長洲 ---世界那樣大                                                   2009 年 5 月 17 日  星期日       連放星期5下晝、星期6日， 星期5夜晚同左久違既BEA training同學食壽司， 壽司就唔係咁好食喇，不過珍惜同你地一齊既時間。 有時覺得好奇怪，我地都會對自己第一份工作，認識既人同事特別珍惜。 記得果時大家都係岩岩畢業， 大家一齊日日坐車返apm，然後聽胡sir講野聽到訓晒覺。 不經不覺3年，好感激大家總會熱心約出黎........   然後搭車去上環再去柴灣，因為星期6日去長洲， 全程竟然係我不停係咁叫食野， 食左好好食既上海野，我覺得絕對係好食過海鮮。         去左學踩單車， 一個鐘頭唔洗就學識喇，yeah！而且最重要係我無跌過!!!(懶叻咁!!!!旁邊幾歲既妹妹踩得仲叻) 借單車比我果個阿叔都讚我呀!!!   然後去左掃街， 大大粒既魚蛋、紅豆餅、一大串既薯片，夜晚仲要食海鮮，再之後仲要食碗仔翅、腸粉做宵夜。        第2朝去左曬太陽、玩水再踩單車， 踩左一大段路，其實仲想踩耐d，不過真係好曬......   踩果段路，沿路既風景都好靚ga！   走之前食左好好味既魚蛋粉同甜品， 我覺得Dave既朱古力蛋糕好食d。   今次去長洲好開心，其實之前已經去過好多好多次， 不過今次係最開心，好想下次再去過， 或者係去其他既地方。   多謝你呀，其實如果我學識踩單車，我最想都係你教識我。