今朝反工，仲以為自己幾好彩，先係ｂｒｅ１，再ｂｒｅ２。。。
點知有一ＰＡＲＴ中收到個ＭＳＧ，惡夢丫，我被人釘佐入ｗｙｎｎ ｃｌｕｂ！
好無耐，好唔想入去，不過早就預料到，因為我無乜牌。。
真係想走了，唔知邊度仲可以收容我呢？？？
就係呢件事，好唔開心，無乜笑容掛，個樣又有Ｄ殘，
臨放工有個ＦＤ問我係咪病佐！落到去連個客都咁問我！
唉！！！好怕真係會病，害怕戈種無助感∼∼∼∼
其實今朝反工好開心的，因為打俾榮戈時，佢約佐我放工ｈｉｇｎ ｔｅａ，
叫我放工打俾佢，諗住放工會有好多野同佢講（唔開心都想同佢呻下囉），
點知放工打俾佢都無人聽，反到屋企見佢上網，但離開佐∼∼
ｈｏ都係上面，但又係閒置，叫佢都無應，
真係勁攰，諗住熄機瞓宴覺了，ｈｏ打俾我，話同妹去行街∼∼
之後又收到發電話，佢話反鄉下拎佐ｄ野俾我，叫我出去，
但無需考慮，我無出去，不過佢依家都唔會再用咁勉強我既語氣講野，
因為佢都知無呢個必要了掛，依家咁咪幾好囉∼∼∼∼∼
今朝臨放工，拍佐ｐａｕｌｉｎｅ半個中，同佢講起珊既野，
上次珊話同王炳傑散佐，知佢同ｐａｕｌｉｎｅ熟，所以問下．．
聽ｐ講，王炳傑真係過份，偷食咁多次不在話下，
仲可以同珊講出ｄ咁既說話，佢根本覺得男人去玩下好正常，
仲同珊講佢玩完會反來，戒指都送埋俾人了，玩到咁盡．．．
諗反轉都覺得阿珊己經係忍得之人了，如果係我，我諗忍一次都唔得∼∼
阿珊終於大個女了，佢今次做得好啱，
但最後接受唔到散呢個事實竟然係王炳傑，仲同珊講，你同佐第二個一齊都係咁既咋，呵！
聽完ｐ講，我都有小小懷疑，就算唔係全部都一定有好多男人係咁架，
因為我老豆已經係個咁既人了，老媽子都忍佐咁多年，
真難為媽子，真難為ｄ女人，但有時又覺得，有時係ｄ女人攞來賤的，
賤，係對第三者而言，明知人地有女朋友有老婆，點解仲要痴埋去呢！！
唉！男人真係信唔過∼∼∼∼∼
今日打俾榮佢無覆我，但我無懷疑佢，因為我知佢性格？？
唔知，只係等佢覆我，擔心佢，想知點解．．．
ｈｏ同我講話同妹去行街，我就真係好想打俾佢，
我總覺得佢扼我，信佢唔過，好想打好想打．．
不過都係忍住佐，因為我無權咁做，我只係個一一般般既朋友，
榮同ｈｏ會唔會都係戈類男人呢？有邊個可以俾個正確答案俾我啊！
人真係花心架，咪睇我成日徘徊係榮同ｈｏ之間，
如果我同佐一個一齊，我一定會全心全意，唔會諗第二個∼∼
因為我個人好易有罪疚感的，叫我踏兩船，我做唔到！！！！
點解咁多人中意玩架？好玩咩？點解佢地從來唔諗下咁樣玩係會傷害到人既呢！
因為佢地從來未痛過，唔懂得戈種痛！如果痛過，就更加唔應該去製造呢種痛了．．
所謂既童話，美麗既愛情故事，難道就真只係一個童話，一個故事，
我地既生活，係現實的，唔通永遠都只有殘酷？？？
諗太多囉，希望唔係個個都係咁既啦．．．．．．．．．．．．．
