天氣陰晴不定,就好似d  Miss的心情甘唔穩定。班主任呢排都唔知係咪更年期,成日無端端發脾氣鬧人,真無奈!!

          踏入十月份,可能天氣開始有d凍,有少少感冒之餘,喉嚨痛佐幾日都未好返晒。不過時間都係同樣地一滴滴甘過去,真係好快。有時我會傻傻地覺得,如果開心的時間能永遠停留,悲傷的時間能快d完,甘樣的人生就會好完美。可惜,太過完美的人生事事總係好順利過完,但最後得到的無幾多野可以值得回望。

         或者短暫的人生就係需要在順境與逆境中學會珍惜和自強。所以好多時候都唔需要太過介懷,係好係壞,到頭來都係兩袖清風離世而去。

         喉嚨越來越痛,食佐藥都好似無咩效甘,加上又有幾聲咳嗽,好辛苦呀

      今日係short day,1點幾放學之後同Kayley& Polly去食壽司浦飛,食到3點左右,飽到叫救命。之後上佐呀"姨"屋企學整朱古力,原來都唔係好難整。可惜冰凍d朱古力需要好長時間,未整完Polly就夠鐘返補習社,所以真正的制成品仲未finish,呀"姨"話會帶返學校比我地試返,哈哈...

           今日係廖兜生日,lunch time出去食飯果陣買佐盒朱古力送比佢,但考慮到近排好多朱古力有三聚氰胺,所以特別揀佐日本ge朱古力比佢,但送比佢果陣好似唔多開心咁,唔通佢驚有三聚氰胺,哈哈,....

        lunch time之後果3堂amaths堂好眼訓,龔鑫又發揮佢ge吹水強項,不斷有好多好搞gag野講,搞到我地周圍ge人鬼甘開心。炎增仲衰,成日係度轉筆,拉我條髮辮幫佢執筆,我怒到沒收佐佢支筆,跟住阮就偷襲幫佢搶返,可惡!!放學果陣,原本約好佩君係圖書館等,但佢居然以為圖書館無開,自己走佐。最後我出到學校門口打電話比佢,佢係半途等返我,無奈...

       喉嚨越來越痛,仲捻住聽日早放同Polly佢地唱K,但唱唔到啦。返到屋企,家姐幫我買佐杯涼茶,苦到想嘔!!!

           今日週會,我得佐服務銀獎,上台領獎果陣d人搞得好亂,,場面有d可笑。Anyway,攞到獎都應該開心ge。

       放佐學之後,返屋企換佐衫同細妹一起去婆婆屋企食飯,因為今日係公公生日。其實今日都係爺爺冥辰,可惜佢已經唔係度,而我對佢ge印象都很模糊,在我很細就過佐身....捻起來,我從細就羨慕有爺爺ge人,就好似表妹有公公錫甘樣...

        今日上堂之前,miss hui又為佐班衫ge事發脾氣鬧人唉....無聊至極!

       放學前,因為班上ge璧報仲未搞掂,本來無人主動搞,,係miss的威逼利誘下,好多人都願意留低幫手整璧報,當然唔少得我啦,哈哈....人多真係會好辦事,我地邊整邊係度吹水,都幾好玩!!

        最後都搞到6點先返到屋企,好多功課都未做T3T

        今日都係中國人ge大日子,神舟七號載人航天飛船於21:10發射成功,希望個3名太空人能實現太空漫步ge理想,最重要都係能夠安全返回地球。確信中國的航天事業定會取得空前成功的。