tunequeenie : 個人主頁 - 相簿 - 訂閱  [ QOOZA - 論壇 - 登入 ] 
而家出左黎做野既我
tunequeenie
暱稱： 小Q
性別： 女
國家： 香港
MORE...  
«‹ December 2015 ›»
SMTWTFS
12345
6789101112
13141516171819
20212223242526
2728293031
:: 最新日誌 ::
•2008-01-30
•2007-11-23
•2007-11-22
•2007-11-21
•2007-11-16
:: 日誌分類 ::
•全部 (116)
:: 訪客留言 ::
最近三個月尚無任何留言
:: 最近訪客 ::
最近沒有訪客
:: 每月文章 ::
:: 日誌訂閱 ::
尚未訂閱任何日誌
:: 我的好友 ::
:: 我的連結 ::
尚無任何連結
:: 日誌統計 ::
文章總數： 116
留言總數： 161
今日人氣： 3
累積人氣： 2113
:: 站內搜尋 ::
RSS Feed

2005 年 12 月 28 日  星期三   晴天


想辭工變返工 分類: 未分類

我想辭左許山果份...今日許山人事部打我手提(叫我返工)，我都特登唔聽架喇 (驚自己心軟)~但我遺忘左一樣野......15分鐘後，屋企電話聆聲響(噢~真係佢 )...叫我返31同1號(我話想辭職)...佢問係咪讀完(我講想搵過第二份)...又問我上次調出旺角係咪做得唔開心(心裏即刻彈出梗係啦三個字，但口講話唔係既，不過做既方式唔同囉)...佢話調返我去原本果度(我話唔係幾好喎，因為我而要調果度一個人出黎)...又同我解釋只要係許山員工都可能會調鋪，仲叫我乖啦(一時心軟.......衰左 )

P.S.今日難得ADA放假...我都陪唔到您..SORRY ~~~而且又有野做同唔到深仔聚舊..SUE-ME-MA-CHE
發表時間：2005-12-29 01:40 AM  [ 訪客留言(1) ] [ 編輯日誌 ] [ 分享至FACEBOOK ]



2005 年 12 月 25 日  星期日   晴天


大陸 驚訝 分類: 未分類

之前返許山在果條咁既樓梯拗柴，果時放工都唔係咁痛~第二日起身..隻死人腳瓜朗又紅又踵~媽咪唔準我再返要我打電話同許山D人講...晏晝去左睇跌打(俾左支勁臭既野我查 )...我地大陸有間屋媽咪要上去搞唔知咩手續，佢唔放心我..的埋我上去~上到去真係成個廢人咁唔洗郁(大多數攤響度睇電影)，坐架轉椅走黎走去(我仲以為係輪椅添)
發表時間：2005-12-27 10:48 AM  [ 訪客留言(1) ] [ 編輯日誌 ] [ 分享至FACEBOOK ]



2005 年 12 月 24 日  星期六   晴天


TOO BAD 分類: 未分類

本來人事部叫我今日返兆萬對面果間...一個MORNING CALL想我去大埔(咁鬼遠又唔早響 )...我唔想咪叫我去龍頭(BODY SHOP對面果間)...我都知有兩層但諗住上下都應該差唔多大 ......嘩~點知上面大到....今日又多人，搞到上面好似食蛇宴咁喎 ，上下層加埋有成34台架~

班客都幾慘，平均落左單之後都要等成30分鐘先有野上台(尢其係上面果層)...D客係咁入黎，下面都無位喇...係咁推D客上去囉(其實都唔知有無位，總知扼左佢地上去先算 )

成日都無機去個次所...做十個鍾得半粒鍾食飯(食飯時間仲少過雞記)...有個客仲提我個咀好乾喎(就算真係有時間我都呻左鼻涕先啦仲有鬼時間查潤唇咩 )...一放工即飛去七仔買左包大碼既柚子蜜，飲哂唔夠再去買西瓜汁囉...果刻感覺好似由南洋放監咁

發表時間：2005-12-25 02:20 PM  [ 訪客留言(0) ] [ 編輯日誌 ] [ 分享至FACEBOOK ]



2005 年 12 月 23 日  星期五   晴天


親戚殺到 傷心 分類: 未分類

今朝認認真真打開其中一份FO NOTES...諗住查字典(不過唔知點解搵極都得果6份) ~到第四個SLICE到...一個"兩年"都無聯絡過既親戚打黎話想黎我地屋企聚下.......我地屋企真係狗竇黎架 ~周圍都係零食一袋二袋...我地三姊妹D書呀..NOTES呀..雜誌見窿就塞架喇 ~

媽咪爸爸出去同佢地飲茶先再黎我地屋企...我自己"一個"吸塵..拖地..抹傢私執哂間屋...張以上所提及既野全入房然後刪門，即刻覺得自己既HOUSEKEEPING運用得出神入化 ...

