﹂》今日考左經濟!結果係點就不予評論

-----------------------------------------------------------------

﹂》聽日就係英文既大日子

﹂》亦都係死亡來臨之時

-----------------------------------------------------------------

﹂》最近睇左一份非正式統計,,,,

﹂》每屆12萬個會考生入面,,平均每次都有8萬5千個考生陣亡

﹂》陣亡率高達70.83333333333333%比二次大戰既德國陣亡數仲高

﹂》希望大家唔好做陣亡既人!!!!!!!

﹂》寧當炮灰,毋做烈士

﹂》會考上半場已經完結

﹂》雖然係上半場...但係只係考左2科半...下半場仲要考4科半丫!

--------------------------------------------------------------------

﹂》哩2日考完中文之後,會考生既反應都好極端下...有d人話容易到好似侮辱緊佢地智慧咁,又有人話份卷極之喪爆超級難

--------------------------------------------------------------------

﹂》咁好彩..哩2日中文考試我都抽中係粉官考返,仲要係返自己課室度考!!5A班

﹂》我發現左樣野....唔知點解見親D會考生..個樣好似廿幾歲咁(自修生都冇多丫化!?)行埋佢地身邊,簡直以為自己係小學生

﹂》亦都發現...我讀左咁多年粉官...考中文果2日應該係粉官最多靚女雲集既時刻XD

--------------------------------------------------------------------

> 1.叫咩名: 楚興/興兄/Hing
> 2.幾多歲:16歲半
> 3.住響咩區: 北區粉嶺
> 4.一日沖幾多次涼:1
> 5.有冇跌過身份證:有,比個好心人執返
> 6.有冇上過咸網:唔上
> 7.扑XANGA定係BLOG:blog
> 8.有冇釘環:冇
> 9.單眼皮定雙眼皮:單眼皮
> 10.有冇戴眼鏡:冇
>
>
> [最愛的...]
>
> 21.小動作:曲著隻腳黎坐.
> 22.雜誌:亞洲週刊
> 23.ARTIST:畢比特,謝拉畢查
> 24.歌手:張學友,周杰倫,李克勤,濱崎步
> 25.SONG:seasons,幾許風雨,黑色毛衣
> 26.FOOD:朱古力,豆沙包
> 27.DRINK:草莓汁
> 28.劇集:沒有
> 29.電影:戰狼300,搏擊會,舒特拉的名單
> 30.睡姿:仰臥
> 31.國家:西藏,蒙古,滿州,(中國d邊位)日本,英國,法國,德國
> 32.口頭禪:搞錯
> 33.朋友:very many
> 34.人:我
> 35.報紙:咩都睇
> 36.牌子:雜牌
> 37.生果:橙
> 38.顏色:黑,白,藍
> 39.WEATHER:毛雨
> 40.GAME:軒轅劍3,軒轅劍3外傳天之痕(唯一令我感動既game)
>
> [選擇題...]
>
> 41.側田 OR 周國賢:唔揀
> 42.JANICE OR 王苑芝:揀返姓王既XD
> 43.曾蔭權 OR 董建華:曾蔭權
> 44.黃偉文 OR 林夕:林夕
> 45.菠蘿包 OR 雞尾包:不喜歡這些包
> 46.聖誕假 OR 暑假:暑假
> 47.寫信 OR EMAIL:寫信
> 48.地鐵 OR 小巴:地鐵
> 49.PUMA OR ADIDAS:ADIDAS
> 50.古巨基 OR 陳奕迅:陳奕迅
> 51.百佳 OR 惠康:惠康
> 52.7-11 OR O.K.:O.K.
> 53.WATSONS OR 萬寧:萬寧
> 54.奶茶 OR 咖啡:奶
> 55.楊千嬅 OR 容祖兒:楊千嬅
>
> [LOVE...]
>
> 56.初戀發生左未:未
> 57.拍過幾多次拖:光棍
> 58.你最鐘意邊個,依家大嗌出黎:係你勒喂!!!!
> 59.你係咪一個好既LOVER:未知
> 60.拍拖係你諗節目定留返俾LOVER:未知
> 61.鐘意行街拍拖定響屋企拍拖:未知
> 62.想要一個點既情人:高,大,純
> 63.想幾多歲結婚:before 30 year old
> 64.西式婚禮定係中式婚宴:到時先決定
> 65.隆重既婚禮定係簡單低調:到時先決定
>
> [SCHOOL LIFE...]
>
> 66.有冇試過唔合格:小學未試過合格
> 67.最鐘意邊個老師:暫沒
> 68.最憎邊個老師:暫沒
> 69.最鐘意既科目:中國歷史,西界歷史
> 70.最憎既科目:數學
> 71.有冇玩黑板:有
> 72.出街食定響學校食 LUNCH:出去食
> 73.幾點放學:3:10
> 74.幾點放LUNCH:12:45
> 75.放左學去邊:無特定
> 76.係咪經常遲到:不是
> 77.有冇咋病去SICK ROOM唔上堂:冇
> 78.有冇咋肚痛去TOILET唔上堂:冇
> 79.上堂最鐘意做咩:睇書,上網
> 80.學校俾唔俾帶電話:俾
>
> [FRIENDS...]
> 81.最搞笑:六叔,青王,
> 82.最白痴:同上
> 83.最可愛:同上
> 84.最無知:同上
> 85.最矇下矇下:老馬
> 86.最吹水唔抹嘴:kai邦
> 87.最講過唔算數:我掛-.-
> 88.最叻:太多人叻過我..我都唔知點決定
> 89.最似大姐/大佬:大姐:黃小妹,大佬:林志靈
> 90.最型:光哥同黃longlong XD
> 91.最靚仔:大把(除自己)
> 92.最靚女:好似冇
> 93.最串嘴:唔知,正係知我成日俾人串
> 94.最坦白:好似冇一個人坦白...
> 95.最多野講:六叔,燒,kai邦,
> 96.最鐘意傾心事:All's girl
> 97.最冇時間觀念:好多人都冇
> 98.最細膽:個個都膽大包天
> 99.最姣:我都想識個
> 100.最成熟:乃材掛...

