| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
打blog變得好困難  |
分類: 未分類 |
近來,每日都係到玩魔獸
先前我係祈禱過,話希望暑假可以多d活動
之後,我突然多左我多教會活動
有作個錦光人課程,又要開始去分組,每週崇拜
開始有d頂唔順,之後衣家又冇乜野做
可能主都知我頂唔順啦
呢個禮拜,開始第一次為教會而感壓力
我地組搞左個韓燒活動,希望藉呢個活動可以有更多人黎教會
不過要60人先可以有50蚊一位既優惠
我已經做左組員,當然會有負擔...
呢個禮拜一路係到搵人
最後,口十搵左e班姓林個位,仲有艾爾都會黎
最初佢地都表明唔想番教會
但係走人個陣,唔知點解,艾爾同林一齊番,好開心
至於口十,我地走個陣唔知佢閃左去邊= =
林去到教會,係我地講學會個陣,挑起佢既興趣
佢衣家話想入我地既舞蹈學會
艾爾,聽到教會姐姐介紹籃球學會周不時會對外有比賽
呢點搞到佢個心囉囉攣
其實佢地肯黎一次,我已經好開心
當然,佢地因為學會而番下教會係好事,我更開心
分組個陣,見到楊偉哥同雞康係門口經過
於是我地就出去搵佢地啦
佢地band房就係一間好破既商場
入到去啦,冇咩特別既,佢地係到分緊組
大概係到傾先前去左唔知咩地方講感受之類
入黎前既前前後後,該死的楊偉哥係到啄住哂
話你黎踩場(因為我係隔離錦光),跟住佢好似仲想趕我走咁
真係有d火滾,好想爆一句,你間垃圾教會!
當然冇講到啦,一時火即眼姐,唔可以因為呢d小人而睇衰成間教會!
呢一晚,同瀚傾傾下計,係到傾神昸野
一路討論左好耐,有1成俾我感覺係係到爭辮更
佢話佢核心問題唔係神存唔存在,而係神係咪慈愛,周埋真係好好咁
呢個問題我真係答唔到= =
番去問下人先,當然我都唔會專登搵番佢講啦
咁樣咪姐係你要同人咬同又要唔夠講咁
呢篇野發表個陣,係星期一,
哈,傳道咁岩左,就係人要數算日子
話咁快衣家就係星期一既夜晚
7月都要過啦
我向自己承諾過,魔獸夠期後要開始做功課
同埋要出多d街
好想係呢個暑假有d改變
唔怕講,自從神話要改變我個人之後
我都察覺到我係有d變左,多出街左啦
面對人個陣都大膽左d
唔係淨係我講架,真係有人講過話我變左
呢幾日轉左歌,請大家聽下
近排都冇乜事啦,有事再講,拜拜!
|
2010 年 7 月 11 日 星期日  |
| 中四Camp記 |
分類: 未分類 |
(該死的,又係咁遲,本來應該係上星期6日post,竟然要一個禮拜後先post blog,人既惰性,真係超出想像!)
每次去前都係咁緊張
今次camp被較麻煩d,因為係結業禮個陣去
結業禮上,話副校長,校牧,楊c玲要走
後來係camp到師太講,副校要做校長,c玲去第2到教,校牧就好難講,自己搵啦
結業裡面,頒獎個part本來好開心,最後講話邊個要走個陣
全場都彌漫一股唔開心既氣氛
臨放學前,我地去更衣室換衫,然後坐車去中環碼頭
我好耐冇坐過船啦@@!
我地坐慢船但坐豪華位
成個過程都幾悶,坐係到傾下計
一路嘆泠氣,一路望住個海
落船,一出黎個陣真係好熱,好想即卡番入去= =!
我地先去百街到買下野,入面真係好涼,涼爆!!!!
買完野後開始上路去camp地啦
本來一開始冇乜野,但係後來就慘啦
camp地係位於一個山丘上,換言之,即係我地要上斜路!
我都唔記得行斜路行左幾耐
只記得個段路好漫長.....................
當踏入大堂個陣有d萼然,冇泠氣既- -真係夠環保,岩哂死痰罐!
分房先,我同伍長,ken一間4人房
真係好好,一來對3人黎講有空間感,二來我地3個人一齊應該好清靜,三來我地唔會攪到間房成個垃圾崗咁
呢3點係兔仔間房黎講完全相反,後來有少少慶幸冇同佢地一間
今日本來要做既營內定向,王xx都話好熱,唔定啦咁取消
番到房個個都沖涼同洗衫
本來預左第2日先著既衫要拎出黎著.......
去到6點食飯,原本定為燒野食,後來王xx話太多蚊頂唔順,行左過去又要番番去
唯有叫廚房就咁整熟哂d野食就咁食
開餐前,王xx夫婦話已經係基督徒,要飯前祈禱
但佢地話我信得耐過佢地,要我黎領禱
有d緊張,身平第一次領眾人祈禱
我一輪嘴向神說話,我知道所有人都好想快d呀們然後食野
呀們個一下真係好大聲,佢地應該好肚餓啦....
