我今日收到個電話叫我5點去見工

地點係咩"CWB加路連山道"(真係偏僻到..)

我咩CV、學歷都帶齊

結果...到5點9我都仲未搵到間野

(我真係問暈警察、抄牌員、保安架)

最後工就無見~去左行街

好彩間野唔係酒店而係D小型CAFE者

你地唔會話我蠢架呵~

今日所食既野~

    12:00    流沙包+薯片

    14:30    吉野家煎雞飯

    17:30    牛腩米

    19:00    甜餅乾

    21:00    勁多xo蘿蔔糕+壽桃牌粉絲

我就黎變成咁...

相聚時間雖然得幾粒鐘...

但對我黎講已經滿足喇~

今日ADA難得同我踩單車...

我由3點學到7點都學唔識(辛苦哂教我既ADA喇)~

中途有成5、6個途人都睇唔過眼話望前面唔好驚

我同ADA由租車位拖住架單車出發~

但回程果時ADA已經踩住返去還車~

而我仲係拖住返去...

今日得到既係同ADA相聚時間+13撻瘀傷+4道損傷

可能我個心已經唔在P記~

今日又遲(係返連續四日遲三日)...

如果唔係唔夠人我諗食硬炒魷魚~

我入職呢半年已經有一男一女俾人鋸左...

我不嬲都有見工恐懼症

大家唔好誤會我有工可以見

只係今日有樣野比見工仲更加驚

今日同某人(唔知佢想唔想俾人知)一齊出黎商量搵工大計

點知係就係苦惱左一陣...

跟著去左行街買衫~

最後EPS淨得$47返歸

都唔知出黎真正目的係為左咩呢

雖然係慢左D~但我將會的起心肝開始搵工架喇~

返埋星期一果日(1300-2200)我就會放足個幾星期~

> 同媽咪一齊美食博覽去真係好(因為媽咪唔洗我俾$)

~試食左好鬼多野呀~最多係面、米線、果汁、湯，其他

仲有果凍、鹵肉、冬菇、果仁、薄餅、菜肉包、曲奇、薯片

......太多喇~數唔哂呀，今日收穫何其咁豐富...

不過拎餐死，媽咪後悔無帶車仔，其實佢問過我帶唔帶好，

不過我話唔洗啦~輕輕鬆鬆行嘛，點知...(真係唔好意思喇

~媽咪，搞到你腰骨痛添)

> 我大家姐同佢個BF前日在迪士尼食自助餐~仲求埋婚丫

(做得好~)個BF送左廿支紅玫瑰同鑽介俾佢，媽咪仲偷偷地

試戴俾我發現到，佢呻話"鬼叫我無咩!"

*我呢個星期返PIZZA係星期一同三既12:30-10:00

>  過左一個禮拜，我始終都開口同媽咪講野先...而家無事嚕

(終於有返D家庭溫暖)~不過我仍然唔知佢嬲嘜鬼...

>  FANNY~你又黎探我哩~不過都係見我唔到，我真係會記得

寫我返既時間響呢度，咁我地下次就可以相見喇~

>  呢排成日返親都負責企門口...每次企親都五六個鐘，我仲

要係著住在學校出餐果對有掙黑鞋(因為之前平底果對滲水)，

自己又唔得閒去買，咪著住先囉(腳仔好痛)...

>  睇左魔蟲口入喇~我覺得OK啦...有個女仔仲叫左出黎，

雖然有幾個橋段都會驚驚地既(人地女仔黎嘛~)，但未去到

尖叫呢個層次...

我阿媽又唔知發咩神經嬲左我喎~頂佢個肺!

都唔知思覺失調定係更年期到我都已經盡量做乖乖女啦

，有時想駁咀都要提自己忍住佢連每星期果二百蚊

都無俾我呀!好彩我咁岩出左糧者，如果唔係又問家姐借咩

佢忽架喎，我之前都仲可以話你聽我衰嘜

但係我今次真係唔知做嘜叉野激嬲佢囉

樣真係隨時變架喎~佢可能無話我聽佢原來係四川人

我諗大家聽我講"減肥"都已經有成年

但奈何我一D成績都俾唔到你地睇...

唉~AIMAN:我識你咁耐你聽足咁耐

而家做左P記仲衰，E.G.五個人叫七個人份量既野

但我今日開始會嘗試再努力架喇~

因為某人話會同我一齊減(但我搵唔到佢邊度肥)

我呢幾個星期過得好開心~

至於點開心法我又唔識講...

