今日我出左我阿麻度呀，因為我堂細妹生日，本來唔洗去架，因為我老豆返，但係佢話今日唔返呀 ，所以有得去．．．點知去到又要落雨喎，搞到冇得落樓下果個足球場踢波，好慘，果個波場好得意架，點講好呢∼好似一個nike廣告既情節（鐵籠賽）咁喎，所以都幾鐘意係果度踢，唔洗汁波嘛，不過落雨 ，唔緊要，係影響唔到我踢波既心既 ！我地係我阿麻個lift口度踢，勁細喎果度，我諗你地都諗到啦，我要係果度過人，真係有ｄ難，但係都過到喎，爆好玩，好似FIFA果隻街波咁呀（冇玩過一定唔知我講咩架喇），又可以撞（牆）過人喎！！但係玩多一陣就比人投訴話我地踢波，我地拿拿林走番入屋，咁又好悶喇，等遲ｄ之後就食飯喇，食完又出番去踢，又係咁玩，仲搞笑好多tim，好在ｅ次冇比人投訴，好開心，我地就係咁玩到１０點幾，就返屋企lu，返到屋企都成１１點半，之後沖涼，沖完就睇波，但係睇唔晒喎，睇到１點半到唔小心訓左．好慘呀！！可能踢波太支力啦，下次一定唔可以咁架喇 ，咁就一日，今日都冇打日記，係聽日打番！