分類︰以字抒情
．今朝又比阿媽篤醒左．
．勁想撻返落張床度
．刷牙..隻腳唔痛喇！
．見個頭咁亂ｊｅｌｌ返去先..
．Ｄ頭髮長左好多，ＪＥＬＬ唔返以前個頭／．＼
．返到學校上左去聽ＭＩＺ ＵＰ左一大輪野，之後同阿邦去５樓買野飲
．條友又唔知見到邊個之後唔敢買－．－
．跟住我叫佢陪我去３樓攞中文書
．........竟然見到我個locker上面多左一把鎖-.-"
．瞬間..我崩潰了..
．我終於領悟到火星人個locker比人鎖既滋味...."
．估唔到咁快輪到我..真柒
．行去睇，個鎖屬於中量級，唔算太重，又係一定扯唔開
．記得之前火星人比人加上去果個鎖有訓導組３個字，但係我哩個冇
．激動之下，思想遲緩
．上返課室，悶悶不樂
．尋思當中，落課鐘響
．叫埋火星人落去睇下我個ｌｏｃｋｅｒ，見到佢陰陰咀笑－．－”頂∼．．”
．落到去呆望住把鎖，不禁低嘆一聲
．唔通係上次果條肥婆？
．鎖完火星人個ｌｏｃｋｅｒ仲唔夠，仲要鎖我果個 
．唔知點解六叔走左過黎係咁問我咩事，同佢講返喇。佢就話唔係佢果組領導生做
．唔通真係肥婆？？？
．六叔仲攞左幾把鎖匙出黎幫我開鎖．都係開唔到
．好好人呀你 
．算啦，由佢喇，去左圖書館還書，仲聽到阿邦係咁問我”你ｄ書係哂入面喎！點算呀？”
．廢事睬佢
．還完書出返黎，又同阿邦堅佬基仲有２，３個唔記左係邊個既人係度研究把鎖
．發現左鎖上面有張貼紙，上面有個印仔，係一個數字９０
．心諗，可能個鎖唔係肥婆鎖架喎
．未幾，有一柒頭慢步而至，佢開３０９０個locker唔記得左放野定攞野出黎
．就係哩個時候，阿邦發現左此人既locker冇鎖!
．我果時個心都有Ｄ疑惑，跟住就同阿邦直接問條柒頭
．”（阿邦指住個鎖）個鎖係唔係你架？”
．柒頭”（佢好似過左一陣先有反應）係呀”
．我”你仲唔快Ｄ幫我開左去”
．柒頭好似好唔願意咁，特登慢吞吞食雲吞咁開鎖
．阿邦無喇喇話”睇下有冇唔見野呀？唔係到時又賴我地”
．柒頭”我個locker都唔係用黎裝書既！”
．阿邦”LOCKER唔係用黎裝書唔通用黎裝炸彈呀？”
．柒頭無言＞＞＞＞
．開完鎖之後我當堂成個人醒哂０＿０（如果果時有人問我攞錢，我真係會比佢）
．個柒頭幾時走我唔知喇，之後同阿邦一干人等上返課室。
．點知ＫＡＩ邦上到去將件事話比阿藍，肥洋果Ｄ八仔知..
．佢地講到好大獲咁，我諗諗下，又真係好似好大獲喎∼！
．個柒頭無喇喇做咩將個鎖扣係我locker度？真係飽得滯冇野做？？
．我懷疑條柒頭係有心玩野
．見到kai邦佢地成隊人咁走落去話咩拆locker就跟埋落去睇
．應該有６，７個人落左去
．阿藍見到３０４０個locker話攞另一把鎖鎖返去
．但之後唔知邊個話踢爆個ｌｏｃｋｅｒ仲好－．－”
．肥洋自己踢先，佢隻腳臨中果時唔知比邊個人拉住，差ｄ撻左落地 
．第２腳好似都係肥洋踢，個locker冇咩動靜
．第３腳係kai邦踢，個locker凹左小小
．第４腳係阿星踢．．一野踢到成個鎖甩左出黎，個面都陷左落去 
（真係足球隊隊員．．）
．第５腳係翁啟藍，比之前果４條變態友踢到鬆哂之後，終於連鎖踢到個locker甩蓋
．我見住佢地咁樣踢真係爽到爆，ｅ家仲回味無窮
．踢完之後一齊沖返上班房，諗住第２個小息再搵果條柒頭黎嘈
．上咩課？唔記得左ｌｕ．．．
．第２個小息，落左去，見唔到條柒頭出黎。
．我又走左去圖書館借左本小丸子（粉好睇的說）．．
．出返黎等多一陣，終於見條柒頭浦頭，佢係遠處見到自己個locker比人搞到咁
．好似話”locker都比人踢凹埋?”語氣帶有小小無奈．．
．kai邦同藍見到佢就叫"前面果個四眼仔，停係度" "叫你呀!仲走"
．條柒頭走都走唔切．．
．阿邦好似追左上去，發現左佢係３ｄ班既
．成班人話放學再去嘈過
．到食飯果時kai邦係咁同人分享佢頭先既經歷..
．食完返學∼
．上完地理．．
．到生育．．做班長真係衰，多多野要收－．－，ｄ人又唔交比我，我都廢事去追
．放學喇∼
．以為佢地真係去嘈喇，點知走左幾個人喎，之後都算喇，放條柒頭一馬喇
．火星人去左補課（．）＿（．）
．不過，阿扒，堅佬基，青王，陪我返屋企
．返到屋企，個ｑｑ又比人炸。．．．
．玩左陣電腦．去左補習
．補完習返黎果時去左雍盛街市買左煎炸３寶黎食．．５蚊得３件．．２條腸．１件薯餅
．食完返堅企又要食飯，食完又要飲我最僧既魚湯
．之後又食士多啤利，本來仲想食埋桔仔架∼！但係太飽喇／．＼
．跟住又打機。
．ｅ家個肚好痛tim-.-"都唔知係唔果D煎炸三寶有毒..頂...好痛...
．前幾日真係借左本叫午夜凶鈴既書．．
Title●屍牲銅落逸 
Date ●23-12-2005 
唔知既我
