訓到11點幾先起身，落左樓下買野食，蒜茸雞扒飯~~yummy

食完唔夠一個鐘，我老豆叫我落去飲茶@@，算啦，真係落去飲番兩杯茶就走了....

5點鐘到又去覆診，個跌打醫師次次都問我讀緊咩....同佢無聊傾下計，我話我讀書讀到悶...佢提醒我而家學歷真係好重要，唔同以前d人睇重經驗，而家社會除左睇經驗之外，仲睇埋學歷，學歷高大公司亦會優先考慮，他說因為大機構唔想放很大舊$$請只有經驗既人，寧願要一個學識好的人，再加以培訓，將來培訓別人既就係你.....一句講哂，讀書只為將來無憂米，無非都係想搵多d $$姐，前途....個前字讀歪d音咪又係"錢"...前途錢途...相等的

講到呢度，我反思下老豆供我上大學，都係想我將來生活好d姐...不過理想唔係咁易實現，除左自己能力以外，仲有好多客觀因素影響，我既前路仲有好大片雲霧遮掩住...唉...還是盡力吧，起碼問心無愧。

夜晚食自己，佢地去哂舅父度。download左賭聖黎睇，好笑 ...之後睇完波訓覺zzz

今日番兩點，預早d時間番去，因為唔知係邊到上堂...去到金鐘搭37A，原來都好快，又夠哂平，不過只限非繁忙時間...繁忙時間一定擠得水洩不通....去到，原來上課地點很容易找到

今日上基本無機化學(Basic Inorganic Chemistry)，見到好多space人，但冇乜邊個熟識.....加上本科的學生，人數比作日的還要多，幾乎整個房間也填滿了。課程簡介和講師自我介紹在幾分鐘內便告完成，講師隨即就進入課題，整個暑假腦袋完全放下學業，很難習慣節奏那麼快的課堂，可幸的是今天的課題大部分也在year1學過的，不是太難跟隨(follow)，3點就下課了。

之後番荃灣，搭地鐵時見到梁生，佢個頭染左青色 ，第一下望埋佢真係好好笑，仲可以見佢做青頭仔 ...番到荃灣，再次睇跌打，因為隻右腳仲未好番......

番屋企，7點零鐘到盧濟同家圖上左黎打躉等踢波........成晚我又在睇電視了

琴日先知道，原來係港大上既堂今日就開始，所以點半鐘就出左門口，本來時間好充裕，但點知係金鐘上左架賊車40M...塞車塞到嘔 ..結果我3點一至上到港大....遲左5分鐘....今日係上通識和分析性化學 (General and Analytical Chemistry)，今日都係講下課程簡介...個lecturer 講英文好得意 ...離開大學本部時竟然見到個住荃威既女仔 ，咁遠都見到，真有緣

4點鐘放學，番荃灣.....打左陣機.....打俾C仔問下佢馬會見工如何....

6點半鐘番到屋企等add/drop...既然星期三個堂調唔到.....不如掃走兩科閒科落sem 2，留番QA係 sem 1，一來讀少d科，get a higher gpa可以易d，二來QA起碼易於掌握....

add/drop後的時間表:

得番QA係金鐘centre上，港大.....好遠呀