都有成2個月無UPDATE個日記喇

雖然P記人工低但係我仲有KEEP住返

(其實我唔多唔少都係因為某人所以先唔辭住)

所以除左我自己本身果份正職之外

我仲要抽D時間返埋P記

我家姐都話我殘到...無野既...第3隻熊貓啫

我果份正職都仲未過試用期添

鬼咩~PROBATION都6個月

而家入門口都仲未有密碼

每日都要禁鐘，出出入入係人都知

D野有排學呀，而家仲學緊計排牌同ICU

D同事就下次再講啦

同埋我上次同屋企人去澳門都

仲未得閒打在日記度(= - =)

今日已經廿二歲喇~

就黎要離開十八廿二呢個PERIOD嚕

除左收到禮物，仲收到果份心意

就算係一個信息，我都已經好HAPPY

多謝一位傻瓜俾我一個

HAPPY BIRTHDAY NIGHT

好耐無見FANNY您喇~

真係好感激您今日黎九龍城搵我預祝生日

仲請我食飯，D泰國菜真係好味丫

無介紹錯呢

而且又帶我食埋個潮州合成糖水做結尾

I LIKE IT~

我屋企既事真係令我唔開心

您咁有耐性聽我發牟騷

真係THANK YOU VERY MUCH~

我仲爭您張貼紙相丫

今日約左以前AIA兩個秘書同萍姐

去左旺角既潮樓食飯

我地四個睇左餐牌先知原來間野都幾貴

不過難得一次出黎無所謂啦~

我地四個都有各自既新工嚕

萍姐同MANDY暫時都做得唔係咁開心

我地傾左好多野， 有家事，

有以前AIA不為人知既，真係咩都講一餐~

我地四個雖然唔係同時入職AIA

但我地係同一時間離開

我地短短半年組歷左既野真係數之不盡

所以對佢地有種講唔出既信任感...

大家姐嫁左出去之後

我們一星期都會食一次飯聚聚

佢真係太BUSY喇

又教書又教琴又要出去比賽號步

但係佢都在我生日前一個星期送個蛋糕黎

真係THX SO MUCH~

仲有條豬豬頸鏈添(佢話似我喎)

哈~自從做左醫院呢度就唔憂餓親

D同事成日帶野返黎食

後面類似PANTRY張臺都未吉過

有潮州帶返黎既花生糖、雞仔餅

有青島帶黎既花生、蜜早、魷魚絲等

有澳洲拎返黎既鳥結糖

我已經由入職第一日足足增左5.5磅

(我習慣每日都上一上個電子磅架)

今日同左同事出去食九龍城韓式石頭飯店

(個飯在相薄度可以見到)

成個清哂，嚇親對面個同事添

雖然大家姐嫁左去樂富，

但係我地一星期都會至少一次圍埋一齊食飯架~

尋晚我地去左食青衣城食pizza hut，

我地7個人(連埋姐夫)總共叫左5個麵飯、

5個小食同3個普通批，

本來我地想叫3個都係厚批底，

點知佢話厚批賣哂，可以選薄批或芝心

咁我地梗係選左芝心啦

哈~我地總共節省左$24蚊丫~

lucky~

尋日去左睇【兄弟】以為劉德華係主角添

主力係講苗喬偉同陳奕信，劉生好似係多餘咁

教我果個CINDY姐由今日起放大假，有排都見佢唔到

佢好像話先去馬來西亞，之後去上海同澳門

我而家開始好似變左孤兒，我而家學既野好散

總括黎講呢~每個BILLING既同事(即係計數出單)

基本要計身體檢查(DAY CARE)、胃鏡腸鏡、洗腎、

X-RAY, OT(手術室)等...... 每個入院病人都會有

一個排牌，即係佢做過D嘜，醫生既REPORT,

姑娘寫既野等都會夾埋一齊。我地就係要計好數先

出單俾病人找數，我遲D學識哂就要每日上病房計

排牌喇，而家我仲係個新人所以留在會計部學計數。

雖然我在會計部做，但唔係出面公司D會計文員做既野~

我都會加油架喇

讀完酒店反而無喺返呢行發展

你地可能會覺得我哂左呢幾年時間

但我我無後悔架~

因為呢幾年時間我除左讀書之外仲可以接觸唔同既野

而且識到IVE一班好朋友~雖然無嘜聯絡，

但我相信友情唔係一樣脆弱既東西。

反而我家庭俾唔到一種可靠既感覺俾我

只係一個用膠紙痴住既物件。

我而家在九龍法國醫院都已經2個月嘈，

但無一個可以傾得埋(真係悶爆)...

