話說今日要番學校睇中五中７既畢業禮
呢個係學校逼架
真正理由好簡單，如果我地唔去，咁就冇人充撐場面嘛！
所以我對呢間學校真係冇咩歸屬感！
通告明明話要９點９前番
但係有大半班人都超過呢個時間先番
最令人氣結既，就係畢業禮係１１點先正式開始！
早知唔咁早番黎啦！
每逢呢類集會同第4代旋蜂王一齊坐
都覺得有點煩人
畢業禮,百感交集既一個儀式
除左開心之外,亦都係離別哀愁既時候
走既係呢班中五中7姐!
我又唔識佢地,做咩又會兜得好傷感呢?
我就係咁,情緒好容易俾人牽動
上錦巴個陣.我透過一件好瑣碎既小事,發現到我係一個好小心眼既人
點解?原因係因為我心裡面湧現起一d好不滿既諗法
佢唔同我坐渣嘛,有咩問題姐,咁咪仲好!我自己一人坐寧靜d
個陣時我不斷用呢d(解釋)黎安慰自己心緒
但係同時,我隻眼一路望住閃過既道路
一路諗緊呢d想法,雖然話就話幼稚園同學
但係都係佢單方面個出黎
唔怕講,我一早就唔記得左你
對幼稚園既記憶已經變得好零碎
同埋佢都可能對我印象唔深刻
只係記得我塊面而已
但係隻兔呢?對面屋,鄰居嘛
性格嗜好又夾,又經想過踐面屋企溝通,玩!
相比起6年冇見既幼稚園同學,友誼又深得去邊呢?
呢d想法不斷湧出黎,但我已經唔想再諗
講到尾,我心裡其實好介意
每逢遇到介意既事,心裡總係咁話
算啦,做下好心幫下人啦
學年初都冇乜野,但係近來呢幾個月
有好多野都覺得好唔順眼,介意...
最後,我係食大家樂個站到落車
我仍然要以平常心去說再見
兔仔話:你唔同我地一齊打波咩
我唔知點答佢好,我答:(唔打啦,好累),然後速速走人
逛了兩間食肆,都滿哂人,最後係kfc到外賣番屋企食
岩岩睇完伍長既blog,佢為左做小小既善事
居然走去m記排兩個字隊(他本人好討厭排隊買野食)
去買野食找錢去捐錢
佢話(我拒絕要捐款貼紙)
或許,我其實係為左支旗(捐款貼紙)去捐錢的
個呀婆貼落我個身到貼唔穩
跑車時趺左,上到車發現唔見左
心裡是,係出現左介意!
總結黎講,我發覺,其實我好醜惡!
本來今日同聽日都唔番教會架
但係教會姐姐係我睇荃加福祿壽時打黎
真係唔想聽!!!!!
叫我聽日番,我逼於無奈聽日又要早起身了
放佢飛機,好唔好?
連呢d諗法都有埋
我愈來愈壞了!
|
