今朝早真係好忙碌啊，一早返到去就要趕工，宗教project啊><...救命，不過做這份功課的過程中，學習到好多野啊，例如係分工啦，話明分工的話就唔好攬晒d野黎做，以前的我就係咁講啦，無人做啊，自己做啦。以後做project都唔可以咁遲先做啊；訪問老師&同學都好深刻嫁。在當中，會反思到自己的信主經歷，佢地的分享會俾到我一個提醒，有好多時自己都會好軟弱，俾少少野打擊到，心情就好好DOWN，不過我突然諗到之前靈修的內容，「成功的重要因素，是擁有一個堅持到底的決心。」我會記住嫁啦。
英文堂要QUIZ啊，未溫過/.....咁就當然係唔識啦(好似講緊廢話)。今日ENGLISH speaking day啊...一個月都唔知舉行幾次=.=不過都係好ga，係碼可以嘗試講下英文，不過最少要我地拎10個貼紙就唔係幾好，一定要逼住要講。
聖誕要做文言文的單元啊，我最唔識就係文言文，你話點算，搵邊個教好啊....
好野，今日無choir啊...跟住去拎埋d貼紙，超易拎，唱首個有兩粒。
之後係綠台做功課&溫書，好凍啊，不過係屋企唔知點解係無心機做嫁，所以最好係學校做啦，今日好乖仔啊，做晒功課之後溫埋中文&化學。
岩岩得閒無野做，睇左芳芳妹之前的日記，日記真係好可貴啊，記得返好多野啊...
同埋係當中都感受到你的成長，繼續為自己的前路奮鬥啦....

我今日的心情都幾沉重，因為要趕住交聖經project，不過我地過組仲未搞掂啊，我小息要onduty，又做唔到，辛苦你地啦...今日精神狀況→5(滿分是10)，上堂都唔係得，不過打頭陣的中文堂默書啊，好開心啊，應該會有4百分啊...如果今次無錯的話，希望啦。數學堂的時候，就算係幾咁悶，我都會暫時堅持住，因為就快考試啦，唔想因唔留心而唔明白老師講的話啊，唔想再浪費時間啦!!!
英文堂好無奈，嘉麟的塗改液啊=.=彈到我同朱加韋的頭髮&冷衫都係~~~
lunch之後我地開始努力中寫我們訪問的文，加油加油!!!
歷史堂睇孫中山的片段，差少少就訓著嫁啦-.-唔係內容悶，而係我真係好眼訓。
放學之後幫嘉俊影左張大頭，其實我地都影左嫁啦...
跟住prefect開會，勁奇怪ow，之前唔見左的回條竟然係催sir到，我終於記得啦，之前托阿yan幫我交嫁-.-唔記得左。
唉..宗教project可以星期3先交..唔駛咁急做lu~~
係綠台繼續寫，好受騷擾啊，馮奇英過d係咁係度嘈，搞到我寫唔到野。
idol勁好笑，本來話上去搵傅老師，上左幾次都落返黎，傅老師傾緊計啊....
阿南係度老作，作羅遠毫篇見證，我覺得好假啊，無晒呢個project的意義啦，話明要去訪問，又自己作ow，佢唔接受訪問咪問第二個囉，咁做黎都無意思啦!!!
好多功課功課&測試，考試....等著我啊....真係要加把勁啦
大家都係啊，唔好鬆懈啊^^

日記板都有成個星期無打過日記啦，如果我唔得返的話，可能呢個日記板就會無嫁啦...因為我知一停低落黎，有好多時d野都會流失，所以我會繼續打返日記的，加油，有打&寫日記的都唔好停落黎啊，因為日記係最好的回憶，之前睇返一個月前的日記，真係覺得自己改變左好多，有好多野都變左...如果唔係日記，可能就勾唔返呢段回憶....真係唔好因為一d藉口而停囉...就好似信仰咁，好多時因為自己懶的原顧，俾好多藉口自己嫁，好攰啊，唔想靈修啊，唔想咁早返教會啊等等...呢一點足足可以俾魔鬼成虛而入，十架的道路係一生的，靈修，主日崇拜等這些都係一些可以令到自己靈命成長的，係自己要長進一d啦，唔好再係食靈奶的階段啦，要長大!!
這個禮拜都過得好平淡啊，無咩點經歷神，可能有陣時自己唔識講d野交托，成日都成日揹晒，靈修的時候神提醒返我要依靠佢啊....突然諗返起一節聖經，「凡勞苦擔重擔的人，可以到我這裡來，我就使你們的安息」(馬太福音11:28)
星期六歌唱比賽啦，我同阿yan唱過首歌好唔掂啊，不過我地肯嘗試同埋有勇氣面對，都係玩下姐，我覺得吸取經驗係好嫁...
星期六的新teen地，我同阿芳分享完就就去聽d人比賽，改左程序，主要係就返d中4，唔著校服返黎，要借新teen地的名譽入禮堂，好無奈，唉..一班未信的同基督徒真係有好大好大的分別，....
我地組d人到唔齊，好難分工啊-.-點算~.~成日都逼自己做多份野ga，下次要第一時間分工先得。6點鐘閃人，阿迪叫我去同佢去沙田買褲，好野~~龍曲騏送左條704俾我...哈~多謝你啊...(係補返上次生日&聖誕節禮物)
~~~~~~~~~~~~~~~~~~~~~~~~~~~~~~~~~~~~~~~~~~
星期日
一早約左阿迪&德去跑步....郊區d空氣特別清新的，好舒服啊!!跑完返教會，屎囉...聽道過陣係咁想訓覺，不過一定要頂住，都聽得名牧師講的道ga，講活祭。
阿Joe呢幾個禮拜都返唔到教會啦，希望神可以保守佢快d康復啦，可能佢會有好多功課做唔到啊，阿joe，加油啊!!我地好多弟兄姊妹支持你嫁~~
下午無返hh，因為好肚餓&要做聖經project啊，食完野本黎諗住一齊做，點知妹妹又話走，話分頭做，咁唯有係咁啦，都唔人齊。
係校牧室做左歷史作業先，好easy，本來想寫文，但最後都出左去打波。21分，最低分過個出去買野食返黎，connie姐叫我地玩之前要祈禱ow...哈哈，我覺得係岩嫁，就算係少少的遊戲都要祈禱啊^^
本黎我最高分唔駛去買嫁，點知最尾過句入左，即是22分要從頭計過-.-點解啊，唔想入的波偏要入啊~~最後要出去買，點知去到街市，阿杰又話唔駛，佢自己買返，真係俾佢玩死啦。
今日好攰啊，要早d訓啊。不過仲未背書，...唉~~唔想背啊><