我睇左魔盜王喇~好靚仔呀尊尼特普~

不過唔知點解我鐘意第一集多D...

第一次去唔記得係"石頭屋"定"蒜頭屋"既地方食野~

見到有個蜂蜜牛油吐司係咁"巨"

>  軍曹電影好好睇丫~我本來淨係鐘意TAMA仔，而家貪心D

...五隻都鐘意喔~

>  我家姐返左黎喇~仲帶左D手信(全部都係食既)俾我

地呀!!佢始終咪都平安返黎~因為我之前講錯野搞到我

驚驚地添(某人嚇我嘛)，係咁既...我家姐走之前俾

左包墨西哥薯片我(價值廿蚊)，我媽咪見我係咁食就鬧我

"家姐都未返黎就俾你食哂啦?!"，咁我咪即刻話佢自己

另外有一包上路食架，跟著媽咪就繼續連珠炮法...

>  我居然發現到P記有我師弟丫~我地都係曾經讀循道衛

理聯合教會李惠利中學，初初見佢都熟口熟面架喇(因為以前

好像互窒過對方)，以前明明矮到咩咁架，而家高過我成個頭嚕...

>  呢幾日都返左工，講真又真係無我想像中咁忙喎，我

以為係暑假係會迫爆玻璃果隻添，可能係附近新鋪開左

既關係啦~

>  個文華DICK做埋呢個星期日就走嚕，因為我唔返星

期六日所以今日係最後一日見佢喇，雖然佢平時個樣好似

咸咸濕濕咁，但係佢對同事好好，成日請我地食野，我辣親

佢又幫我查野，係我教佢學識打SMS...之前我踢中佢

"兄弟"佢差D嬲左我添，不過好彩最尾都無野，而且都

唔會再有機會踢佢果度...

>  我仍然都有同幾個同事食宵夜呀~本來諗住飲杯野算

鬼數啦，點知見到另外果三位同事叫D川辣米線咁正，我忍

唔住就...不過都食到流哂眼淚，喊哂咁款...聽佢地講

下講下，P記突然之間又好似多左好多奸人咁既，即係平時

在我眼中好好人果D變左係刷鞋、博升職、自私既笑面虎，

有個同事叫我睇人唔可以睇表面，但係我真係唔識點樣深入

去睇人，如果個人對我好我就會對返佢好，咁唔岩咩...

>  我大家姐同佢男友(未來老公)今朝起程去左台北四天

遊喇~真係羨慕...而且我有三個同事自己約埋一齊上

大陸玩，我見到佢地為左上去真係好開心咁，又倒數仲有

幾多個鐘。但對我黎講上大陸都唔係果種咁開心的感覺既

，可能唔係自己同朋友啦，而係自己同屋企人上，同親爸爸

上最怕佢要迫我聽佢唱K，係都要我評埋分先死呀，簡直討

厭~如果我可以自己同其他朋友去下其他地方就好

> 本來我今日晏晝手痕想打架喇~

你知啦...心血來朝打先會特別順嘛~

點知登極都登入唔到(原來俾黑客入侵)

搞到我度氣洩鬼哂...講返前幾日先~

> 我終於睇完"超人"喇(之前因為我遲到所以無得睇)

個男主角真係好靚仔~而家期待我最鐘意既鬼佬

"尊尼特普"(加勒比海盜：決戰魔盜王)...

> FANNY、AIMAN、GINNY、JESS同我一齊去唱歌仔~

(可惜TRACY唔得閒黎，我好耐無見過你喇)

FANNY好似斯文左咁多既(好事黎~)

GINNY一樣無變(一樣咁得意~多謝你D小丸子)

JESS就野性左又SEX左啊...AIMAN就更加唔洗講

(因為我地前一日先見過面)

見返佢地令我諗返返學陣D開心野

希望多D機會一齊出黎聚下啦~

> 我之前口快快講左D"粗俗"字...

搞到我差D俾人嬲添~

> 係呀~我好開心呀，出年間房會少左個人喇~

(不過係年尾既事)

FANNY~你係咪期待緊我日記呢?!

> 哈~我發覺讀IVY夜校同全日制不同之處...

我同我三家姐都係在屋企等收成績表既人

派成績果日之後~我兩日就收到一個大信封

(自呢一年...終於收到張無疊過既成績表)

但我家姐係比較著重成績既人...見佢等呀等...

等左成個星期終於收到個小信封，

我家姐即刻用妒忌既眼神望住我...

