今日終於整返好部電腦, 2日沒得玩電腦好慘。

             星期6,一如既往躲在屋企,一來無地方想去,二來都係要乖乖地做功課,溫書....我的假期就甘就完佐,有時都覺得幾無奈,可是生活就係甘平淡,可以點樣呢??

                       好一個平靜的星期日,唔想溫書唔想做功課....總之咩都唔想做,百無聊賴間又覺寂寞難耐。真的好奇怪,短暫的人生真的不想屈服於這樣無聊的生活?但人生就係如此,希望擺脫現實的無聊寂寞,或許需要靠自己努力爭取。可是,有時想爭取擁有時卻會有很多的顧慮使人望而卻步。而我所需所想的,真的能在擁有過後保持恆久,甚至幸福能得以實現?

               其實,真正的答案無人能知。今日聽起一些舊歌的時候,腦海不斷回想過去的一些快樂,悲傷的所有點滴。過去的對與錯,都已經轉為一段段難忘的記億,也許當不經意經回想起,也是一個美好的回憶吧!畢竟曾經也有一起快樂過,而悲傷過後也漸變成熟。

                突然間覺得好累,好辛苦....可能從尋日到而家都不停甘溫Chem & bio,累了,實在唔想再面對所有的一切,但今晚仲要繼續溫普通話& 背單詞....整個世界從此被溫書堆壓在一個密密的細小空間,讓我喘不過氣來。

                    今日係九月初九重陽節,經過前幾日台風的洗禮,今年重陽節的天氣都唔錯,風高氣爽,仲有少少涼意。

           本來今日約佐廖兜去自修室溫書,但去到先發覺今日自修室好多人,跟本塭唔到位坐...最後都係各自返屋企溫。後來同家姐&妹去食韓燒浦飛,當係幫呀妹補祝返佢的生日。但果度d野食真係唔多掂,又貴,下次一定唔會再去。食完後,我同家姐係DHC買佐2支護唇膏,聽講效果唔錯,所以買佐支來試下。返到屋企,打來本Chem書準備來溫下,但不經意間覺得好眼訓。為佐唔想聽日肥佐test,沖佐杯咖啡醒下神,自從三聚氰氨事件後,好耐唔飲過咖啡啦,呵呵....

                難得放假心情本應該係好輕鬆瑜快的,但唔知點解每到星期六&日,心情似乎將一整個星期的壓力釋放開來,所有的鬥志都提唔起勁,忽然變得很頽廢甘。

         唔知點解,有時心情總不能受自己來控制。假期大起大落的情緒,有時就連自己都唔知點解會甘樣。究竟,低落了的心情可以點樣變得闊然開朗??