其實呢，點解D幼稚園要久唔時就要求學生交D"親子DIY功課"呢?!?!

到底係覺得D家長好得閒丫，定係覺得咁樣真係可以令父母同子女溝通多D呢。。。真令人廢解！

不過唔明歸唔明，都係一定要做架啦！ 樂觀D面對啦！

ﾟ･*:.｡..｡.:*･ﾟﾟ･*:.｡..｡.:*･ﾟ ﾟ･*:.｡..｡.:*･ﾟﾟ･*:.｡..｡.:*･ﾟ ﾟ･*:.｡..｡.:*･ﾟﾟ･*:.｡..｡.:*･ﾟ

喺云云親子DIY功課，哩個可以話係我同囡囡最鍾意嘅作品

囡囡K1時復活節親子DIY功課，要環保、仲要以遊樂場做主題。。。「蛋蛋樂園」

一開始做哩個功課，我就先要囡囡諗下佢想個遊樂場要有Ｄ咩玩，

佢真係諗得勁好天馬行空，要有游池、過山車、摩天輪、氹氹轉、火車、飛機。。。

唔好睇少小朋友嘅想像力呀，好驚人架！

（心諗：小姐唔好玩啦！個遊樂場好大咩 ）

哩個時候我就話番比佢知個模型地方有限無可能擺得哂咁多嘢，

再者就係要慢慢引導佢諗番自己去過嘅遊樂場有D咩，再從中揀選幾樣嚟整。

幾經相討，就出現咗哩個成品喇！

ﾟ･*:.｡..｡.:*･ﾟﾟ･*:.｡..｡.:*･ﾟ ﾟ･*:.｡..｡.:*･ﾟﾟ･*:.｡..｡.:*･ﾟ ﾟ･*:.｡..｡.:*･ﾟﾟ･*:.｡..｡.:*･ﾟ

其實依家諗番當日一齊研究個遊樂場嘅一點一滴，又確係好溫馨、好開心呢

總算明白當日學校要求我哋一齊做哩份功課嘅原因，回憶無價！

◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇

『各位媽媽，記住一樣嘢。。。

喺做哩D咁creative嘅功課時，就算小朋友所講所想嘅嘢係幾唔合邏輯、幾無理都好，

千其唔好直接band佢，因為咁樣會令小朋友唔夠膽將內心所諗所懋講出嚟架！

久而久之，小朋友就會變得無哂自信架喇！』