Yeah,我通過佐普通話筆試啦!!!好開心,因為真係驚自己pass唔到,但聽日就要口試啦,有d緊張!!開頭我都捻住會考要考8科,但仔細考慮過之後,又驚自己會應付唔來,drop 唔drop bio煩擾佐我好耐><算啦,我都係打算普通話得佐就drop佐bio,但check佐內聯先發現原來兩個時間都撞埋一齊,唉!!!惟有聽天由命啦!!考普通話口試ge人又勁wo,我真係要比心幾啦T^T

              今日收到miss向ge  e-mail,原來佢因為糖尿病要請病假休養,希望miss向會快d好返啦,真係唔想果個代課miss教,串死人><

今日放佐學之後考普通話殷別試。估唔到考呢個試ge人都好多,競爭變相激烈好多,只有三分之一ge同學可以入到。雖然仲未知我可唔可以入到,但我都算係盡佐力,成功與失敗都只會係一線之差,我會以平常心看待,我仍然希望我能入到呢個試,希望得啦!!

今日聽到嬤嬤病佐入院,可能仲要做手術!!千祈唔好有事!!!其實呢幾日都知佢病佐,已經八十多歲啦,我好驚佢會有事!!!嬤嬤從細照顧我到大,最錫就係我,但今年暑假成日都要補課,連探望佢都未有機會!!中秋節快到,爸爸捻住返去同嬤嬤過節,畢竟要佢一個老人家孤伶伶甘過中秋,實在不孝。所以嬤嬤,你要快d好返,同爸爸一起過中秋節!!

            今日係8月30號,距離中五開學仲有only one day.中四一年ge時間終於都過完啦,但我學到許多。以前我讀書從來都唔使讓父母擔心,因為我會好自覺同勤力甘讀書。然而,自從中3暑假做佐part time之後,變得好貪玩,敷淺,成績隨著下滑......收到成績表,我見到爸爸臉上的不滿與無奈,加上佢平時觀察,明白一切原因後經常有意無意地提醒我,會考好重要!!我當然知會考對我一生都好重要,變成甘我都覺得好後悔同內疚!!但可能佢見唔到我因為內疚而勤力,有次仲因為我d字寫得唔夠好而責備我,果次我真係好傷心難過,因為佢唔了解一切!!!之後,我好好反省過,佢唔了解我係因為成績表作怪,要証明我ge努力只有好的會考成績。所以,呢個暑假我都有勤力,但可能仲未足夠,但我真係會改過自新,唔再貪玩,考好會考!!

              之前,我一直想在19歲生日之前塭到個真心ge  boyfriend,唔使孤獨甘過生日。但我發現原來想真心ge人無幾個,我都唔想玩玩下。SO感情真係唔可以勉強,一切順其自然就得啦。E+的目標只有會考,唔再去亂捻其他野啦。我唔可以有任何失誤考會考,就好似運動場上ge運動健兒為奪金牌而努力一樣!所以我一定要成功讀上大學,會考目標要達18分以上。