分類︰日常生活
唉,咁夜,又眼訓...
今次打白話文算,快d
晨咁早落左去水池等高佬,佢鬼咁晏先落黎
根住去火星人樓下等佢
愈等愈唔對路,見到好多平時遲開到既人係咁行過
即時有感危機感係度
唔諗咁多,即時同高佬快步疾馳返學校-v-"
路上見到阿融,就追左上去,問佢點返行得咁慢,
佢仲問"我預左遲到"
我即時驚哂....
佢講就咁講點知一過左條馬路,影都唔見左!
原來佢已經甩左我成百米-.-
我又要快步先追得上佢,最後都好采冇事,,,一入門口即刻打鐘..hehe
-----------------------------------------------------------------------
頭兩堂唔記得上咩,瞓左....
小息果時,聽到唔知邊個人話4D班有人打交,
我冇興趣去睇佢地打交,我只係中意睇"去睇人打交既人"尤其係六叔,一聽到有事發生,成個人衝返自己位度
拎返自己個書包,抱住,再衝出去睇過.....都唔知佢咁做為乜-0-
睇住班咁既人,我自得其樂 
-----------------------------------------------------------------------
5,6堂係英文堂,興雋坐係我附近,
上堂果時係咁撩佢傾計,就黎落堂...
我聽到興雋無喇喇痛苦咁喊左一聲
根住成個人失去控制,我諗佢果時應該抽緊筋,肌肉僵哂
之後佢由位度趺坐去佢隔離個女仔度,我唔記得左個女仔係閃開定冇反應,,,
應該話係果時情況太突然,每個人都只係發揮佢地既本能----呆
大約2,3秒鐘,miz鍾先有反應,扶起佢,然後搵枝筆比佢咬住,聽人講支筆都咬到碎左
miz就搵左樣唔記得左咩比佢咬,,,,
直到哩個時候我完全係冇反應,相信在場大部份人都冇反應
-----------------------------------------------------------------------
過多陣,d人開始恢復返反應,有一班人落去搵老師,有人打電話報警,
-----------------------------------------------------------------------
小插曲:其間kai邦聽到4d某人批判道"4a果班,唔係打交,就係偷野架喇!"
kai邦話佢聽到之後好想打當事人.......
-----------------------------------------------------------------------
中午果餐冇胃食...
-----------------------------------------------------------------------
返到學校,聽到自己班某d人仲攞哩件事黎開玩笑,仲以為好好笑咁,好無奈..
-----------------------------------------------------------------------
講得太長添....唔想講落去喇...
-----------------------------------------------------------------------
今晚睇左慕尼黑,,,,,,,
-----------------------------------------------------------------------
再見.
Title●@@ 
Date ●20-05-2006 