P.S.點人方面呢...大家想做就做喇,我唔指名勒

係度多謝kakin先,事關份野我未做已經點左佢...仲要做得快過我

﹂》終於考左歷史同地理2科死人科勒!!!!!!

﹂》科歷史本身就最有信心既

﹂》去度考試果日,終於感到會考既壓力...

﹂》因為壓力既關係令到我既分析能力變弱...(本身已經唔強)

﹂》考完歷史科之後,返屋企上下d討論區,見到今屆歷史科好鬼多人去討論

﹂》係討論區度見到好多成績比較差既人問問題,,但係有更多強人答佢地既問題

﹂》之後見到個post投票話"覺得自已拎咩grade"之類既post

﹂》好奇之下click左入去睇,點鬼知d人個個都話自己c以上咁濟,仲話今年份卷太淺

﹂》要拎a起碼要75分以上,睇到我心寒~

----------------------------------------------------------------

﹂》今日去左上官考地理

﹂》今次就準備功夫差左d,因為我地冇事先到間學校視察一下環境(青王因為冇帶準考證而飛奔回家,暫時離隊)

﹂》好在阿燒係網上搞到份地圖,於是我地就睇住地圖咁去上官(行錯既路不下幾條)

﹂》真係....未開考已經溫定Map reading

﹂》至於份卷既難易度就不想多講勒,一切都要睇成績先知

﹂》不過到考卷二mc果時先發現原來我四周圍都係女仔....

﹂》佢地個個都好似好堅料咁,,(聽到佢地係咁話"我唔識1題呀,死勒,今次拎唔到A勒~")

﹂》無意中見到個係我右上方既女仔係卷二一開考果時就訓左-_-"

﹂》仲要訓度露哂底,小蠻腰都露左半截出黎..

﹂》好在佢左右都係女仔姐,唔係咪比男仔睇蝕哂

----------------------------------------------------------------

﹂》唔知又係咪會考壓力既關係...

﹂》繼上次買車票用八達通事件後...

﹂》今次整多單(其實係2次)坐火車都會坐左去羅湖站既靈異事件

﹂》離奇既係,今次係集體中招

﹂》落閘果時唔記得邊個講:我地應該唔入去錯月台既...點知就....

﹂》仲有21個鐘頭..西史會考就要開始

﹂》對一個西史最有可能合格既考生黎講,西史放係第一科考,無疑對佢地有益

﹂》不過緊接落就既就係聞風喪膽既地理,,,,中文閱讀理解同作文

﹂》個落差可以大成咁,相信唔小人會比佢既安排陰到

﹂》不過仲未算戲肉,係5月3號~5月8號會連續考埋其餘既科目,相信冇幾個會考生可以崖得到(由英文再到數學....)