而且而家都仲係學野階段(阿姐一個星期先教我一兩樣野)

，所以有時見佢地咁忙想幫手都幫唔到

阿CINDY姐成日叫我乖啦自己睇下野

不過咁多個淨係對CINDY姐有好感...

其他係忠定奸都未摸得清，知道自己要暫時做好自己就得

HELLO~又是好耐無見喇~真係好鬼MISS你地

如果搵日一次過出黎聚下*傾傾計食下野就好喇

十二月三十一日果晚返PIZZA HUT*我原本收十點半

但係偉傑隻腳整親...所以我自願幫佢收尾

點知咁鬼多野做!我需要負責埋每枱張STANDARD CARD

佢地咁啱話要換入面D野*換都唔緊要...

但佢地原來未諗好點擺囉!我就坐喺度等佢地諗掂我先可以

做埋佢...好喇~做完又突然整兩大滿既垃圾袋*

入面係裝住D宣傳單張，唔可以就咁揼要撕開先揼得喎

結果我就在PIZZA HUT度數....放左就同偉傑同人慶祝生日~

我返左新工果邊已經一個禮拜...係喎~我未話俾你地聽

我係銅鑼灣恩平道利園二期嘉蘭中心嘅AIA營業部做個小秘書

我暫時做D好輕瓊嘅野*排下單、打下資料咁

我真係讀屎片...我第一日返工佢叫我跟著英文姓名嘅次序

我居然唔肯定R至Z既次序~我打俾偉傑求救*

佢叫我睇手機D掣...係喎~點解我醒起呢

我排左5個鐘先排好...我打中文真係好慢好慢

我忍唔到自己成日問人點打呢個字~所以我買左本迷你字典

前日佢叫我打個MEMO*我諗黎諗去都係作左一句

我拎俾上司睇...佢幫我嗰句改下改下作左成段出黎

真係對自己嘅無能感到有D慚愧...

我會繼續努力架喇~下次再講啦

我又俾人話我肥左喇~唉~鬼咩

食咁鬼多野，唔肥就假喇

上星期六~我同屋企人在屋企連續打兩晚邊爐

D送真係多到...

星期二~渣打在KLN BAY既唔知咩展覽中心搞PARTY

我主力都係食野架咋~係有抽獎...但我同我同事PEACH

都認為唔會有我地呢D(TERM)份囉...佢地D禮物又真係幾

RICH既~又PSP又相機又現金獎八千蚊...結果抽中

果D全部都係(PERM)...算啦~我其實都唔係話太再意

D獎品，可能係覺得有少少唔公平咁啦

果日食左燒味拚盆、魚翅、冬菇海參(唔岩食)、炸蝦球

、蒸魚、瑤柱蘑菇、伊面、糯米飯同紅豆沙

今日~同同事去LAMTIN既私房菜做冬

佢地話有個規定唔準食剩野~剩左果D要猜輸幾果個食

不過又真係幾好味~

聖誕就快到喇~好開心呀!!!!不過其實我鐘意新年多D~

我整直左我個死人頭呀，初頭真係睇唔慣自己

因為太貼喇~簡直好像一塊紫菜包住個方包咁

我而家個LOOK回到FD果陣...

我已經搵左另外一份長工喇，雖然渣打係好

一黎自己入機已經快左又準確左，但遺憾佢唔係長工

其實我在渣打呢三個月真係過得好開心~

每日食完午飯有時間剩我就同我個同事PEACH去買野食

我間人事顧問公司前日打我手提留言話想續到30/06/2007

我都唔會...續...嚕...不過我覺得有D安慰，因為渣打

佢肯定左我能力先至續約~原來我係有用架

我黎緊呢個星期好充實呀~星期二晚放工有專車車我地去

KLN BAY參加咩懷舊之夜，最緊要有餐食~哈

星期四我地AM請我地去TAI WAI食私房菜

FANNY~你上次請我食ITALIAN TOMATO BUFFET

我真係好滿足呀!!!HAPPY~EXCELLENT

我而家煩惱緊買咩聖誕禮物俾偉傑好呢??!!

