好悶呀∼∼∼∼∼∼

我而家先知道原來放棄一個人唔係一件咁易既事，
我試過好多次想放棄佢∼原來我係唔得架
放棄我真係可以咩∼本來我想試下去鍾意第二個男仔啦∼
但係到最後都係鍾意返佢∼佢對我黎講係咪咁重要呢！

去左佢屋企∼∼

星期一

過埋今日聽日又要返學啦！放完中秋節假啦！
又要返學啦∼我諗住今日會有人約我出街架
點知又要自己係屋企悶
唔係對住電腦就係訓∼我就悶死啦！
我好想每日都好似前兩日咁
可能我就會好悶心呀！
我諗阿俊就算佢真係返黎既話∼
佢都唔會搵我呀∼就算佢搵我，咁又對我有咩好處
不過我真係好想佢會搵∼如果係既話可能我係發緊夢
我唔想去發夢呀！如果係真既就好
我記得我之前同佢講咩如果：佢就答我有如果就冇結果
有冇結果都唔緊要呀！最重要係而家姐∼
算啦∼都係唔好再去諗佢啦！佢搵唔搵都係佢既事
唔好再去諗啦

中秋節快樂

今日夜晚無啦啦有一個好耐未見既ｆｄ打俾我約我出街呀！
佢係７點幾打黎架∼約我去公園玩∼行上行落好累呀
個度有隻狗仔好得意架∼我摸過佢呀
我好早就好想買黎養啦！不過ｄ狗仔好貴呀
要成千蚊先買到呀！如果大陸可以帶狗仔落黎香港就好啦
我一定會買∼因為大陸個ｄ都唔過１００蚊既∼
我見過大陸個ｄ狗仔呀！都係一樣咁得意架
我想抱住個黎訓呀！我只係想要一隻細細隻既狗仔就得啦
如果好大隻既話∼就唔得意啦！都唔知呢度俾唔俾養∼
如果真係唔俾養既話咁點呀！

好玩呀∼∼

我同我小學既朋友既ＢＢＱ，去左清水灣玩
我地玩到好夜先返屋企呀！不過都唔緊要呀∼
都玩得幾開心，不過佢ｄ　ｆｄ我都唔識既
好似怪怪地咁∼夜晚就係沙灘玩∼
都好累下架∼到第二日隻手就有ｄ痛啦∼
痛都冇所謂呀！最緊要玩得開心咪得囉