-------------------------------------------------------------------

﹂》尋日同燒兄一齊去左視察試場.其實係搵場,,,

﹂》間彥萬石起得鬼咁隱密,..,條路又要曬,吹既又係熱風/0\行到抽筋

﹂》之後順面買埋收音機,

﹂》聽聞有唔少人特登買d名廠出既收音機,姐係200蚊以上果d

﹂》希望佢地唔好臨考先壞,一定心痛死

--------------------------------------------------------------------

﹂》會考期間會再次封印某d娛樂設施....今次應該會有所覺悟,會貫徹到底的

------------------------------4月8~9日-----------------------------------

﹂》哩2日同阿燒合力舉辦左個小型讀書會,,目的係等大家有機會一齊溫書同交流。係學習既同時,有咩唔識,可以即時問.並有專人解答問題(正唔正確就另一回事)經2日既網上討論之後,終於決定左一d讀書會既細節。

﹂》阿燒動議讀書會只限男性...女性立禁,原因係女性過於感情化,容易令讀書會偏向另一方向發展..我冇反對,亦都冇讚同,結果,此方案通過..

﹂》至於地點方面,有人曾經動議係圖書館既自修室進行,但係考慮到兩個因素.

一:3~6月會考期間,自修室要事先伸請先可以進入

二:自修室內不得交談,而我地今次要舉辦既係讀書會,唔係自修會,唔講野=冇交流,咁不如自已一個人係屋企咪書好過

最後我地決定左係沙田火車站既星巴你,啊!係星巴克咖啡室舉行

﹂》至於科目方面,我地實行經濟科入面既簡單分工,阿燒負責世界歷史科既中國部份,六叔負責中西史任意課題(姐係咩都講...),而我就負責地理既氣候同數學既初中複習部份.另外2位會員,老馬同三師兄今次就唔洗負責任何科目,,,只係負責聽同比反應個講者...

------------------------------4月10日-----------------------------------

﹂》今日係讀會既初體驗(<----字眼貌似有問題-_-)

﹂》我地一行五人去到沙田後,先逛一陣無良印品(無印良品)再返回星巴你咖啡室,

﹂》如我所料------->冇位

﹂》之後我地又轉戰沙田圖書館,當大伙殺到上圖書館後,發覺眾多座位已經比早我地一步既會考生霸佔•我亦都見到有同伴以十分凌厲既眼神射向眾會考生,結果成效可以話係零...眾會考生無視此眼神!

﹂》另一方面,我地決定左兵分兩路,一路殺去沙田文化廣場睇下茶座有冇空位,另一路就留守圖書館,等待有位空缺

﹂》過左冇耐,圖書館組既人報告話有圖書館既職員趕走係兒童圖書館入面溫書既會考生,但係咁唔代表我地有位坐,反而意味住我地係圖書館開讀書會既希望成泡影...同時,廣場組既人發現個茶座係一個人都冇.

﹂》最後我地終於係文化廣場度落腳.開始讀者會...

﹂》成個過程唔算沉悶,不過同我既預期仲有一段距離.

﹂》阿燒就好完美咁讀完佢既世史課題,我亦都盡我既能力教佢地學識睇地圖同認識格網座標(原來諗住講氣候,,但係見佢地底子較弱,所以就教住基本野先)到六叔果時..佢竟然賴皮話自己想講果個課題比阿燒講左,跟住就唔肯講.

﹂》結果成組人都有比六叔昆左既感覺....

------------------------------4月10日-晚--------------------------------

﹂》總結左今日既讀書會經驗之後,發覺左,要教人,準備功夫一定要做足,唔係就會好似六叔咁.簡直係一個啞巴!

﹂》雖然係今日學左既實際知識唔多,但係就多左同人溝通既經驗,相信對日後出黎社會工作有一定既幫助。

------------------------------4月11~今----------------------------------

﹂》好似之前果幾日講得太多野添....

﹂》好,就盡量慨括黎講.

﹂》哩幾日....都變態咁苦練數學...雖然成效極底.但係做數學亦都係消磨時間既一種良方...

﹂》尋日夜晚2次見到阿琪,結果2條友係度傾計傾度凌晨1點...(內容主要係對會考既感覺,前路既睇法..係典型會考生既對話內容)

﹂》直至今日..矮仔同老豆佢地出去釣魚,本身諗住跟過去..但係又唔係咁想出門口..唔通係隱閉青年既症狀之一!?