朝早約左朱斌過cwb食lunch，10點鐘起身...唔知醒..

去cwb食月南野，又傾心事咁....見識到他的新女朋友....

之後搭23上hku上org chem....今堂好俾心機聽書

上完又去main lib死掂份死人lab report ....又要pre lab，三連lab既第二日lab..行到腳仔軟 .....

3點上gen chem都仲掛住做份lab report...

4點鐘做lab....demtor剪短左頭髮~~唔錯的說~~

今日唔使做reflux，不過都做到7點先走....俾人call左去返工...

以為有咩payment新制度..係電話度講d唔講d..又俾佢坤左返去...8點鐘開始打...好快打到一份....以為好順利，點知之後有條茂利連自己屋企用咩電話公司都唔知....被逼cut左個訪問...之後就諸事不順....3度比人中途收線...有d冇耐性...有d連game server都理解錯..pk...，結果一份交差，激到我死!!

12點先返到屋企...條氣仲係好唔順...

番9點半..上biochem，dennis肚痛番唔到

之後去左食早餐，then去mian lib做份死人lab report ...

上inorg chem...新lecturer，國內人...講d英文聽死人...be穿=between.......

跟住4點做lab....第一步人人都要做，第二步燒野，7-8個人一組做，搞到有幾個人係兩手空空等data...我係其中之一個 ......

6點鍾做完，過鰂魚涌番工，見到qq<---to c仔:借住黎叫先 .....今日唔好彩地打得一份....狀態本好，但欠缺運氣..

10點鐘收工，同qq搭車走....12點先番到屋企..聽朝約左朱斌~~

幾日冇打日記...server upgrade 中

reading week打算溫書..點知仲有pre lab，lab report同assignment等等跟住我，呢兩日唔使指意溫書...

至於份打電話既工終於見得成，有得返工但又去咁小半段reading week....

份工原來係c仔同佢個qq一齊做架喎...真係training個日先知

份工唔太難做，兩晚都做到3份長卷，不過d人reject既原因係好多同好搞笑

今日係hku reading week既第一日，訓得好晏....出街見工之前都有溫下書咁...

4點9出街...搭mtr去鰂魚涌見工，見既係一份電話問卷員....6點鐘去到，見時間尚早...打俾朱斌同佢chat左陣...之後上去見工地點----萬誠保險千禧廣場，我係第一個到...入左一間凍得好比雪房既房仔度填form...競爭者陸續駕到，有條友仔無啦啦見我做問卷.....有兩個比原定時間遲(6點半)...7點鐘先黎到，要我地成村人等佢地兩個.....村長要等人..你聽過未?

今日見工計埋我有6個人，兩男4女....個男既睇中年男人，睇落都有"4廿out"，個4個女仔都係一般的青少年....咁既配搭...好奇怪，見工時6個人加3個interviewer圍圈.....輪流介紹自己，點解要揀呢份工，點樣應付難題...來來去去都係呢d問題...不過個interviewer好識講"故仔"...意圖兇9我地班0靚仔，睇下有邊個會知難而退，咁佢地(加埋我)梗係懶鎮定架啦，唔通即刻縮咩....(加中年人士經驗老到，唔係好駛擔心佢)....圍圈講野足足成粒鐘，之後帶我地見下工作環境...交帶幾時返工training...then散band。

8點半了...飯都未食，即刻衝番屋企食飯。

呢幾日都有係屋企溫下書....聽日開始係reading week，會有排溫....

家中發生了一點事，尚待解決....我亦發現我對屋企事未盡了解....

聽日去見工，gogogo!