今日１０點幾先起身，因為ｅ排都好夜訓呀，晚晚都睇埋套尋秦先訓，不過套野又真係幾好睇既 ，講條友去左古代講晒英文咁，又唔知佢係咪係度串人，跟住就拿拿林換衫，我一陣要返學校呀，因為分班囉，其實尋日都有人講左比我聽架喇，但係都係心思思想去睇吓，就約埋波子一齊去睇喇，去到都唔知係佢遲到定我遲到，所以就一齊入去喇，睇到我入左Ｅ班，都唔錯既，起碼同（佢）一班啦，又同留言一班喎，都幾開心！！！咁跟住就同波子去左啟豐食野，佢個白痴仔去左食月南野呀，重要成３０蚊咁貴tim，比我都唔食呀！！ 但係見到食得咁開心，就引唔住去左買個包食（我係唔會食佢果ｄ架），都好好味，又唔係好夠飽喎，就上左去上面買多串魚蛋食，買買吓見到戴子健，但係我認唔出佢喎，係波子講番先知，佢之前又話見我一鑊打我一鑊喎，但係今次你眼望我眼都冇事，都未驚過，我唔驚佢本人，但係我驚佢ｄ靚，佢又唔係好好打，都唔知點做大佬架，講串又唔夠我串喎，都唔知佢想點，之後就同波子．留言同城城一齊去睇戲，點知去到先知開左場，要等２：３０，我地一定等啦，就行左一陣街，都好悶吓，都唔知點解ｄ人咁鐘意行街架．．．．．．咁我睇荒失失奇兵，套野唔係好搞笑，但係我地後面個阿嬸就搞笑囉，全程都唔知點解係度笑，有一幕話ｄ企鵝去左南極，佢就話：南極呀！！哈哈哈哈．．．．．，我就跟住佢笑，覺得佢傻既，自己都係，唔知點解跟住笑，我同留言講：以後佢入親黎睇戲，ｄ戲都係２級ｂ呀！！睇戲果陣（佢）打比波子呀，佢打比波子都唔打比我，呷醋中．．． 哈哈哈，講笑咋，咁睇完就返屋企冇所事事喇，無聊就做吓ｄ暑期作業，都唔係好難做姐，一陣就做左３版，之後打機，打winning，都係咁上下，但係玩到悶左，個人都唔想羸咁多，覺得羸咁多冇乜用，咁我就亂打，都有５．６比０既，ｅ家都係係度等季尾轉４星架喇，費事成日比留言串我打三星啦，咁打打吓又唔想玩，玩左一陣icq，玩左一陣老公老婆，又幾好玩喎．．．．．咁打打吓都１１點幾lu，出左去同阿媽玩（唔係玩衰野），同佢鬥高，高過佢呀！！哈哈哈．．．．咁就打埋ｅ個日記，又睇尋秦記，訓．．．

聽日睇曼聯呀！！