佢成日都話唔怕凍，我已經問左佢N次你真係唔怕凍?

因為我想織頸巾俾佢嘛...

我真係傻...以為今年有個難忘既生日

但是結果得黎...我人生以黎最想忘記的一個生日

喊到...好累...

我以後唔會再對我生日有任何期待

以後都唔會

自7號出糧以黎短短5日...我已經洗左成三千幾蚊

(當然有二千奉獻左俾媽咪)~所以唯有餘下既日子要

慳D洗啦~做唔做到呢就...我真係一有少少錢就身痕喇

今日同左媽咪去左食壽司丫~

最鐘意食炸蟹同鰻魚~某人成日叫我忍口唔好食咁多

但是D壽司在我面前轉黎轉去，我真係忍唔住喇!!!!!!

哈~我真係差唔多每日都入錯野~試過入錯個客既地址啦，

搞到寄左佢張CREDIT CARD去左隔離屋......而且又睇漏眼~

平時D舊客REDCORD係入完ID同DOB(DATE OF BIRTH)

就自動彈D資料出黎，通常都岩架嘛...咁咪偷雞唔睇得咁仔細

囉~點知真係踩屎...有個記錄裹面既EMBOSS NAME(出咭俾

客個名)唔知點解彈左第二個名出黎又無睇到，咁就即係你收

到張咭但唔係你個名...我諗渣打真係多得我唔少...

之前我咪提過無咩同我差唔多年紀既同事既...但係因為多左

兩個新同事~所以而家返工無咁悶喇~略略介紹下佢地啦

一男一女~叫KEN同PEACH...阿KEN係果D一睇佢個樣就知

佢咸濕既人，又粗口又煙又酒~好聽咪無一不精囉

仲可以無時無刻周圍搭訕人，唯一優點係個樣似馮德倫

先有咁多無辜少女落搭......而阿PEACH係一個把口由九點講

到OT都唔停口，仲要話題係唔會重覆先好野喎~我每日都同

佢一齊食飯盒，佢份人好真好直腸直肚(況且我同佢都做過

PIZZAHUT，不過唔同分店囉)...呢三個月我覺得應該會幾

HAPPY~

終於同佢影左咭喇~(不過我覺得太大頭都唔係咁LIKE)

不過下一次既見標係貼紙相~

終於可以得閒打下日記喇~我呢排都好早訓丫~

十二點半到啦~因為失業果陣晚晚都三點幾先訓

呢個禮拜好多FORM要UPGRADE到白金咭

所以日日都OT，最遲都九點半先走

但我打字既SPEED係無快過既

因為我多數用KEYBOARD右邊果排數字掣

多數要入特別既數字、ID NO同出生日記

我就黎以為自己響入境處做緊...

我都有去到哈佬喂~不過D鬼屋玩唔哂既...有十個人去

平均排隊時間要成45-90MINS不等

明明知係假我都驚到哎哂出黎(無哂儀態添...)

最無奈係中途同其中一個鬼王咁既物體影完大合照

捉左我入去佢個棺材度...

我而家十五十六唔知整唔整直D頭髮好

都攣左成兩年，真係有D想轉下型像

但我塊面咁闊...仲係非一般咁闊...唔知點好

有無搞錯?!我之前廢緊果陣係咁搵工

會所、酒店、GOLF CLUB接待員、HAAGEN-DAZ都搵埋

成個月都無消息...咁所以我先會做而家呢份臨時工

上個星期我收到HAAGEN-DAZ既電話

(都唔知係咪在櫃檯底摷返我張CV出來)

