我平時幫襯開既SALON而家搬遷左，諗住有D感情咪去佢個新鋪剪髮，點知真係咁細(由二千尺縮到而家三百尺)，我諗應該都係無生意或者地租貴(話哂銅鑼灣啵)。D人我都唔係好認得，因為我平時搵開師父阿MATT嘛(佢都無在度做嚕)。咁我是但搵個人剪，洗頭果陣嚇死我呀，洗頭個位黑麻麻(呢個唔係問題)，我隔離有塊大鏡，我洗洗下在塊鏡度見到有個人頭在個大櫃上面呀!原來係個公仔頭~幫我洗個姐姐話佢都想講好耐...幫我剪個男仔話我D陰唔夠長剪唔到斜陰，幫我剪到前面成個小丸子咁...(好掛住阿MATT~係佢先知我想點剪)...
見有時間我買左D材料返屋企整糯米池，諗住個餡係奶皇...但係過左火熟哂 (成舊馬拉糕咁)...咁我咪惟有摷返包現成吉士做餡 (即係粉再溝水就得果D)...點知個皮衰埋，蒸過頭又熟左(惟有淨係要入面較為軟熟少少果D啦)，太硬包唔到吉士，但係我唔想無餡，所以我咪塞粒腰果入去，雖然唔係好MATCH但係都入得口既，不過就唔係糯米池而係椰絲糖囉
仲有四日~仲有四日就出糧，雖然唔係多，但好過而家銀行戶口係十位數丫...
尋晚我唔洗返工在屋企嘆緊果陣~收到的士爸爸個電話，佢問我走得未仲話見到我執緊野，唔係嘛~我在屋企喎，近排爸爸D眼力愈來愈...
今日又走左堂，雖然TRACY佢地問我點解唔上，其實我唔想上就唔上，但係我驚照直答又唔係咁好(好似膚蜆緊人咁)，所以我拼死都諗個無厘頭既解釋...
P記套制服都唔錯，但係我一直都鐘意著返自己條西褲，今日終於俾人捉到。我咪扮哂可憐同佢講我得一套，洗左就無得換，第一日返工又話俾多套我... (扮慘係我強項)...不過...我果頭講完佢真係即刻拎多套俾我...其實我鐘意自己條褲多D，我諗住都唔著住，再捉我先算...
今日要英文PRESENT，我今朝先PRINT出黎"睇"咋~我遲左差唔多十五分鐘先入去課室門口，椅都未坐熱就到我PRESENT(真係多謝FANNY打黎話我知我被抽中係第二個考，聽聞過左就無分喎)...(有成四十個人我係第二個考，難怪我平時抽咩都唔靈)...我原本想拎張紙出去讀，個八婆MISS一手羅左去，咁我無背又無嘜點睇，求其讀D單字分零鐘我就講THANK YOU(但其實一定要3分鐘囉)...D同學好鬼勁有個就講到真係成個外籍人士咁(不過有個就扮哂鬼妹咁既口音，嘔~)咁最尾睇分成班得我一個羅F(係果D無返既人無分先低過我)
今日P記又話要問TRAINING AUDIT(即係關於P記既野，例如P記既九大文化係咩，個答案係咩為客瘋狂，力爭而合，認同鼓勵...)我記黎記去都淨係記得為客瘋狂，好似話四月有大粒黎問...我打呢份工都係一個月者，咁鬼多野溫架，我就黎真係唔慌唔~瘋狂~喇
今朝倒塌咁早返學校補考會計，過埋呢次已經考左三次會計，但我呢一次仍然BALANCE唔到呀呀!!我尋日成晚無訓溫果D CONCEPTS，真係記到頭又記唔到尾，上上下下撈埋一碟~唉~如果今次都唔合格就真係要同媽咪三跪九叩都唔掂，我考完已經左計又計睇下自己合格機會大唔大架喇，但係執哂D死雞計埋頂多都係三十幾分到...
