笑笑笑笑笑笑....有咩咁好笑???

隻腳細有咩咁好笑???我隻腳有Gamova咁大就真係好好笑喇!!!

由酒店開始Natasha,巴渣妹,Tanya已經虎視眈眈我隻腳,巴渣妹仲要同Natasha密密斟隻腳size...迫埋一個細電梯仔,有成9個人0係入面....個個成1米9高,個patpat就對住我塊面(誇左少少).....

到去觀光....又唔專心聽個導遊講野,Tanya同Fedor又要虎視眈眈我隻腳,Fedor開口仲話"чуть чуть",加埋動作....真係好鬼死衰呀!呢樣都不特止,仲要叫Zhenya...你個衰人Fedor....枉我0係人地個呀媽面前讚你......Zhenya又show Fedor咁先激死我無山拜....

行到咁上下...又曬又熱....戴住條頭巾兼煮餸圍巾巳經熱死左一大半,Natasha又無啦啦發口痕叫我個名....之後又陰陰咀咁笑.....

好彩過後冇人再笑......

點解我要多謝人地個呀媽?因為唔係多得人地個呀媽,我諗我呢世都唔知個名寸法係點囉...又唔係多得人地個呀媽,我又點知人地鍾意食咩??點解要人地個呀媽答?又點解要問人地個呀媽?因為人地貴人多忘事嘛!!人地d呀媽最唔話得架啦,問咩答咩....因為人地d呀媽真係好欣賞我地呢傻人...願打願捱....

我真係想問下人地個呀媽,d相係咪真係咁樣衰...我估人地個呀媽一定答唔係囉!

真係想知係咪內地人對尊重同知識產權缺乏認知?

話說有一個內地人,佢聲稱有一個朋友從唔知咩既途徑拎到一d球員既相片(咁當然我知d相0係邊度偷啦),之後就send左比呢位內地人(我叫佢做A),A君二話不說就直接post上公共forum(0係一個排球forum),事後我從朋友中得知,就同A君傾下計...問佢做咩post球員既相,A君就話玩下0者....我當堂咀都O埋....真係唔知有咩咁好玩....佢再講,我見d相又唔係身體裸露,都係一d普通相就冇理直接post上forum...

從以上佢既答案得知,如果照咁講,即係有人比100萬佢,話d錢係某一度地方拎既,佢覺得唔係污穢錢,都係一d普通常見事0者,冇埋就直接駛左d錢去.....點知有人好心勸告,話咁做係唔岩,佢就話玩下0者.....

即係對方將d相post上album/自己blog都好,就算你想轉貼/share,都要問過當事人肯唔肯先可以做...私人欣賞都還ok,但未問就post人地d相上去知唔知對方有咩感受架?唔係話身體裸唔裸露就可以post...重點係未經當事人同意....點解仲可以狡辨????

今次講隊中既camera women係邊個先....其實我會分場內同場外2 part,因為都有唔同球員有唔同反應

譬如: Tanya Kosheleva咁,佢無論場內外都對鏡頭好敏感,即係你拎住部機對佢,佢就對住你部機擺pose同笑到甜既笑容回應你,所以camera對住佢實影到好多佢甜美搞鬼既相!!

另外Lena Murtazaeva都好鍾意鏡頭對佢,佢又係會做d搞鬼動作,拍佢都收穫唔少....

Marina Sheshenina又係鏡頭對佢就笑到好燦爛,不論massage緊,training緊,定比賽緊...

Natasha Goncharova就一時時,佢知有鏡頭捕住佢,佢又突登唔望你,但時不時佢眼尾稍下你,一捕到佢,佢就微微咀笑....好抵死....

Katya Gamova就場內外都cool既,一般正經樣,不過到Opening Ceremony/Awarding Ceremony就好開心比你任影...雖則可能大家話咁係因為開心0者,有邊個驘果刻係黑面架....Katya係特別少少,佢唔會個個都比你任影,場下,佢refuse過唔少球迷既影相環節....

Lusia Malofeeva,佢同Natasha都差唔多....就算我叫佢多d望下鏡頭,佢都係避開...尤其佢中段time out緊warm up時,明明係見住你影,佢就即刻閃開望開去第二度....有時佢唔覺意望左我個鏡頭,佢都即刻閃開...但佢又唔係唔鍾意鏡頭對住佢,可能打波就正正經經啦....

其他球員就不過不失,又唔會話特登望下鏡頭,但需要既時侯,佢地甚多主動,值得一讚!!

近排無聊,諗起Tischenko 0係FIVB做野,不如就問下佢關於排球野啦....不過講講下由比意見佢,到大家淨係圍繞講俄羅斯隊都相當搞笑...詳細就唔多講,不便公開內容....唯一可提既係Liza姐非常欣賞Kosheleva,指日可待咁話....其實Tanya就真係進步左好多既,07年都仲係後備咁滯(當時有Sokolova,Godina,Gamova 3個),而且果時佢又唔係＋分標青....不過09年佢就差唔多係attacker正選...越打越好...都將會係俄羅斯隊既重心球員!!

11月世錦Liza姐都話會去日本(final),好!有機會見!