今日電影"黑社會"上畫，我忍唔住先睹為快....我實在唔想拖咁耐先睇，咁樣個股"熱"會冷卻...

從來未試過自己一個人自己睇戲...除左有一次....冬陰公....不過我心底裡其賽唔介意自己一個人睇戲，只係沒有"知己相伴"呢個動力去推我去戲院門口(即係唔想甩底..)

今日相約了一個電影發燒友去百老匯電影中心睇黑社會，我放左學就去....這裡我只曾來過一次，那一次還是和她經過的....

看畢整套片，沒有太大高潮起伏，不過主題亦確實吸引..亦明白都咩叫"做到鬼就曉迷人"

百老匯電影中心睇戲只係35蚊，我諗我會多d去呢度睇...迷到我的除左係價錢之外，仲有它的氣派及多元性~

今日番1點....上org chem，dennis坐左去第二邊.....仲以為佢冇返黎....搞到得自己一個人坐...

之後去左mainn lib溫左陣書...3點上gen chem之前去左食野....

今堂又係混混惡惡咁過...

上完做lab.....我好憎做lab...只會暴露哂我既短處出黎----粗心大意，做事欠冷靜，因為這樣，我每次做實驗都會犯錯或為此而擔誤了時間...今天忘記了加一樣reagent...搞到拖慢左.....仲有少許細節有所失誤...搞到己組係最後一組走....我希望我下次會有所改善...

又偷懶左兩日...唔好意思

朝早番9半...上biochem，轉左第二個人教......佢話會send notes俾我地....全班人即刻拍哂手掌。跟住去左mian lib溫書做lab report....上兩點inorg chem之前去左食lunch先...

inorg次次都係咁....要聽一定聽得明，但無奈會有幾分鐘實會發白日夢.....

夜晚阿明約左我番tw沙嗲王食...佢又叫埋d我唔識既人去...都冇所謂..但個3個人係讀中學的...又自成一角...搞到成餐食多過講(當然唔會同阿明唔講野)....真係有點悶蛋..看看周圍環境，來了不少新人...其中一個仲係阿明既target ...舊人依然係個d...意外的是他們仲記得我係邊個.....都好，起碼食完唔會悶住走....

雖然今日返兩點，但係9點幾就醒左.....個喉嚨無啦啦好鬼痛....唔通係kennis講既"秋風起"...?食完飯先出街，返到去上inorg chem，呢科仍然都係冇書.....所以放左學諗住去買，今堂講d野好無聊....好似冇聽過書咁....

放學等車見到好耐冇見既江玲....搭23號打算落cwb既商務買inorg既textbook，但點知過左龍去左中央門口...咁咪順手上埋去睇下有冇我想搵既書囉..有既話連買既錢都慳番。中央就冇啦...但係荔枝角圖書館就有一本....所以即刻係個度book定本書，then搭mtr去美孚借書...結果順順利利借到~~~正!!兜咁大個圈..又去cwb又黎美孚借一本書都係值得既~

番tw..再次do sonething(自己估多次啦)

前兩日好忙+好累冇寫日記.....+上唔記得左同埋好懶，所以算了吧.....或者我會係不久既將來補返....你地等得就等啦...

今日返11點半..係space度上上之前落街食早餐...食食下無啦啦流鼻血....可能d野食太熱氣了

番space....上左3粒鐘...兩點半走得....約左好耐冇見既kennis去朗豪坊睇童夢奇緣，睇4點2...之前食左野先...買飛個陣張廿蚊紙不翼而飛....明明俾左兩張廿蚊紙....但唔知點解佢好似變魔術咁，變走左張廿蚊紙....但我全程"目及"到實，真係唔知張廿蚊紙飛左去邊 ...kennis都見到我拎左兩張出黎架，點解會唔見左架??唔通佢買飛個counter係百慕達3角

入場睇....老實說，我未睇過一套會令我喊既電影....成套戲都唔係太touching，但一去到劉華好老個shot即刻標眼淚 ....佢個感動位真係好"出"....kennis同我一齊咁"感動" ....總括來說...實在好睇

跟住去左食糖水，好正~~

睇完戲番歸..番荃灣do something(自己估下係乜).....then回家了，食自己.....