一見到自己個.......唔知咩關係既.......女仔高過我成個頭~都唔係路既?!佢原來讀緊六年班咋. ..
發表時間：2005-12-24 12:18 AM  [ 訪客留言(0) ] [ 編輯日誌 ] [ 分享至FACEBOOK ]



2005 年 12 月 22 日  星期四   晴天


~冬至~ 愉快 分類: 未分類

今日晏晝同媽咪大家姐三支弓去飲茶...不過果間野成日漏單...好漏唔漏..漏我最想食果樣(蜜糖炸雞翼) ，張單又無端端多左廿幾蚊...撞鬼咩~我地雖然最尾一直話唔鬼再幫襯...但係果度D流沙包真係一流架

夜晚*(好孝順咁)*幫媽咪整翅 ...搣蟹柳 > 切火腿 > 起雞肉搣絲 (費事洗把刀..所以徒手拗斷條頸呢個moment都幾噁心) > 切雲耳 > 剪肉絲...好多料架

 
發表時間：2005-12-23 10:42 PM  [ 訪客留言(2) ] [ 編輯日誌 ] [ 分享至FACEBOOK ]



2005 年 12 月 21 日  星期三   晴天


窮人之日記 分類: 未分類

之前問過許山呢個聖誕駛唔駛我返，佢話唔駛咁我咪諗住呢個聖誕同屋企人上大陸囉 ...點知今朝打黎叫我返，打鬼亂哂我個PLAN ...雖然~掙D收入幫補下自己係好...但係真係好想上大陸呀 ...不過~我都係應承左...呢次仲調左我出旺角...OH~撞到熟人機會達百分之八十!!!  (希望撞還撞..唔好撞D唔想見果D啦 )

仲有~仲有~唔知係熱氣定撞鬼噰....我個..下唇..生左粒..瘡嗚 ~TOO BAD!

Huilaushan_02
發表時間：2005-12-22 01:27 AM  [ 訪客留言(2) ] [ 編輯日誌 ] [ 分享至FACEBOOK ]



2005 年 12 月 19 日  星期一   晴天


又一日喇 分類: 未分類

今日DATE左芬尼行街街 (大家而家都係閒人中既同道人)...晏晝去左食韓燒丫 (VERY NICE~EXCELLENT~FANTASTIC )....仲買左一件褸...一條圍巾...防寒內衣添~~~銀行而家都仲有百零蚊捱下既...

P.S. 芬尼佢...好違憾....行行下唔見左隻..."筷.....子"....下次唔好咁大懵喇

 
發表時間：2005-12-19 08:21 PM  [ 訪客留言(1) ] [ 編輯日誌 ] [ 分享至FACEBOOK ]



2005 年 12 月 18 日  星期日   晴天


今日所有食既野 疑惑 分類: 未分類
海鮮炒飯 
薯餅  
芝士餅 
字母餅 
 
咖哩炒貴刁
栗子糯米池 
 夏威夷果仁 
紅蕃薯  
發表時間：2005-12-18 11:52 PM  [ 訪客留言(3) ] [ 編輯日誌 ] [ 分享至FACEBOOK ]



2005 年 12 月 17 日  星期六   晴天


唔洗PLACEMENT之後既第二日 分類: 未分類

激激激激激激.........死我喇~~~買唔到KING KONG戲飛丫 ......我雖然有大把時間但係我三家姐一星期得一日休咋......跟著諗住禁$200啦，又禁唔到 (話我最多只可提取不超過三十蚊既現金)...

唉~又要爭家姐錢嚕....再去朗豪坊食印度薄餅....食食下一大班小醜路過....有個仲扮到好肚餓個死樣想我請佢食...

mov
發表時間：2005-12-18 11:10 AM  [ 訪客留言(3) ] [ 編輯日誌 ] [ 分享至FACEBOOK ]



2005 年 12 月 16 日  星期五   晴天


唔洗PLACEMENT之後既第一日 分類: 未分類

自從PLACEMENT之後就無覺好訓 ...今日唔訓飽D真係對唔住自己 ...

終於可以出左去入數喇 ~因為平時PLACEMENT返8至5...都無機去銀行...我都唔怕在度講，我銀行戶口今朝未入數之前得>>>>>>>>>>>>$38.4 ，都係自己衰大洗囉

以下我一定要在一星期之內~搞掂佢.....

打好餐樓份REPORT...摷返FO筆記仲要查字典...交電話費(遲左一個月喇)...唔...仲未諗到
發表時間：2005-12-16 09:21 PM  [ 訪客留言(1) ] [ 編輯日誌 ] [ 分享至FACEBOOK ]



2005 年 12 月 15 日  星期四   晴天


提早結束 分類: 未分類

    我已經同人事部講左唔撈喇...我本來以為自己捱到落去，但今日抹全層既地腳線果陣條腰又痛(痛到真係喊咁滯)...我唔想因為呢次實習搞到有咩後遺症...所以我做左呢個決定...但係唔知點解無特別開心亦無覺得唔開心...