> 我尋日同AIMAN去書展呀~第一個見面我已經盡力

提自己叫你個新英文名~形式上係就係叫左~

但我而家先發覺打後我都係一直叫你AIMAN...

可能我暫時未適應啦~不過你其實都可以KEEP住兩個名先

因為都無壞丫~

> 我P記有個男同事要辭職喔...

我以為佢已經另謀高就果隻(因為佢應該做左好耐掛)

原來佢係自己一個出去開鋪頭。嘩~好有大志喔...

佢得果十八歲就已經咁有計劃，自己一個一腳踢(睇返

自己...好似唔知點咁覺得自己好似唔識為自己打算...)

> 不過最近因為有個人出現...令我覺得有個新既開始

~之前係唔開心過...導致有唔好既陰影

但佢都有耐心對住我呢個怪人~THX

> 呢個禮拜都過得好梳乎丫~因為我寫左話希望呢個

禮拜只返十二至六啊...六點幾開始旺既時候我就放工

(呢個感覺相當唔錯~)...不過下星期要返埋夜晚嚕

(唔可以咁懶喇!)...我銀行又缺水!!!

(成個月點捱呀)得返$149.00...原本七號出左糧架

都係我自己大洗，十一號就走去電髮、染髮(染左頭黑色

~成個假髮咁)、剪髮(係剪完都唔覺剪左果隻)...

最後用左$1,150.00埋單(TOO BAD~)

不過整髮期間，都俾個髮型師話餐懵...佢話我唔好成日

電完就唔理佢(因為我個頭打哂CLICK梳極都梳唔到，

我感覺到佢開始有火)~要得閒做下焗油喎...

不過我覺得佢又話得幾岩啵~

> 我之前收到封馬會寄黎既信~話張員工証既按金由

三百蚊降至一百，之前俾多既就會在呢個月十八號入

返我個戶口...本來諗住有多二百可以等個戶口唔

洗咁淒涼，跟著諗諗下...先醒起半年前我好似轉左個

戶口呀~打俾馬會D人又唔聽既，連快餐部梁生都搵埋

喇...不過佢唔在香港...煩~

> 希望無論邊方面都有新開始~但係有D野唔係樣樣都

咁順利，唔係樣樣都可以咁如你所願...其實我要求好

簡單架咋...

> 係呀...我爸爸媽咪好少異口同聲...

兩位一齊叫我去考海關...唔制~我真係啋佢地都傻

唉~原本我可以睇超人架...都係我遲到所以無得睇..

我下次唔敢喇...

> 今日約左ADA一齊去上網搵工~我打左RESUME不過

無準備求職信(根本無諗過)，可能我之前見親D工都

唔洗咁有準備(雞記、許山同P記)~咁我地咪即時上網搵

D範本可以COPY & PASTE囉...搵到個關於IT既

例子有成五大段，最後CUT下CUT下真係少得可憐...

算啦~最後都寄左兩間酒店就走去食野嚕(我唔餓得架)

> 同ADA一齊行街睇衫~不過ADA無收穫喔...我就睇左

兩眼就買左野(皆因今日出糧呀)~我前兩日銀行淨返

六十蚊咋(提款機又禁唔到一百以下出黎喎，爭D忍唔住走

去銀行櫃位拎埋佢)...跟著行行下見到法輪功既受害者

既壁報(如果唔係ADA去睇，我平時真係行過就算)，

睇真又真係好慘...有個女仔俾人電擊塊面搞到爛哂、有個

入牢既絕食由120磅到45磅、仲有係有個女仔既PATPAT

對上有個大窿見到條骨...我同ADA睇果陣大家手上有杯

雪糕都當堂無哂胃口...

> 呢幾日聽到好多同學都有佢地自己既目標(暑期工、搵工

炒散、有D優先收左既等返學)，我就覺得自己無咩計劃咁

(淨係識計劃自己食嘜野)...唉~

> 呢個星期日係決賽~我媽咪又整宵夜呀(今次仲豐富D)

~有咖哩魚蛋、SUSHI、豉油雞翼...

呢個亦都係我鍾意睇波既原因

今日終於可以同AIMAN見面喇

(我地自從考完試果日都無見過)~

不過一開始我已經去錯地方等(方向感唔多好)...

跟著去左睇"鬼域"，不過唔係AIMAN提我...

我坐低都發覺唔到點解個地下係平既(無樓梯喔)

個坐法感覺有D似名星在商場搞簽名會...

而且D冷氣似有似無咁(我已經著背心喇喎)

睇黎呢間下次都免喇~