P記其中一個經理成日都認為我覺得佢唔好，搞到佢有陣屎發神經~叫我身邊既同事對我講佢係最好既經理喎...真係完全唔同請我果陣時個樣...佢今日突然同一個女同事講話可唔可以俾佢攬下，我只不過講左句"仲好意思話自己好人"，佢又啄住我話我思想DIRTY，我真係忍唔住話你執到啦有我呢D咁誠實既下屬~
之前P記俾左兩份野我溫，我真係掂都無掂過(個女仔話唔合格要考到合格為止，原來錯多過5題就代表FAIL)，考果陣仲要同事阿DICK同VAN仔通水幫我，不過都幫唔到幾多，其實我唔係擔心合唔合格呢個問題，而係考P記既試要提早返而且又唔計錢...
星期三就要補考ACCOUNT喇~仲鬼死咁早08:30A.M.，真係擔心自己一黎起唔到身，二黎如果唔知醒就食唔到豐富既早餐(每馮考試之前我一定會食飽D架)。
星期六果日因為做MARKETING REPORT，去左元綠食野~超正呀(其實做咩REPORT，都係圍繞住飲飲食食，有個藉口去食大餐~
講返星期五先~簡直激到我想用個水JUG銼落個男仔個頭度...事源果日有一個男同事我從未見過(聽聞佢好少返)，佢咁耐無返做野仍然超快呢點我唔否認(真係做到成個八爪魚咁)...後欄有度叫"STATION"，通常有一份份SETTING(一份2位, 三份3位, 1 份5位)，咁有臺走左佢話佢執叫我去拎份3位出黎，咁我入到後面淨係見到一份1同一份2(咁即係要自己執)，我執完佢就入黎話"點解你可以咁慢，人地已經PRE好俾你啦"...我唔係唔解釋而係黎唔切反應(搞到我覺得自己真係做錯左咁)，之後佢行東我特登行西，佢望住我我咪極其蔑視咁轉開，佢話我咁惡架(真係仲好意思)...聽聞有臺幾個學生妹話佢好靚仔喎(乞痴接埋啦)，響我眼中佢只不過八兩金黎咋!
跟著第二日星期六~我同幾個P記既女仔去左西9食壽司，我地傾左好多野(令到我更加了解P記既人際黑暗)...果度有轉D烏冬出黎，我一次過食左3碗(佢地笑我大食呀，又話我食野可唔可以斯文D)...
放左兩日假真係VERY舒服~響第一個做P記既星期就扮牛返足六日，到第三個星期就返四日，下星期開始話自己補考返三日(等我陰D陰D減少自己D返工時間先~)...星期二果日係出廚房自助餐，我負責綠茶草餅同芒果椰汁西米露(兩樣都好容易~ 岩哂我~)不過今次阿蛇姑寒咩都話夠，明明客都未夠食就話差唔多架啦(我就話你條命都差唔多架喇~)搞到我想留D俾FANNY同TRACY都無...
到星期三~有個隔離系個MISS同我地要補考ACCOUNT既同學溫溫習(酒店系同隔離系都有)~唔知係我平時唔留心聽孔蛇講定MISS教得好呢，真係有D開竅(不過絕對唔係學到野，而係知道多D我原本應該識既野)
今日如果唔係要交英文功課我都唔返(點知今日又受JACK LOU條粉腸D氣)，正磎佬!!咁多人傾計淨係話我同SUKI(果刻真係好火)下次實走佢堂!!...今日終於學入機，簡直極度混亂，睇黎都要一排先摸熟喇
今日本來上GREENIE四個鐘補堂，但我遲左起身(不過我覺得返到黎已經好叻~)...嘩!真係頂條友唔順，係咁講法文又WINE又嘜，我仲要同唔識既人坐(仲慘過響戲院睇文藝片~)...如果六班所有人返齊，真係想睇下GREENIE點嘔D椅出來...唔夠NOTES明明係佢自己問題，仲好意思問我地拎返出黎(段估唔會有人特登拎多去試墨呀)...
