天光了，睇住大細反佐工，依家細佬都起身反學了，
我尋晚至依家仲未瞓得着，反中，呢種情況好耐未試過！！
突然間好似好多野諗咁！因為瞓唔着多野諗定因為多野諗瞓唔着？唔知。。
或者我又唔舒服掛，牙肉痛，頭痛，耳仔都有Ｄ痛，都幾嚴重下了，
徵狀又出曬來，記得前戈排都成日係咁，
個人一係咁就會諗好多野，好煩。。。好怕又反到前戈排甘，
依家真係感受到身理同心理原來係息息相關且成正比的！
我知自己虛火，唔補得，又唔食得燥熱野，
前兩日食太多熱野加上又飲咖啡，所以Ｄ徵狀又復發了，
一痛時又同自己講，一定要睇醫生睇到個人好反曬先得，
不過真係好難，有排調理先得。。。
係張床度真係碌佐好耐好耐，又起身睇佐陣碟，又打佐陣ＰＳＰ，
不過睇完碟打完機仲多野諗，成日諗反Ｄ情形，
除此之外，又諗反Ｄ煩野，突然又好想拍拖丫，
可惜依家連追我的人都無啦，問自己中意邊個？真係唔知。。
只係有小小諗起榮同鬆囉，不過都唔似係中意，
而係感覺佢地兩個可以令我依靠倒，或者我只係想找個依靠吧！
曾經對佢地都有喜歡的感覺，不過呢Ｄ感覺早就灰飛煙滅了，
或者只係短暫既所謂好感吧！好想搵反Ｄ愛既感覺反來丫，
感覺自己依家成舊死物咁，唔識愛，唔識有感覺。。。
唔知仲有無人可以俾倒戈種感覺我呢？
要拍拖，其實好易，不過我知自己份人，只係咩都怕試，
咩都豁唔出去，因為我玩唔起！
除非係我肯定佢認真先敢試，仲要目已有ＦＥＥＬ先得，
呵！試問仲有幾個剩呢！
或者咁啱啦，所剩呢小小幾個，都係怕死一類咁，
不過我同佢地都係同類，咁大個女，
浄係同過欣榮一個坦白講，我中意佢。
當然，我係得到同等既回復，嘻。。
好中意以前戈個咁有勇氣同自信既我，
後來同好多ＦＤ講我中意仁，但卻從來沒有係佢面前成認過，
所以有小小遺憾？嗯，或者啦，不過始終係過去了，我唔想再提，
如果再有一個係我咁中意的，我一定會話俾佢知，只係。。。。。。
大個佐了，好小只係喜歡咁單純了，仲會考慮好多野，
所以越大個越多野煩囉！
真係唔想諗咁多，如果日日都好似前幾日咁就好啦，
所以首先我唔可以病！有時自己係度諗，
將來會唔會有人覺得我成日病而唔敢要我呢，
雖然唔係咩病，但身體咁差人地都唔中意啦，
好想轉行丫，最衰真係無乜勇氣啦。。。。。。
