.....

10點幾好勉強咁起左身，打機，食飯，補習，打機，食飯，沖涼，訓覺

.....

尋日夜得滯冇打日記tim :(

算，就佢

今日 -----------------

12點幾先起身，對我黎講算太"早"..

起完身仲比人問候e家幾點..

起完身即刻食飯-.-

食完飯打機--鬼武者3,cs,flatout,Soldat,Pro Evolution Soccer 5

個囂張佬係咁炸我msn

乜都玩齊咁滯..

玩到3,4點就備課喇..

都係一路備一路玩電腦

點知記錯左時間-.-以為5點半..原來係早半個鐘

以常速跑過去，都夠時間..

原來今日測驗..

唔怪之的唔係今晚黎喇- -以為咁好死

書又冇帶岩，d問題又難，果2粒鐘個人好似死左咁

最慘係dicky..書帶唔岩，本來有得openｂｏｏｋ　等於冇

係門口玻璃果個見到佢好呆-.-"

對住份卷發夢

叫佢一齊交又唔知做乜推3推4.

最後都比我拉左去交卷:D

返到屋企見出奇咁見到矮人出奇地唔玩電腦

問佢點解，原來佢玩到死機，重新開機又冇密碼入.索性唔玩，係度睇電視

講到我加密碼好似我錯哂咁..

算，e家del左個密碼喇，玩飽去喇，我唔同你爭

食完飯矮仔睇咩"哥斯拉大戰機械哥斯拉"又幾好睇..

搞到我都睇埋一份，(主要係個女主角幾索 )

睇完之後沖涼，之後望返電腦除左例牌炸人個msn既囂張佬之外..

一on qq就比以長頸仔為首既戰鬥團係咁add我..(好彩佢得我qq姐msn個icq都冇-.-")

知你地西利喇，係我面前哂電話!你仲攞出黎，我o黎手就扔左去

唉，都唔知幾返見得返你地，不過梗有機會既~!

到唔知8點9點定10點，火星人同囂張佬又開始狂轟我msn叫我玩aoc

我一於奉陪，今晚同佢地一隊玩aoc竟然嬴左2次

第1次冇哂好講，嬴文明

第2次就好鬼險下

可以話係反敗為勝，話說:

開波之後冇耐，囂張佬同一個同隊既人斷左線.人地果面都有一個斷線

變成2打3既局面，情勢險惡異常

但當我出村後，對內重整軍備，整頓內政，消除貪官，對外則加緊與火星人合作

情勢自此得以改善，3國聯軍註中央島大軍開始被我和火星人聯軍殺退

3國聯軍退至自家門口，未幾，我軍追至，開始屠城，敵軍慘敗，傷亡無數，並宣佈投降，3點已降2

惟一敵方堅持戰至一兵一卒，同一時間，我軍援助部隊"城桔斯漢"已抵達

我見敵方樣子誠懇，被其真情所動，便成全他。

手臂一揮之下，無數城桔湧向敵方陣地並開始無情的屠殺

混亂中，聽到敵方將領大喊"如今敗在英雄手下，"戰神"此稱號實當之無愧"說罷，大刀一揮，整個人倒個血泊之中

(歷時524天的戰爭自此結束，主人公戰勝後被人在名前加上"戰神"二字

因其居住在台北，故人稱台北戰神蔣介石!

吹完水喇 係咁先

唉，又好無聊咁過左一日

打日記既心情都冇

係咁先

繼續等待..

早上又比人篤醒左

勁唔想落床，又驚繼續訓會比人扯開張被

跳床果時....

雙腳震到麻痺，唉->.<-心淡囉，人仔細細就周身病痛

第日唔知點算

好辛苦咁拖下拖下先入到去廁所

一路企住係度一路刷牙原來係咁辛苦架-_<

個頭都費事整高去，又煩又唔好睇，又易比人係咁伸隻埋黎摷

都係做返3,4年前係自己好d

出門唔洗講，一路行一路忍住d眼淚

仲要送埋我細佬返學，悲劇呀..

