﹂》哩幾日掛住同人打機,竟然冇打日記...真係罪過

﹂》星期一果日,多謝man2請我地食蛋糕,真係好好食,尤其d士多啤利:D

﹂》尋日做過乜唔多記得.....------>發覺唔打果日既日記,果日發生過d咩事通常就唔記得

﹂》呀!!!記得喇,尋日派左成績表......

----------------------------------------------------------------

略

----------------------------------------------------------------

﹂》發洩完:)

﹂》今日結業禮,鄧sir終於送左套書比我,雖然好悶,我亦都冇諗住睇<•︵•>不過係哩度都講返句多謝先-╴-"

﹂》課室有好多人係度影相,又唔係中五,洗唔洗咁快影定(一_一)三三二一

﹂》悶悶既業禮終於完左,中四既階段亦都告一段落....諗起以前中一.二,三,真係過得好混愕..中四---->好難形容,經歷左好多野

﹂》之後同火星人,光哥去買野食,佢地去M記,我買壽司,買完就拎上去光哥屋企食

﹂》係佢屋企又玩搖搖,又打機...真係笑死....光哥仲要係打機果時,用個MIC黎鬧人-0-"

﹂》星期五,有人帶我去聯和虛...我終於知道搭邊架小巴可以去喇

﹂》在小巴.................

﹂》司機一隻手拎住部電話係咁同佢既屋企人傾計,一隻手就控制軚盤,哩個動作維持左15分鐘

﹂》15分鐘之後,司機唔係放低部電話,反而愈講愈激,好似同電話另外一邊既人嗌交咁...

﹂》ck話:『哩種情況我見過3次,3次架車都撞左....』

﹂》好采冇比佢講中...不過到站果時佢就第一個沖落車,我都唔執輸,拿拿臨走人

﹂》諗返起,之前搭果架屯門小巴,就算開到120分里/小時,都冇今次咁驚...

﹂》以後搭小巴果時真係要小心d喇

---------------------------------------------------------

﹂》哎,又多十幾本書要睇....又有幾十本書未睇,暑假可以睇哂嗎?

﹂》今日上到課室,miss鐘就講左我地班有8個人要留級....搞到d人係咁係度估有邊個要留,邊個唔洗

﹂》可能係擔心留班既關係,第3,4堂既性教育堂都冇咩人留心,雖然有人教戴安全套-u-"

﹂》終於到左5,6堂,miss鐘叫我去佢個位攞d file上黎,留到去都唔記得左佢要我拎乜,是但見到一d放係桌上既野,就拎....

﹂》見到有一張類似分紙咁既野,我見到我好似有七十幾平均分,其他都唔係幾望得清

﹂》原來真係有8個人要留級,不過都冇乜冷門既,,,,我諗佢地都預左....

﹂》今日冇遲到:)很爽

﹂》有十一個人冇返到學校,都預左架喇.睇黎真係要到攞成績表果日d人先捨得返黎

﹂》第3,4堂係性教育....我有答問題,拎左枝筆(其實都唔係我答...只不過我認係我答-︿-)

﹂》第5,6堂要落去禮堂睇表演,開頭果幾項表演就真係悶悶地喇,不過何梓華果齣戲就好好笑,,

﹂》不過如果星期三既表演好似今日咁,就真係有少少令人遺憾...

﹂》放完學之後,返屋企等難民電話....事關佢想轉校,粉官係佢最想去果間,於是我就陪佢去粉官報名....

﹂》一落到街,曬到死,真係後悔冇帶把摭落街,,,,去到巴士站搵到難民,就同佢去粉官

﹂》返到粉官,佢走左去問門口果個亭入面既人,,,,果個人話要攞d表格去見校長-.-

﹂》我同難民都嚇左一跳,佢之前去見五育,大官,果d學校都唔洗見校長,唯獨粉官要!?

﹂》同佢拉拉扯扯咁行到去校務處門口,遲遲都唔敢入去,又要我陪佢入,我都唔想入...

﹂》見佢咁可憐,就硬住頭皮一齊入,

﹂》原來只係將d資料比一個女人就得,期間,我比其他miss發現左我係度

﹂》佢無喇喇問.."xx興,你既朋友呀?"

﹂》我是但話係...咁佢就再問....

﹂》搞掂之後,就同難民去左萬寧買左2支啫哩水,比佢昆左添...一d都唔好用既...

﹂〉今日又遲到....-.-冇計,人懶行得慢,佢地又唔等我,搞到我連行路都慢左,返到學校都遲左廿秒左右

﹂〉考完試都要遲到,真係傷心/.\又要玩咩扣分,成績表都就出喇,扣到d乜姐..真係玩野

﹂〉今日明明係day4,但都係都要早會,都唔知咩事

﹂〉簽完遲到紙之後,要成個傻仔咁係度排隊等早會完...

﹂〉跟係我後面遲到果個係布家琪@@"估唔到一年冇見,我地2個就雞喙唔斷,一路講一邊笑,

﹂〉講講下,聽到話頒咩上次基本法問答既獎,有我份-v-,不過排緊遲到隊就無謂出去,得kai邦一個人去拎哂3個獎牌

﹂〉之後繼續係度講,真係乜都可以講一餐...講講講講講講講講講講講

﹂〉講左半個幾鐘,早會終於完:-)之後排隊上去,見到李sir係度捉頭毛過長既人,我果班都有幾個比人的左出黎

﹂〉我趁佢唔為意果時攝左上去.冇比佢發現

﹂〉返到課室,發覺差唔多有10個人冇返,搞到個課室好空@"@

﹂〉無喇喇聽到黃長龍打電話比江卓鋒,叫佢返學校拎成績表....

﹂〉江卓鋒真係返左黎....(佢自考完試都唔浦頭)不過佢知道龍哥係玩佢之後,係度發火- -"

﹂〉英文堂派返份閱讀卷,得8/40分.....我諗今次考試最差係哩份卷....我抄既夏禹都有19分喇-.-唔通真係好似火星人咁講"抄人有折扣架!"

﹂〉西史堂講返d論述題點答,都冇乜心機聽,好悶.....

﹂〉中史堂仲悶...基本上係等放學...

--------------------------------------------------------------------

﹂〉唉.............成日有人覺得我...目中無人云云

﹂〉不過哩d用詞有效與否係取決於我係唔係有咁大既能力去"目中無人"

﹂〉當然係冇,講既係咁多...