好耐都無打日記啦，今日唔知好想打！不嬲為食的我，不論任何時間想食的，便會整。又突然好想食燉蛋，跟住整來食吧、愛甜的我。仲會落很多“糖”，甜的滋味令人幸福快樂、但不過又會令人想不到後果！便是『蛀牙』…

 食譜：

蛋2隻

水半杯

冰糖30克

1.把水加冰糖煮溶，待冷卻。

2.先發好蛋汁，加入糖水。攪成冰糖蛋液。

3.注入清水，及張冰糖蛋液注入飯碗，燉10-15分鐘。

Lion行完花市，好多野有xo醬炒魷魚、炸可樂、雪糕三文治等等…好味道，重有見到盧文烈，都好耐味見過佢啦。最後Lion買左一隻羊(咕o臣)、洗『槍』器、熱包。個洗『槍』器一用飛左落街、重味算，熱包用用下流汁。激死我啦

 琴日係我地籌款部最後一日的工作

喱兩個月的工作終於完成了，好開心係識到一班朋友、唔開心係又要打完埸。

d飛尾多到成個小山丘禁，想中都難過中六合彩。我地請到劉千石去揪獎，十份都我無份嫁。之後我地同李卓人去九龍城的方榮記打邊爐，阿人重叫左一個象『耗』蚌做刺身，它好鮮甜、好有海水味。重要有兩碟4A級的特級生牛、一碟牛肉粒。勁好味D牛肉，無渣又有牛味。重有我最鐘意食的魚腸。重有四寶丸、黑白柏葉…之後我地去左合成糖水食潮式糖水，去到見到烏英老公，掛唔知的佢成日都話去合成啦。我叫左個蓮子百合薑薯清心丸(都唔知咩野來，重知食的啦)，我覺得麻麻、佢地話好味呀，之後11點半先返到屋企。

 今日都係去九展派傳單，晚上十點派啦。d人幾衰格，係度撞人、又罵人。我地都唔理佢地、佢地捉成人連，叫工友唔好接我地d野。後來有工友主動向素莧傾計、都係一個好好開始。我地係唔會放過m記。

     捍衛麥當勞工友權益，章顯工人力量

 今日係麥當勞的團年飯日子，我又點會放過佢啦。我地飲食及酒店業職工總會，去左九展派傳單、又向工友去找工會幫手。佢地（工友）反應又好好。有ｄ公關重幫手派，勁搞笑。我又見到ｂｏｂｏ，勁掛住佢。因為２１６無左，都好耐無見過佢啦。又唔知佢去左邊間ｍ記做。