今日番一點，個個都好似好累唔願做咁...阿娜仲打爛成盆杯添...陰功....邊做邊吹水.....發覺MAY姐好搞笑，成日都咁鍾意笑，加埋佢D口音，好鬼頂癮!! 順帶一提，佢住係荃灣中心架WO，竟然咁近

4點鐘收工，食完野拿拿淋去搭西鐵去盧濟新居燒野食，盧濟今次搬左去元朗一個幽靜既鄉村，住既係獨立單層式私人屋舍....佢話搵左好耐，我搵到去佢個度都要好耐，搭完西鐵再要搵小巴轉車，去一個叫大平既站落車，我同個司機講都個時嗌我落車，佢竟然同我講:"個站唔知點樣叫架喎..到個陣實有人落"......我剩係feel到好無奈，竟然有d咁不負責任既司機，加上入佢個度d路真係好陌生，真係有d驚俾人賣豬仔.....

(沿途經過一d好熟識既地方，但我卻不以為然，覺得很陌生...這一刻元朗給我的感覺很特別，這些感覺是不能言喻的....)

去到佢地(屋主、斌哥、wide 、方伯同嘉圖)已經set緊"架撐"，斌哥同方伯係度we9對陣，我都玩番兩鋪，跟住燒野食，燒燒下終於落雨，不過好彩好細雨......燒完係番個花園到玩狗，方伯係度同d狗跑黎跑去，笑死!!!

跟住我地入屋打機，打到點幾鐘至捨得走....出番市區搭小巴.....3點先番到屋企

今日又番一點，打咭之前同阿明吹左陣水....今日既午飯時間竟然好少人，加上有番咁上下人手，做得都算舒服，但3點鐘開始，d人問始落場，今天的下午茶時間特別多人，一區坐滿哂，仲要開埋2,3區....做到踢哂腳，到3點半，連阿琴同阿順都走埋，搞到得番我同may姐兩個人....做到痴膠線...

到4點收工即刻食野.....之後同"事頭"講9月"唔撈"，佢又好順攤的說....填左份離職書....順順利利~~

今日兩隻腳仲好唔聽駛....

今日隻腳好番d，12點幾番番工，不過兩隻腳仲未係好聽駛，行得就住就住咁.....好慢....兩個膝頭哥完全唔受力，搞到大脾同小腿好冤痛。

休息左幾日，有d同事完全唔知我腳傷，阿展以為我去左玩，kathy以為我辭左職@@，may姐好似直頭唔知我冇返幾日.....哈哈!!!得啖笑  ，好彩今日唔係咁多人黎幫襯，如果唔係忙到真係會抽筋。

4點鐘收工，食完野去左飛個靚髮，順手打番鋪機，然後番歸lu，時間竟然已到7點.....

今日仍然仲係烏雲密佈，大雨滂沱，加上自己腳傷未癒，出唔到街之餘又見你唔到，心情實在唔好至極點.....

搵下野do會無咁悶~~成個下晏睇vcd、打機同上網，全屬例行公事

夜晚諗住搵下d網上分享軟件，目的當然用黎睇波啦，再冇波睇真係悶死架啦，上mini問清楚d人點用先至download--->set up--->睇波一take過，download左個ppxxxx 落黎，原來好鬼易搞，set up完就睇到，自問是電腦低手0既我都覺得易搞，仲方便過之前個coolxxxxxxxxx~~ 一連睇左兩場波，用電腦睇波都幾疏孚

尋秦記都要賣告白宣傳，你想夜媽媽都有廿幾點收視嗎??

生疏哂， 不知如何是好......

今日仍然留在家中休息，佢地班友仔去哂盧濟新居燒野食。我都想燒......燒不到的野食是火農的

已有好幾年冇睇香港小姐.....自從冇左i-cable之後，週末少左野揀黎睇，今晚唯有睇下港姐.....睇完...失望至極，製作一年比一年"那西"，港姐質素一年比一年低，無奈.......

很久沒有這種感覺了...