   有個阿姐問我？『教你個阿姐對你已經唔話得架啦~仲咩事走』...呢個阿姐同我講之前試過教兩個人...之後一個第三日已經無做(個男仔話太快做唔切–自己去唔到個LEVEL喎)，另一個直程驚到撞左落架布草車度 ...所以佢個SUPER唔再俾佢帶人.........我聽完之後我覺得有D內疚，覺得教我個阿姐已經遷就我黎教，我......
發表時間：2005-12-16 12:00 AM  [ 訪客留言(1) ] [ 編輯日誌 ] [ 分享至FACEBOOK ]



2005 年 12 月 14 日  星期三   晴天


羅命 分類: 未分類

救命呀~我鼻塞同流鼻水愈來愈嚴重喇...今日試過幾次同人講講下野成條鼻涕跌左落黎 ...而家食野又無味(不過仲係食咁多)

響我間酒店發生既事............有個男同事同我講有個阿叉鎖左個夾萬唔識開返，咁個男同事就幫佢搞......點知......唔係咩金銀珠寶唔係銀紙......而係一隻.....雞脾，阿叉以為呢一個係微波爐...有無搞錯?!

 
發表時間：2005-12-15 01:12 AM  [ 訪客留言(1) ] [ 編輯日誌 ] [ 分享至FACEBOOK ]



2005 年 12 月 12 日  星期一   晴天


痛~ 分類: 未分類

我已經連續四日食左朱古力新地喇~我怕一月返黎大家會認唔到我...噢~連我三家姐都覺得我大食左 ...

條腰愈黎愈扯住痛喇...我驚遲下我會駝哂背...成個《大奧》總管事咁

 

我同SUPERVISOR講我想調去F&B...佢話佢要報俾HOUSEKEEPING個經理聽...然後再由佢同人事部溝通...嘩~咁溝通得黎都成個月嚕...

 
發表時間：2005-12-12 08:58 PM  [ 訪客留言(0) ] [ 編輯日誌 ] [ 分享至FACEBOOK ]



2005 年 12 月 11 日  星期日   晴天


1645 KA811 傷心 分類: 未分類

爸爸同媽咪玩完華東六日遊...今日返香港喇~我同三家姐第一次去機場接機•其實我地唔知邊個站落車...見多人落我地就跟著落咋 ~見媽咪班機未到咪HIGH下TEA囉(食左M記SHAKE SHAKE薯條同朱古力新地再去許山買芒椰奶飲)...其實我黎既目的係接機.......

佢地著住零下4°C既LOOK出黎...勁多手信丫(起碼有成七大袋)~爸爸話架行李車唔推得出去...我地每人拎兩大袋行去車站(好重架)...點知一個二個人推住架行李車在我地隔離越過 ...激到媽咪慶到係咁扭爸爸耳仔鬧佢搞到我地拎餐死(爸爸哎哂救命) ...話時話我未搭過飛機...幾時先到我衝上雲霄架

發表時間：2005-12-11 07:51 PM  [ 訪客留言(1) ] [ 編輯日誌 ] [ 分享至FACEBOOK ]



2005 年 12 月 10 日  星期六   陰天


度日如年 不安 分類: 未分類

我跟果個阿姐今日玩面臉，叫佢食屎啦!!!!今日係咁發我脾氣，仲想用粗口小我，正粉腸!!鬼咩，我係佢在呢間酒店第一個徒弟，唔想我影衰佢咪係咁啄住我。

我愈黎愈唔想PLACEMENT喇，學既野同屋企做既差唔多...只不過要鋪床之嘛...而且人工得果二千蚊，諗起都唔開胃...

 
發表時間：2005-12-10 08:34 PM  [ 訪客留言(4) ] [ 編輯日誌 ] [ 分享至FACEBOOK ]



2005 年 12 月 9 日  星期五   晴天


PLACEMENT 滿足 分類: 未分類

之前...日日返學都有遲無早，而家...五點半死都要起身~我"深深"明白咩叫做《一失筆成千古恨》。 唉~原本之前阿蛇派張紙(關於酒店實習)要填自己興趣住邊之類...有道要填所住地，我以為係中國香港咪寫香港囉~點知......阿蛇無奈咁話係寫自己住果區，改都改唔返喇 ...所以我先派左去港島區...

我今日係第四日做房務，頭兩日齋望佢執(我仲...昅到...D野，真係估唔到阿姐都咁野性) ...佢都幾好人，不過係...個煙產(食煙多過食飯)...爛口左D(粗口多過傾計)...HOUSEKEEPING多數都係阿姐，我到而家都分唔清邊個打邊個...而家條腰好痛(烏低身得太多)，膝頭哥損左(有時要跪)，真係要抖抖 ...後日終於放假，期待中 ~
發表時間：2005-12-09 11:48 PM  [ 訪客留言(4) ] [ 編輯日誌 ] [ 分享至FACEBOOK ]




« | 1 | 2 | 3 | 4 | 5 | 6 |