﹂》嗨嗨@0@

﹂》最近冇咩野寫

﹂》隻"superpower2"好好玩賣點就係遊戲既數據黎自美國中央情報局.多數都貼近現實

﹂》係隻game入面重要既係外交同軍事,軍事勁=天下無敵

﹂》仲有...玩家可以用核彈轟炸任何一個國家,試過用中國,射左1000支比日本,不過比佢攔截左500支左右,500支射中左...

﹂》日本既人口即時由1億3落到3000萬,真係恐怖,不過最恐怖既係美國會向我報復,又射幾千支核彈過我度...

﹂》頭先仲諗到跟住打咩架wo,,忽然唔記得左.算了..

﹂》聽日就返學喇,正確d黎講應該係今日先岩@_@

﹂》d功課冇郁過,唔理咁多喇,返去睇下有冇人可以抄先

﹂》周杰倫jay9月5日出新碟喇

﹂》比之前提前左3日,yo

﹂》瘋狂喇@0@"

﹂》後日黎要返學勒,終於升到中五

﹂》諗返先知原來自己已經讀左4年中學,4年喇@0@話多唔多,話少唔少

﹂》自己有冇係哩4年學到野呢?我覺得好似冇野學到

﹂》好似有人話讀書返學,最重要既係學識咩叫禮貌,但係到第5年,我都仍然比人話冇禮貌

﹂》睇怕我可能係學藝未精,有待改進

﹂》咁諗返起,到低咩叫禮貌呢?

﹂》見到人點頭打招呼-講野果時留心人地講咩-同你講架話對眼要望住人-唔好唔應人-要有反應等等....諸如此類既野.

﹂》禮貌既儀式化表現真係數都數唔完(可能係我數唔出姐)

﹂》禮貌咁重要,唔通就係為左人與人之間更易相處?

﹂》假設你同一個仇人係一個高級既宴會見到面,礙於現場環境,2個人要強擠出硬硼硼的笑客,口吐沒有意思的客套說話,心裡就恨不得拔刀插死對方<----咁場面應該可笑定可悲?

﹂》呀..,,講到哩度先...

套戲我已經睇過2次,

記得第一次睇果時,到最後.武士明知前面只有一條死路,都無悔於此,

也許,這就是武士道-----知死之道

第2次係係ck屋企睇,感覺又有唔同,但係係邊度有唔明,我就唔知點講喇

或者經過一年之後,對日本文化已經有最膚淺既認識,睇返當時既人做既事,

都覺得合情合理,至少唔會好似以前咁,佢地做緊乜,講緊乜都唔知

我覺得日本武士係明治維新既時侯,面對住時代既巨浪,武士的確係當時最悲慘的一圍人

為左國家現代化,武士要被迫放棄傳統既武士精神,在槍炮之下,傳統武士道灰飛煙滅

取而代之既係一種有現代包裝,內裡就有武士道精神

哩一種我地叫做"和魂洋才"

﹂》!!仲有好多野未做@0@功課,洗衫,煲飯,沖涼,食飯....

﹂》有一段時間都無郁過blog,太多野做,好忙

﹂》前排好似出左去買教科書,順面買埋參考書,睇怕要睇哂果d書都要唔小時間

﹂》呀!!點解人地既細佬咁聽話,我個細佬就.. .. .佢究竟係唔係有過度活躍症*_*

﹂》經濟份野,唔知放左係邊度,搵唔到就算數,唔交比暴龍

﹂》西史份功課明明郁都冇郁過,但係張紙就好殘,都唔知係唔係有人搞過黎

﹂》講住咁多先喇!