真係飽,夜晚所有人落去愛暉營到打波
我當然係到睇佢地打波啦,咁鬼熱!
因為呢幾日好熱,所以佢地個個都除哂衫黎打
王xx同我講:影哂佢地然後post上fb,我已經影左一d,但未post......
個個見我坐係到都過來叫我看野
第一個叫就係鄭經瀚,哈哈,王xx當面諷刺佢話:你一個人咁寂寞坐係到佢地唔會關心你架.........
鄭經瀚就話,等等就關心佢......
如果佢講夜晚先關心佢,呢句話變成咩意思呢?
最後同達達兩個人一齊番去
通去明暉條路有d黑,話哂都算係山路嘛,路燈又少,條路又斜.....
上番去去達達間房(即兔房),我係到睇蒲松齡,佢就坐係到玩psp
良久,佢地打完波番黎,我地之後玩戰國風雲呢副棋
我唔詳細講解點玩,好玩既地方就係成日講數.........
我決定今次係用平常心玩,唔會好似上次咁執著
我又係同上次咁霸住亞洲,今次同瀚同盟,之後我地形勢下滑,期間艾爾不斷要我加盟佢地
仲出動到個5隻字:我地係(xxxxx),瀚好似有d反感= =最後都係輸左
不過今次陸浩冇背叛我,好,我仲當佢係fd!
玩完後,大家都累,我番房澡個涼,就訓覺啦
訓覺個陣伍長又不斷咁同我傾計,內容係關於佢上一次戀愛時既野
冇幾耐真係訓左
第2朝,我係最早起身既一個,起身攪左一輪後就落去食早餐
麻麻地,一舊包,一碟炒蛋,水浸通粉,豆奶..........
後來查過網頁,呢餐要13蚊,你想佢幾好味?
食緊既時候,兔仔佢地都仲未落來,王xx就係到話佢
呢個時候我打電話俾佢,我突然俾王xx講,唔知艾爾係咪驚得滯
一聽到王xx把聲即卡cut線,呢到好好笑
最後因為佢地太遲來索性唔食野添
王xx話佢地要負責全日既執枱工作
食完先自由活動一陣,我又去達間房,咁岩做緊女王直播室
食完午餐後開始玩掌門人遊戲
我係最早到果個,王xx突然要我幫手整水彈,佢話黎做大懲罰喎= =
首先第1個game:口不對心,呢個我有份出戰,但都係不戰而勝
之後一路係遊戲我地分數都係低分果類
後期我地開始追番上
最後一鋪估估畫畫我地唔洗包尾
即係兔仔個組要俾人扔水彈
處刑個陣,王xx話某d人唔洗唔洗
最後後淨番軒同兔要俾人扔,哈哈,真係一個好好既回憶
晚餐過後,我地行夜街
本來同兔仔一齊,行行下撞到王xx一班人,之後想跟住佢地
原來佢地一路搵緊一間叫師妹甜品既店
可惜好難搵到,最後去左一間叫天然既甜品店
王xx係成個過程一路都唔放棄,唔死心咁一路搵
就算去到天然都出一出再搵,結果俾佢搵到
http://www.openrice.com/restaurant/sr2.htm?shopid=11610
你地睇下間舖面?好似唔想俾人搵到咁!
王xx話,抵佢冇一單生意做,我心裡都同意咁話
http://www.openrice.com/restaurant/sr2.htm?shopid=22614
呢間就係我地去個間
呢間都幾好!
呢一餐加加埋埋成百幾蚊!
我叫既個杯芒果冰,從來未飲過咁好飲
好d幸福感覺,因為呢餐係師太請既
不過最估唔到就係王xx係會食榴槤既人
食完之後番上去百佳等一等,之後後上camp地
今次上去係一路冇休息過,換黎既係件衫出水咁制同超累
覺得自己好叻仔
番到去即卡換衫澡涼,玩多次戰地風雲
一開始鄭經瀚要同我爭南美,可惜俾先我攻到佢.........
佢後來都冇心機玩= =!
之後我霸埋et最後生存餘地-----北美
不過到最後我都係輸左.....
輸左,即卡番房訓覺,番到房,佢地兩個已經訓左
我都唔出聲...........................................(我記得伍長好似係呢個時候欲言又止,唔知係咪錯覺)
最後一日朝早,我係最遲起身果 個,不過距離食早餐時間仲有好耐
呢段時間執埋包袱等等
今次早餐兔仔佢地終於冇遲到!!!!!!!
之後既職業話劇,大部分男仔都係無心亂做
我地好好彩,有師太指導............................
講真,我覺得我今次仍然做得唔好,冇我想要既效果
但比中二個次好好多
女仔個到真係好好,師太仲讚雞泡好有急智之類
最後玩多陣就落山坐船,豪華位真係好多人坐
多到d職員都話唔可以直接買豪華位,只可以買普通位
有空位先可以補飛上豪華位
呢個時候我仲掛住個杯芒果冰= =!