放左監之後同芬尼去左旺角PIZZA HUT諗住食SET LUNCH架(原來星期六係無)，"芬尼~您太好喇"~搞到要你陪我食一百六十八蚊既餐，
汽水2杯--蘑菇忌廉雞湯2客--至尊普通芝脆批1個--金粟芝士釀雞翼(好正呀~100分)
最後埋單之後銀包剩得8蚊...
好耐都未同過AIMAN教授佢地食飯喇~今日終於有機會一齊去茶一茶，我地點左廿碟野好鬼FULL呀(真係唔企起身都唔知原來真係咁飽架)，最後媽咪沖杯檸蜜俾我消滯...
唉~我今日帶錢返工吼，我唔見左條LOCKER鎖匙(俾左廿蚊SUPERVISOR而且又要自己配返條黎喎)~白做...白做...而且到九點幾個SUPERVISOR同我講而家要俾十蚊出黎(原來有臺走左數呀~)，所以成間鋪頭既餐房同事要一齊夾返出黎(我呆左...)
今日又走左一日堂嚕，好鬼梳乎呀~晏畫同媽咪去左青衣城P記食野(試下員工八折優惠嘛)...
今日返工差D遲到丫(好彩我住得近者)~即係我今日應該返六半，我成六點一先出門都無遲(好人始終有好報既)~好彩當初選左荃灣P記而放棄左旺角既沙嗲王...因為出旺角要成個鐘架
唔知點解我有D掛住許留山...因為許山呢段時期所發生既係我最開心亦都最唔開心
臨尾收工居然要DUMP印(將截止日期DUMP落張COUPON度)，足足一千張，我同一個女仔每人五百，初頭吸果一百張就勁求其又化哂咁(完全睇唔到個日期)，後來捉到個竅門就成個打裝機咁(趕收工呀)
今日俾JACK LAU激死我喇，呢條粉腸居然叫我向三班面前道歉(雖然我真係遲左~)，搞到我咆哮左幾次...算啦當我今日黑仔
放左學我返P記之前去左哈迪斯HIGH TEA，點知俾我見到一個嚴重極度唔想見到既人(佢仲要同一個異性物體一齊)，做戲都無咁橋呀...
我今日著住SUIT，居然有人以為我係P記經理，真是睇得起我~
嘩~今日放假同兩個家姐仲有媽咪出左旺角行街食野(HAPPY~)，先去金太郎後去許留山，我仲帶媽咪行朗豪坊(佢以為上面係酒店一直無行過)，跟著見到無印咪入去行下囉(諗暈覺得呢間野算適合我媽咪行架喇)，選左好多零食呀...跟著...諗諗下...先醒起...我而家食飯果個木碗係呢度自己買架，個木碗值60蚊但我驚媽咪鬧我亂洗錢所以我之前同佢講廿蚊雞咋(廿蚊佢都嫌貴...)，嘛到我盡量唔俾媽咪行近賣廚具果邊，最後拉拉扯扯之下順利離開...
部電腦唔知又仲嘜鬼，響WORD裏面D英文字型愈黎愈少(簡直離奇咁消失)，由三十幾個到而家得返十零個，連唔知咩COMIC SAN同最基本既TIMES NEW ROMAN都無埋...
今日係我第三日出樓面(其實每日都發現自己有好多唔識既地方)，我見自己雖然唔係話識哂(真係有好多唔知做嘜)..但是我諗住問經理可唔可以一個禮拜返三四日(我其實係等錢洗但未至於需要日日返)，而且我就黎又要補考ACCOUNT都無溫過(一諗到可能其他同學努力緊溫補考，我就唔抵得喇)~我會盡力申報架...
今日終於同果個新女同事一齊買野食同搭車走，唔知佢食野慢定我食野快(本來諗住上車先食)，同佢等車呢段期間我已經食哂三隻餃子同一串燒賣...佢同我講話寧願一直做"STATION"(分類污糟碟上車)都唔做BUSSING"(睇單出野落臺)，佢話因為驚所以唔想，但係經理講明唔會俾佢一直在"STATION"(我其實都幾鐘意STATION架)，因為一日過唔到"BUSSING"呢關都出唔到樓面...我都唔想佢成日留在入面(我希望我都可以一時響出面一時做入面)...