不過我拒絕左喇~諗諗下都係唔岩我

而且自從做左OUTBACK STEAKHOUSE間野一日之後

我唔多想再在F&B發展喇

呢兩日我收到兩個留言，一個係我之前都有IN既

東涌會所肋理，另一個佐敦酒店的TEL OPERATOR

即係而家咩意思者?!不過我兩邊都唔覆返佢地喇

我想做完呢份臨時工先呀，到時再搵囉

我都有諗可能三個月後都唔會再咁好彩

但係我想呢三個月都安安樂樂做一個文員仔

我爭D連PASSWARD都唔記得左~哈

大家唔洗擔心我~我呢三個月唔洗失業喇~

因為我搵到份臨時工(至到31/12，所以我元旦日真係完蛋)

係在渣打中心做文員，做左四日啦~

好多野記既...日日都要TAKE 一大咋NOTES

暫時學左D基本野~入申請CREDIT CARD客人既資料

同事方面就唔會話突登結識架喇...因為年齡組別都唔同

我成日都好驚自己打得慢，因為我入完要PASS俾一個同事

當我見到佢等緊我無野做我就好緊張

個同事個樣仲要勁似GRACE YUEN(係個髮型唔似者)

中秋節果晚去左通宵BBQ丫~其實果晚我MUM整左7送一湯

係勁飽都仲要去燒囉...我呢個星期日都同屋企人燒

又係城門水磄呀~又要同一大班MONKEY對壘

上一次佢偷我地蕃薯，再一次就偷左成袋面包

我二哥都提議去其他地方，但我媽咪嫌遠喔

果晚中秋我帶左個靚靚燈籠(係條粉紅色的魚)

點知插左支蠋只不過係"2"分鐘，樣都未睇真

條魚上面熔到開左個大洞...我唔開心囉

唔係因為掃興...而係係人地送俾我架嘛

第二朝就上大陸嚕~嘩...我上面果間屋真係可以

用魔蟲口入黎形容，因為我地上次走係因為放左果D

係咪叫催淚器，今次上到去成地死屍...

不過都係我DAD媽做~呵

同FANNY, TRACY一齊食沙嗲嗲聚聚好開心丫

好懷念呢個感覺，知道佢地而家開心我都開心

好啦~我唔可以再打落去喇

因為我仲要寫返今日既NOTES丫

吼~近來樣樣都唔順，身邊無樣野係開心架!

我搵D酒店都無回音，連IN既機都無...

咁算啦~搵其他~搵到但...

本來都唔想講，但覺得都係無所謂...

其實...有間野我做左一日就無做

可能你地會覺得我又蠢又懶，但我既能力真係應付唔到...

間野在紅磡，叫OUTBACK STEAKHOUSE

都應該算高級咁啦，我跟一個高級TRAINER，菲律賓人

成晚教既都係大量英文+少量中文(呢個都唔係問題)

要HIGH CARRY先至係我死穴，如果可以用兩隻手我都願

但係另外一隻手一定要拎埋三腳架先可以出去

我真係怕單手佢會跌，

佢地係比IVE仲大既橢圓形TRAY

佢地所有用得既野都超重，諗住頂多比P記重少少..但..

個水雀係鐵做而且大到..一隻水杯等如一隻透明又重果D啤杯

全場十幾個男得三個女(我+菲律賓人+同我一樣係新人)

每一個侍應要做埋水吧、SERVE、CASHIER

(要自己袋定$500, $100, 一蚊兩蚊果D)

扒有分種類有分幾成熟，出扒果陣一定要小心佢地唔好撈亂

3點至6點係落場時間，真係諗諗下都唔知果段時間可以去邊

行街?幾日行哂...睇戲?自己一個...留在公司訓?

簡直浪費自己時間~放果陣零晨12點...

由黃埔行到去紅磡火車站先可以搭個半鐘既通宵巴返屋企

你地可能問我點解咁遠都要見呢份?

其實當時我真係好焦急，一心諗住自己要快D搵到工

咩都無所謂...其實工真係唔可以亂搵

我媽咪問我不如寄去酒店啦、問我有無去勞工處、

又幫我睇報紙、仲問我不如搵阿DICK介紹

(我之前提過有呢個文華人)

我知佢擔心我，但係問得多就會變左壓力架喇

我大家姐笑著話而家應該叫你雙失呀呵 (FUCK!)

同埋...而且我而家開始覺得...

SINGLE可能會岩我多D

放心啦~我有咩會再同大家講架喇