總結/感受:今次旅程,真係好純ha
不過最學到野就係師太周不時叫人聽佢(訓話)
佢成日講一d同凡地將來前途好有深度既野
同埋佢講野好有道理,例如兔仔,馬騮同軒染金毛
王xx就只係講唔準染,染左成個av男優咁,之類
但係師太個話,唔同場合有唔同儀容,同埋要睇有冇咁既需要,之類
顯然王xx比師太好..........唔知點講
師太又講一d將來想做咩職業,要點點,唔係講成績,因為成績只係第一個睇既條件
打後仲有好多條件要睇,ken話要做賊,師太就話,除左錢
仲有睇下份工對你黎講有冇意義,同埋乎唔乎合道德
佢又就王xx搵師妹甜品單野講
話王xx可以大膽周圍問人,但係同行既同學,只係得一個問左一個人
跟住又講左好多道理
又講佢細個係邊到黎,成長以來點努力,都造 俾我聽
我有用心聽架,我份人就係咁,好鐘意聽人地講呢d野
今次camp除左純玩,就有呢d野學
陸浩俾佢教真係有福了
師太教陸浩英文,人佢英文作文就合格啦
俾佢教有呢d野聽下,幾好!
如果(吾惠)都係呢d人你話幾好!
最後要感謝主一路帶住我camp裡面玩
又帶領住佢兩公婆搞camp時面對困難! |
2010 年 6 月 28 日 星期一  |
| 方舟佈道會/教會旅行/對卷 |
分類: 未分類 |
話說係呢一日,落雨
出發去學校果陣都幾狼狽
果日去到學校,我先知道,成團人得我同tony係男仔
有d後悔去....
估唔到我地架車咁富貴,行大欖隧道
先到機場,去2號客運大樓
果到好多野睇,影左好多相,詳情去相簿到自己睇
星期6既方舟不是神話佈道大會好震撼
入去個陣要先行一段好長既路
行到最尾,攞住飛入場,入場前要先檢查
原來想搜我背囊有冇攝影機之類既野
好彩我擺左落褲袋到佢冇查姐!
入到去,要行好遠搵番我地買左個位
我地真係好,我地張飛雖然係最平,不過位置好近個台!
內容方面幾好,但關於方舟『絕密片段』既時間好少
聽到d方舟探索人員話好辛苦,而且係極易發生意外
冒生命危險去做呢件事,個攀山專家講
話d山波最斜有成70至80幾度,相當險要
最後發現到方舟
同時我係到諗,傳福音既辛勞拍馬都追唔上搵方舟
係到諗,我可以為佢做d咩野呢?
最後係呢場佈道會我見到有好多人出去決志
真係好想開心,如果我未決志我都一定會去決
散場,番去架車到諗,好彩我有黎姐
--------------------------------------------------------------------------------
琴日朝早好早起身,原因係因為隻德
我約左佢9點,但係,佢冇黎
我係到呆等三四個字到
直到我唔等佢走人個刻,我心裡滿有希望佢黎左
該死的,你唔想黎咪打俾我囉,點解要人係企到等你呀
正一係負心漢!(佢負左我以為佢會黎到錦光既心!)
難道琴日落雨,代表倒楣的日子?
琴日幾開心,張彥博 張致恒幾地黎到我地教會
唔知琴日做咩事,琴日突然有好多人舉手決志
食完麵,開始上車旅行,第一個景點係去石澳個涼亭
推薦大家.....................................唔好去
因為果到要上斜路,又要行勁多樓梯....
第二個景點,就係永利街,俾個導遊昆左,
原本有捷徑可以去到,不過個導遊帶我地兜大圈,又要上樓梯
同埋呢,永利街冇野好睇,想睇?大家睇歲月神偷係咁以睇睇算了
第三個景點,山頂,呢到,唔洗再多講,相信個個一定去好多次
特別要講就係個陣好大霧,我連凌霄閣下面望上去凌霄閣頂都唔清楚
今日呢個團,減肥團...........主你要我減肥?
--------------------------------------------------------------------------------------
今日對卷喔,又落大雨,今日又係達達生日,祝福佢
中文作文,閱讀,唔合格,前面個甩底王仲係到串d低分過佢既,厭惡!
英文,全軍覆沒,但總算唔難睇,唔係空白一片
經濟mc合格,問答唔合格....
今日本來同艾一齊,不過放學時隔離班該死的過黎搶遮
搞到佢濕哂,好似林峰咁(佢之前唱過李峰既歌 )
我自己一個去勝利牛丸到食丸腩麵
個陣仲係好大雨,我走到入呢間勝利牛丸到
裡面既人都掛住食野,得店員注意到我既存在
我坐左係牆邊位,睇住出面雨景係到食
偶然有一兩個人入來加入
翼都有人走
我食完,俾埋錢,靜靜咁番屋企
聽日請左假,睇我細佬既畢業禮
係同一間學校,同一個地方,我同我細佬調換左角色............................................ |
« | 15 | 16 | 17 | 18 | 19 | 20 | 21 | 22 | 23 | 24 | ... | 139 | »
|
