不對的時間，遇上對的人

所以，你是沒有時間勇往直前

不敢作，不敢為，那有收穫

我現在不知可以期望甚麼。。。內心一遍矛盾

我自覺是對，但或者在其他角度出發，我從來都未對過

心中好多結都沒法解開。。我幾時變得這麼多愁善感 。

其實..我好想繼續係度寫野的..

我好想keep住remind人...有呢個地方存在...

但我的生活真係好枯燥...

當初..景打算照顧爸爸一個月..原以為好輕鬆

點知係好煩的，不是想像中輕鬆..身心變得疲憊...

我沒有心力做其他野了.....

我已忘記了...甚麼是愛，忘掉如何去相愛

最近...學緊illustrator...唔番工都搵d野學下啦...

家姐堆生意如箭在弦咁，希望佢搞得成...我從中學下野la

我覺得..我近10年都唔知自己做過d乜野....有人話我知..你近排俾我ge感覺係18廿二ge人做緊ge野..我話係呀...我正在努力追番.....反映我...其實我都幾失敗...

工，已經辭了

7月會在家照顧爸爸

其實我是一個唔適合拍拖的人，我只是一個好人，好到不足夠讓人愛上我，假如有人真的愛我，我會告訴她，我不是一個好的伴侶

這個世界上，喜歡只是一種感覺，不能量化成一種實質的東西，成為維持一段關係的基石。

係我太麻煩，定還是人人都咁麻煩，只是其他人找到解決方法，而我不行?

琴日受到三寶的遨請下，去左睇被偷走的那5年

以為只是普遍的愛情離離合合ge戲，係冇準備之下入左場睇，點知講講下愛情走去講生離死別，講真就有d感動，其中有d片段更勾起我不久前ge回憶

但諗諗下點解要張一套可以輕徑鬆鬆，可以笑中有淚ge一套愛情片，轉做後尾喊苦喊忽生離死別ge戲，我要睇生離死別，我唔會揀呢套啦，我要睇生離死別，睇最後30分鐘得啦，使乜坐係度俾佢偷走我112分鐘

番到屋企，越諗越深深不忿，不忿被套戲扯低我ge情緒，於是搵下呢套野d料

唉一搵之下就知點解中伏

原來套野係黃真真拍

本來套野叫"傾城之淚 2"，但改名了..

真相大白了，原來改名..就係為左tum我呢d人入場睇佢流淚

結論係，強烈不推薦大家睇呢套戲

接近八個月冇上黎了，大家還好嗎，日子還真的不易過..

呢八個月發生左好多事......媽媽在3月時因為不敵癌魔的煎熬而離開我們了，她離開時痛苦好像亦沒有減退，我在旁邊心很痛。而大家也當然會經歷了一段悲痛的日子，但現在，我每次想起她和見到她的照片時，鼻子也會感到有點酸，這應該是正常的感覺吧...

而爸爸，我們亦很盡力照料他，祈求他病情穩定，我不想咁快當孤兒....

讀書那方面，5月已完成了diploma，讀完書，身體自然變得好些，因為休息時間足夠，少了個負擔，而飲食方面亦均衡，現在身體漸漸感到強壯，而degree應該還會讀，不過應該未有咁快，因為想休息耐少少，同埋正在忙於籌組家庭財政，沒放注意力在學業之上

條頸年頭曾經受傷，一直沒好轉，近幾個月keep住做物理治療，情況漸漸穩定了

頭先都講過正在忙於籌組家庭財政，所以仲未轉得工住，希望可以快d搞掂，再搞轉工，睇睇我能力去到邊

近日工作都不忙，因為d客放哂假，日日都hea hea地