返學都冇咩好講架喇..

日日如是｜冇乜新意

好悶咁上英文，原來遲下就口試.都唔知點算

到時口啞啞咁一個字都講唔出口就唔多好喇

上完英文，直落西史--中史

火星人唔屎上中文堂..

不過rpg都冇返

個肥仔(佬?)係咁講火星人d壞話，不斷問候別人的母親

講者冇心，聽者有意，搞到我真係以為佢同呀邊個既邊個咩tim

上上下堂又比人挑逗..

仲玩偷拍..(好衰架)~

個江卓鋒係咁擺埋d白痴姿態..真係笑死人，連我自己都比人影埋.頂.

最尾果堂落左去聽捐血既講座，勁鬼悶，成班人坐左係最後果排係咁講野

我正想去驗血，唔想捐血，有個阿sir又話唔得喎..

不過最驚就係，捐血站係中央咪果度話

"某某某，你對愛滋病病毒呈陽性反應，請從速到醫療室與xxx了解有關詳情"

哩下真係死得喇~!

現附上某人照片乙張.

e~..發現黑板上面竟然有我個名..

今日放假，起身玩左一陣電腦，堅佬基叫我出黎踢波，仲叫我帶藍球=.="(我個藍球比阿媽扔左)

到1點11佢就出發我到2點4先落去接佢.,

去到華明仲要一路睇電影一路等..

見到佢著到勁鬼死極之爆炸型仔到痺，我相形見拙.

之後就好似去左添明樓下踢波，個場一個人都冇.

有人係地下發現左個藍球tim-.-"

好順手咁攞左黎打..

係度練傳波.又玩射西波

開頭我係咁篤波踢到飛哂機(唉..太耐冇踢了/.\)

堅佬見我咁可憐過返2招比我

又真係得喎!

見到自己個波可以飛到一條曲線出黎真係好鬼死興奮得黎又爽快，仲要有一球真係連堅佬都話靚

仲見到佢洗出絕技..40m彎入

...都唔知幾時先可以練到佢咁勁..

最衰係佢話自己好廢..頂佢唔順

踢多陣去左ok買野飲，堅佬問我係唔係冇錢，我冇應佢，之後佢請左我飲左一杯自由斟

我係唔係好賤..(不過個藍球我地就冇攞走，放返去原位，等物主返黎攞返去^^我係唔係好好人呢?)

一路飲野一路去雍盛，又係果鼠踢埋波添

係條走廊一人一邊對射

有幾次我射d波西到本來直飛去牆果度，點知個波d西勁到臨埋牆果時(未沾到牆)彎返出黎

果隻爽既感覺又返哂出黎

玩到5點左右果時，有2個好飛既人話玩要踢..

2人一邊對射

同堅佬一隊果個睇落去好似好勁咁，其實超廢..

我射個波比佢佢都接唔到..真係..

玩多一陣我就返屋企喇，因為要補習，堅佬即刻同我一齊走，好似驚比人打咁- -

返到屋企先知死.

本身2隻腳都唔知咩事好痛喇..

踢完波..仲痛.唉聽日(今日)返學有排痛.

到時又會比人串【純情小跛興】

補習d野唔想多講啦

希望快d可以過到喇.到時我個願望就..嘿嘿..

下次再搵阿堅佬踢波先~好正~

送上一首歌既歌詞~

黑色毛衣

作曲:周杰倫    主唱:周杰倫     填詞:周杰倫

＊一件黑色毛衣　二個人的回憶 　雨過之後　更難忘記 　忘記我還愛你 　你不用在意　流淚也只是剛好而已 　我早已經待在谷底 　我知道不能再留住你 　也知道不能沒有骨氣 　感激你　讓我擁有秋天的美麗＊ ＃看著那白色的蜻蜓　在空中忘了前進 　還能不能　重新編織 　腦海中起毛球的記憶 　再說我愛你　可能雨也不會停 　黑色毛衣　藏在哪裡 　就讓回憶永遠停在那裡＃ REPEAT＊＃＃