今朝起身游完水跟住返教會，又搭的士啦，真係唔想嫁，因為次次都差唔多好遲先出門口，返到學校坐左陣先上去，因為要等盧諾衡。今日見唔到idol同eva，平時次次返到去都見到佢地嫁嘛，原來佢地遲到...今日唱兵歌令到我真係好活力去敬拜主。今日的主題係「真實的敬拜者」，唔係好專心啊，因為可能唔係好夠訓，都大約明白中心大意想講咩的。toby今日無返啊，希望佢真係可以同佢屋企人講得掂啦...
放左無去hh，陪左曲騏&盧諾衡去食野，之後去圖書館還書做功課。仲差英文....屎lu，仲未溫英文，星期2要默書啊=.=''返到去本來諗住做埋d功課，但係開左電腦之後，睇完妙手人心，之後又補返前日，尋日的日記，都6點幾啦，又唔想做...食飯~~食完飯之後去海濱玩....
我8點先落去，我以為我今日會又做主角啦，點知做唔到添，仲有人遲過我=.=''等左佢地一陣，好慘啊，撇晒d薯片俾我拎，搞錯啊~~又做阿四...行左過海繽過邊見到阿杰佢地又係度擺檔，小米話又佢係度坐陣一定好好生意ow...唔知係咪-.-去到回歸塔，等等...都唔知等咩...企左勁耐~~突然又落雨..年年的中秋節都落雨的...唔知點解。又停左雨啦，跟住搵左個地方坐低，好似係上年過度啊...倒晒d野出黎食...坐係度賞月,,,,勁悶...比起上年更加悶啊><跟住周圍行~~我發覺到盧諾衡好鍾意認親認戚...我唔想做佢阿爸啊...好想撇甩呢個罪名，最搞野ga就係idol叫家姐佢又跟住叫家姐-.-哈哈~~
劉珊珊突然打電話黎同我講中秋節快樂，唔好意思啊..我認錯第2個把聲(在現場)，以為佢玩電話=.=''
今晚月亮若隱若現，不過真係好靚啊，自己一個的感覺係最好的，望住個月亮，那呼呼的風吹過，觸動了全身，真係好舒服啊!~~係原全無煩惱，不過這些都是短暫的，很快又會開始忙碌的工作...
玩到1點幾，我地就走啦，又落雨，d人分散晒...返屋企....我同阿傑，阿德一齊行，我唔知點解會陪佢地返屋企，係大埔兜左個大圈////真當黑~~阿袁又打黎...我唔理佢...交個包袱俾我...我先唔接啊...最後好彩佢都撇甩左佢地^^

7點幾無端端又扎醒，訓唔返lu，跟住起左身，食早餐過陣,,,toby流鼻血啊=.=''成日都流~.~嘉俊盡ST.john的責任，幫佢去止血...之後又開始遊戲，其實呢d集體遊戲主要目的係要想我地知道怎樣去面對perfect呢份工作，有陣時，perfect都會遇到很多困難，這些訓練教曉我怎樣去忍耐，面對，刻服困難....我學曉了好多野啊...
我要早走，所以玩完遊戲同幾個早走的同學走先，返到去都要成差唔多兩個鐘，idol打俾我話佢地以家返緊黎=.=''我返到學校一陣，佢地都返到黎..早之我都跟車返黎啦，我今日領詩，講左好少野...都係講返我的時間分配得唔好，搞到自己同神的關係疏遠，希望大家都可以為到我&你們自己祈禱...好感恩，今日主題又係講時間運用...
完左新teen地...落好大雨啊/...走唔到，connie姐借左把傘俾我,我同曲騏返去，返到去第一時間訓覺先，真係攰到=.=''個零鐘之後阿杰打黎..嘈醒左我...話搵我同曲騏幫佢地一齊賣野ow..燈籠過d...我地分開擺檔，我同阿杰，黃立浩係寶湖橋...曲騏同紹銘，陳培煬係大埔中心過邊賣...呢邊無咩生意，開檔賣左20零蚊之後都無人賣過..我地諗住合檔...估唔到...勁好生意，賣到12點，聽佢地講好似賣左差唔多成千蚊=.=''好驚奇~~

今朝起身好精神啊...感謝神...可能之前唔夠訓得關係&太熱啦...以家無咩事啦^^我拎左一大帶野返去，好重啊。我拎埋過幾本過期的書返去，無人幫我還，唔通真係要星期六返黎先還=.=唉..唔理啦，食完lunch換完便服我地就出發，去到要行一條小路，要成20-30分鍾先行到入去，我記得啦，中一過年的福音營都係黎呢度，我去到西貢先記得...真係傻><行到成身汗，勁辛苦，去到簡介完就開始歷奇遊戲，首先過個分組好好玩啊..貼電視劇的人名係背脊，要我地搵返同組的人，我係皆大歡喜的金年，好快搵晒..之後我地設計隊名&口號，佢地見到我對all star，跟住就改stars組，口號係，我們係粒星，亮過北斗星，唔記得係咪啊..哈哈=.=''
第一個遊戲好玩野ow..運水...好難啊..個樽特登整到穿ga...叫我地運過去，最後我地過組係運得最少水的，不用氣餒..之後玩定向，好好玩啊...我覺得...我地組第一個遊戲係執紅豆，我地邊係度執...李sir係度講bio d野...單糖又碳水化合物，我地無理佢講d野，狂執...拎左兩支旗跟住去玩冰，超易整到粒提子出黎，咁就兩支旗，接著去玩揹人..8分鐘揹25個人過去=.=''本黎我地諗住唔得嫁，點知我地竟然3分鐘就搞掂啦，又兩支旗，最後玩信心天梯，12個人,兩個人拎住一支鐵通，一個人要行過去，每一個人都要行，都幾玩，我地都通過啦，又拎兩支旗，雖然我地唔係第一組玩完先，但係我地過組係拎得最多旗，所以呢個回合贏左...今日曬都曬死，食完飯，又開始令外一個「風紀知多少」，要做話劇，小園叫我做奸角-,-好衰啊..我不嬲做開忠嫁啦，羅遠毫扮收音機，俾我"漏"到佢耳朵紅晒~.~扮廣告...
我地組爭唔到季軍啊=.=''算啦...
9點鐘又要行去發記過頭上月，行上山又落山，行左好耐啊//途中同阿聰係咁吹水等波鐘，行到去已經好攰啦，跟住仲要話，比預定的時間遲左...所以唔賞月啦，又返返去，又要行返去營的過條小路，攰到差d暈低係度...返到宿舍，即刻沖涼先...成個人醒晒...good啊//無咩野好做，就出去同d人傾下計，我同嘉俊坐係盡頭的搖凳坐....嚇下人...過陣時好黑下，小園行過黎，諗住嚇下佢，點知嚇唔到佢，真無奈，仲話唔阻住我地談心=.=''我諗住今晚唔訓嫁，周圍行，寫左聽日領詩篇稿...d老師訓晒..我地係出面周圍走都無人知...哈哈^^
玩到3點幾我捱唔住訓左啦=.=''