我果間PIZZA HUT有個男人(三張幾)做樓面，平時個樣目中無人(不過又真係做得野既)，今日見到佢HIGH CARRY喎~我多口問嘜原來你都識架?! 跟著佢話你唔知我邊度出黎咩~ (我心諗邊度出黎又點者，而家我同你都係P記既人啦)，佢話佢果度裝修丫嘛.....裝修???......下....我個口已經飛左兩個字"文華"呀，佢話係..所以暫時寄居響度，小女子有眼不識太山(唉~你囂張得起既...)
放左工同幾個女同事一齊去M記食野傾陣計，聽下聽下先知原來真係咁多奸角(不過有好多名我都唔識)
抖左日今日要返工喇，完全唔夠侯呀 ~岩岩搵到工明明好HAPPY，而家返左都唔夠兩個禮拜就極其想請辭...我今日終於試下做樓面，雖然仲未識入機但係就咁MARK低客人想要既ORDER都OK(不過有好多時寫得好慢)~好彩D客男男女女都好好人，唔縑我摩手摩腳(因為個水JUG太重，我湛到手震 ~)
我知有個新女同事(似高材生FEEL)同我一樣都係住在青衣(我在長亨佢在長發)，咁佢搭41M同42M都可以返到去，我就一定42M囉...咁我放早佢半粒鐘，諗住佢係新同事等埋佢一齊搭車溝通下(況且佢都知我住青衣曾經話想同我一齊走)。我左兜右兜HEA下HEA下都等左大半粒鐘，終於等到佢跟著一齊去買M記外賣~咁去等車三分鐘都唔駛..點知41M黎先，佢真係上車先!!!!枉我自作多情~激死我~~~~~得我自己一個在寒風中呆等車，我發誓以後唔等D唔熟既人返屋企!!!!
今日終於出A LA CARTE樓面喇，我其實自問真係有預備過下同埋唔明即刻問，但係我意識成日遺留在之前果D SET MENU度~唔記得落頭盤刀叉(仲落錯位搞到阿CARR上錯位，SORRY~)，我寫單寫到好亂(自己都睇唔明)，好彩之後都好少少...之後出完餐魚蛋SIR話咩攻陷左A班，而家我地又唔係去打仗，難聽到死~不過我今次出餐唔開心佔85%，多得阿M-A-N所賜，成日催三催四，咩跟緊D啦又咩快D可以早收工(遲D收埋你皮)...
原來我地班被SUE WONG選下星期二做RECEPTION，因為我係班長所以做咩LEADER喎(有無搞錯~人地果日放假架嘛)...啤利SIR仲嘛我話如果唔返就無得畢業，哎~ 講起啤利SIR我就激氣喇，我今日戴左眼鏡出餐，佢話我塊面咁圓仲戴D咁圓既眼鏡~ 呀!!!
到而家我在PIZZA HUT好似無咩進步咁，今日繁忙時間仲俾經理哎左入去打字(梗係覺得我新人唔需要我啦)，算啦~我當HEA下囉，不過經理D字真係睇死人(佢又唔在我隔離無得問，咪惟有靠估囉)，真係估無可估就圓圈交叉...今日有人俾左兩份野我溫鳴(關於HYGIENE, SAFETY同CUSTOMER SERVICE)，得一個星期溫咋(邊有時間睇喎)，我連自己補考果D都未掂...
唔知點解返左成個星期，一D瘦既跡象都無(我KEEP住磅架)...不過有時覺得有工返又煩無工返又煩，而家覺得好倦喇(不過為左錢我會努力!!!!)
今日係我賣身俾P.H.既第四日，其實D制服又真係OK既~又唔洗戴帽(終於無人叫我阿姐)...我今日仍然睇單出野落臺(D臺號都搞到我咆哂哮)~我最唔鐘意係拎飲品(成日滿飲筒就滿俾糖)，不過我成日都扮傻拎一二樣就算(真係有D慚愧)...
