斬下眼現時來本村觀光既人數已近一千人了

為隆重其事，村長有意表揚第一千位光臨本村莊的貴客

如你發現自己是第一千位貴客，請留個言吧，你將會被幸運跟隨著~~

提示:當你看見在左上角的"人氣"是999的時候，你就是第一千位幸運兒了~

村長僅此致謝

午夜12點，平時既我應該準備訓覺，但在星期一零晨既12點0一分起，我卻坐在電腦前準備睇曼聯對車路士的大戰..雖然第2朝我要返早，仲要係一返到去就要測biochem，不過都唔理了，照看可也，幸好曼聯勝出，否則是徒心機捱眼訓

睇到兩點先訓，7點半就要起身，眼訓得起mtr度訓著，雖然只得半小時，但已足夠...番到去唔知試場係邊，唯有跟人行....份死人paper好難做，唯有執得幾多得幾多...

test完，去左食野，跟住去main lab做lab report..我的人生好像充斥住lab report

2點上inorg....上完去main lib做qa2....

今晚要番工，5點幾去左莊月明食飯先，因為夠平...

7點番到去....開始打，點知又俾quota限，預約左既人又唔合資格，結果成晚同坐隔離既阿華一齊食蛋...

10點半走人...12點先番到屋企，超眼訓....好彩聽日番晏~

今日要1點鍾番hku 個lab搞個IR septrum出黎，準時到，eric一早黎左仲做完....收到tan電話，meet佢俾biochem d notes我~~上番去做lab，好快搞掂

跟住上inorg，又發夢

上完去番工，4點半番去聽新問卷beifing，加埋我得兩個人聽，stefanie又走左去開會..結果兩條麻甩佬係度做demo，呢份問卷有d難問.....之後stefanie番黎一齊train...

6點半去左食飯，7點鐘番黎b多一陣就開工，一開始打到份長卷，但係受到前幾日影響...騰騰震 ，由stefanie半幫忙的情況下完成...之後冇咁騰..不過爆左兩次quota...最後只完成多兩份短卷，唉..太少了!!不過總好過食白果

10點半收工，同qq走....番荃灣mtr食qq飯團，又幾好味的說

今日本來仲係space 既reading week，但係qa2如常進行...因為要補課...

10點半上，直踩至2點冇中場...結果中途落左7仔買d野食..

2點鐘完...上左hku食lunch...之後上anl chem，不過掛住黎緊7點既org chem test...冇乜點上過，不過有d溫得仲徹底，走堂溫書 ...

4點到main lib溫org chem...有排等...冇乜心情溫...cyrus無啦啦走埋黎教識我cycloheaxane既cis同trans forms..唔該哂 ，如果唔係真係唔識..

7點test...以為好深....但係好淺，淺到唔識做....問好多concept野，刨到熟哂既mechanism出得好少...結果..仲做唔哂，有一半分已經好好了...呢個學期第一個test，就此完結...

今日番9點半....好眼訓，琴晚典到好夜先訓得著...上biochem...下星期1test，死得...

上完去食早餐，dennis去左main lab大覺訓....得我自己一丁友...

一q早做好既inorg lab report又唔記得帶...又要影過再做過...真係好鬼大意 ....要問eric攞番哂d data...

1點鐘去上org chem，今堂教chiral centre..冇乜點聽

then pre lab...連續做3日lab，我隻腳就黎頂唔順..好鬼痛同累

4點鐘做lab...同eric一組，又有出錯... ，不過好彩6點就做完，仲可以準時返歸食飯 ，不過聽日要測org chem...得閒死唔得閒病