今日係年終考試最後一日考試

同上次一樣,又係好開心

人地學校已經考完好耐,仲對埋卷啦

我份人真係幾衰格,有d緊張考試成績

但係每日都冇溫書,尤其係琴日既經濟科

今日英文作文,明明有d野係可以溫架

都唔溫,物理都係咁........................

我份人,真係冇得救!

今日要冇溫書狀態出戰

本以為腦海同作文紙都係一片空白

但係part A我竟然寫滿哂200字

到左part B,我都可以作到百幾字

可能我心裡唔想衰俾(吾惠)睇呱

又或者係主幫左我一把

小息個陣,撞到何老野,佢提醒我星期6係去挪亞方舟佈道會

我嚇左一下嚇,先記得原來係今個星期6

我仲約左德德星期6番添

之後又發現,星期日教會旅行,又唔記得左

所以我近派真係多活動...........

岩岩隻(楊偉哥),又叫我聽日陪佢出旺角買衫

聽日好叫左隻艾爾陪我同大球場跑

唔知佢會唔會黎架...........

考試完左,本來以為好輕鬆,乜煩惱都暫時走哂

點知衣家要為我既節目同活動煩惱

唉,我究竟開心定喊好＝　＝？

呢隻歌又係無意中搵到

好切合我衣家考完試既心情

上個星期,有兩日唔洗番學

好似好多假放咁,搞到我個人好似鬆哂咁

都好既,偶爾俾自己輕鬆下

衣家係考試時期,睇我個款好似我鬆容,唔關心咁

其實心裡都有壓力,係俾平時大添

可能咁樣,近派考試每朝都肚痛

如果我肚痛係由壓力產生既話,咁我可能患左腸易激綜合症

尤其今朝,唔知點解考聆聽黎先痛

好難專注到

我係個陣祈禱

之後幾分鐘真係唔痛,現在真的很感謝主!

不過因為我用左唔少體力去忍受

後期已經感到有d虛脫狀態,仲冇做一part添

放學了,又同艾去搵食,點知撞到陽偉哥,雞康等人

一齊去新寶食飯

食飯期間佢地係到講教會d野

陽偉哥一路想叫我去佢間福音中心到夾band

佢話宣傳單寫$300 9堂,實質上之後你番幾多次都得

又話佢個間教會最缺歌手...........

葉英倫話佢番個間好有家庭feel

好隨和,聽講道之後唱下歌,食d野後又團契

聽到佢咁真係好想去一次睇下

呢間教會仲要係我家姐屋企個棟樓添!

唔知點解會突然聽到呢d訊息呢?

係神想俾幾個選擇我考慮定係想我離開錦光?

或者係魔鬼試探?

呢個問題,我有同神禱告過,希望佢快d俾答覆我

因為冇d事,艾爾由新寶追到我屋企樓下

個下真係好刺激,以前發夢有時俾唔知乜野追

係街上逃跑,真係刺激

同埋一樣好慶幸,就係艾爾一路捉唔到我

可能佢咩住野呱

近呢幾日,陸續聽到有人話係街上俾人傳福音

係唔係神要暗示要我傳福音?

我試過諗,我仲細嘛,大個d先啦

之後無啦啦睇到一段經文

(耶和華對我說:"你不要說 我是年幼的', 因為我差遣你到誰那裡去,你都要去; 我吩咐你說甚麼話,你都要說。)耶利米書一章7節

知到呢句後得啖笑

神對我講左句咁重負擔既說話

好!我禱告說,等我專注左學業先

如果我係神都氣結啦!

聽日考英文閱讀啦

雖然呢科又係預左唔得,但都唔好太夜訓

今日講到呢到

岩岩突如其來咁見到伍長打blog

驚覺自己好耐冇打過blog= =!

學(吾惠)話齋,伶個人都係有惰性的!

近年唔知點解,逢考試既時段,都會發病

感冒,咳嗽,鼻水,頭暈,頭痛,等等症狀都會是但走一個出黎

唔知,考試成績差可唔可以懶哂落病到呢?

近年學校唔知咩事,要我地呢屆既學生係禮堂考

好似考緊公開試咁.凝做左一個緊張既氣氛

係呢個咁肅靜既地方,生懷疾病既同學就慘囉

因為(腎)鼻水,咳一聲既聲音會全世界都聽到

係呢個情況下你就忍住唔咳同(腎)鼻水

忍呢其中一樣野已經夠辛苦了

頭暈頭痛更令你集中唔到精神

無辦法專心考試,以上既描述,我全都經歷過,就係上年啦

先講講考試科目情況先

上禮拜既數學科,又係同上學期既一樣難!

前日既中文閱讀,幾好呀,但有兩條唔識,應該可以合格!

英文聆聽個陣,學校既設施真係殘舊

部機發生好多故障,又停下,又跳下,又疾下咁

搞到好多人都唔知發生咩事,唔知聽到邊!!!!!

引用我係facebook的留言:佢咁樣好處就係part A寫哂野
                                              壞處就係搞到我冇咩心情
                                              搞到我後面part B聽唔到
                                              雖然預左唔合格
                                              但真係唔抵嘛......

琴日既中作,有3條題目,分別係:日記,廣告,勸告信

廣告,真係好難揀到一個黎寫,勸告信就別說了

我揀了大部份人都會揀既題目,日記

日記就係有個人打左一段blog,題目叫你去續寫

大概話(我)今日發生一d意料之外既事,心有餘悸.......

最後,我諗番起係3C既一件事

呢件事聽聞全班已經知道哂,只係默不作聲咁解

我一路諗呢單野,一路寫左編同呢單野相似既小風波!

到衣家我都唔知邊個岩邊個錯.......

接下來既組合生物,我真的好放鬆

呢個係根據以往測驗既經驗......

根據上次測驗既經驗,我先做左問答題

最後時間岩岩好,成份卷做哂

有兩題唔識.......

其中就係絨毛裡既微血管吸收過多氨基酸,微血管會點樣?

睇到呢條問題既高手,請入黎留cm指導小弟!!!!!

聽日就要考通識啦,通識麻煩之處就係要渣住幾個重點然後大造文章

所以我不太鐘意通識

之後仲有英作,經濟呢d科,真係唔想面對呢!

等等要被教會姐姐拉了去組聚

去個到跪,對腳又要受罪了

琴日個心諗

『係就係我有d認同無神論講既野

但係我堅信就係祈禱後所發生既巧恰事情絕對唔會係巧恰!!!!!!

淨係呢樣野就已經話俾我知,神係真架

係差在我冇實質感覺』

琴日就係諗一諗呢樣野姐

琴日夜晚教會姐姐打黎叫我去感受一下神

我係到怪責自己諗咁多做咩

大好係一個考試中既輕鬆假期就咁冇左一半

你地要為我祈禱既事,就係我番到來唔好周身散哂......