我識左幾個靚女呀(我都大飽眼幅~)，有個男同事佢成日犯水災(裝水落個水JUG但掛住傾計無關制...落野果陣撞到個杯瀉哂...就連渣住個水JUG都會無端端爆...總之我成日見佢拎住個地拖，我諗"小心地滑"呢個牌既位置佢都頗熟...D同事都估我十七八歲到咋(呵~真係誠實架者)...因為D食物名太多我成日都唔記得，有好多時我拎著個飯落臺就話"唔該~焗飯"(盡量省略嘛)
我今日又見到尋日個男經理(CAP帽果個)，著到官仔骨骨既經理裝在我面前行過~佢望住我話"我唔係送貨架" x2，跟著我都講對唔住囉 x2
)，我諗應該都係無生意或者地租貴(話哂銅鑼灣啵)。D人我都唔係好認得，因為我平時搵開師父阿MATT嘛(佢都無在度做嚕
)。咁我是但搵個人剪，洗頭果陣嚇死我呀，洗頭個位黑麻麻(呢個唔係問題)，我隔離有塊大鏡，我洗洗下在塊鏡度見到有個人頭在個大櫃上面呀
!原來係個公仔頭~幫我洗個姐姐話佢都想講好耐...幫我剪個男仔話我D陰唔夠長剪唔到斜陰，幫我剪到前面成個小丸子咁...(好掛住阿MATT~係佢先知我想點剪
)...
)...咁我咪惟有摷返包現成吉士做餡 (即係粉再溝水就得果D)...點知個皮衰埋，蒸過頭又熟左
(惟有淨係要入面較為軟熟少少果D啦)，太硬包唔到吉士，但係我唔想無餡，所以我咪塞粒腰果入去
，雖然唔係好MATCH但係都入得口既，不過就唔係糯米池而係椰絲糖囉
...
，近排爸爸D眼力愈來愈...
~我遲左差唔多十五分鐘先入去課室門口，椅都未坐熱就到我PRESENT
(真係多謝FANNY打黎話我知我被抽中係第二個考，聽聞過左就無分喎)...(有成四十個人我係第二個考，難怪我平時抽咩都唔靈)...我原本想拎張紙出去讀，個八婆MISS一手羅左去，咁我無背又無嘜點睇，求其讀D單字分零鐘我就講THANK YOU(但其實一定要3分鐘囉
)咁最尾睇分成班得我一個羅F(係果D無返既人無分先低過我
)
~唉~如果今次都唔合格就真係要同媽咪三跪九叩都唔掂，我考完已經左計又計睇下自己合格機會大唔大架喇，但係執哂D死雞計埋頂多都係三十幾分到
，真係擔心自己一黎起唔到身，二黎如果唔知醒就食唔到豐富既早餐(每馮考試之前我一定會食飽D架)。
(其實做咩REPORT，都係圍繞住飲飲食食，有個藉口去食大餐~
...事源果日有一個男同事我從未見過(聽聞佢好少返)，佢咁耐無返做野仍然超快呢點我唔否認(真係做到成個八爪魚咁)...後欄有度叫"STATION"，通常有一份份SETTING(一份2位, 三份3位, 1 份5位)，咁有臺走左佢話佢執叫我去拎份3位出黎，咁我入到後面淨係見到一份1同一份2(咁即係要自己執)，我執完佢就入黎話"點解你可以咁慢，人地已經PRE好俾你啦"...我唔係唔解釋而係黎唔切反應(搞到我覺得自己真係做錯左咁
，佢話我咁惡架(真係仲好意思)...聽聞有臺幾個學生妹話佢好靚仔喎(乞痴接埋啦
)，響我眼中佢只不過八兩金黎咋!
)...
~晏畫同媽咪去左青衣城P記食野(試下員工八折優惠嘛)...
~)，有個男同事佢成日犯水災(裝水落個水JUG但掛住傾計無關制...落野果陣撞到個杯瀉哂...就連渣住個水JUG都會無端端爆...總之我成日見佢拎住個地拖，我諗"小心地滑"呢個牌既位置佢都頗熟
