一星期真係過得好快啊...轉眼間，今日已踏進返學的第2個禮拜，好快唷~~我覺得生物堂幾好ow..好有興趣啊，阿sir講d野我都抄晒筆記，我相信中3呢一年一定能專心地上堂，唔會玩玩下嫁啦，數學堂鍾sir教數真係活學活用啊..我覺得佢的教學方式好好啊..起碼可以吸引我地的注意力去聽佢講書...good jobs!!
小息見無野做,...睇左一陣聖經，估唔到，短短一陣，睇左3章...(其實係補返尋日的，因為尋日無睇到，以家我努力緊新約,就快睇完約翰)之後上英文堂，阿南同區啟樂成日係度打交/爭住開燈，好無聊=.=
放學之後飯都無食就去開會，點解會咁早嫁..食左件三文治就上左去...我要做康樂=.=''又要諗遊戲啦，點解咁多人叫我諗遊戲嫁，cyc&社都要我諗，咁多人真係要慢慢諗ow，咁多人會玩d咩野好呢，下個禮拜要交貨，慢慢諗~~Zzzzzz開左唔夠一個鐘就放左啦，真開心，陳培煬叫我去食飯~~=.='' 無去到，返左屋企，因為好眼訓啊..返到去即刻訓覺，訓左一個鐘，跟住趕住去學吉他，去到岩岩好，今日係大埔最好一堂，之後要去九龍灣學，有伴啦...浩南同我一齊學^^好開心,,,今晚做晒d功課，星期日要執屋啊...好亂啊..成個幾月無掂過啦...同埋要包埋d書...(聽日學完吉他又要趕返學校栽培...阿杰話最好一堂OW..唔好拖...所以要我地4點開始)

今日都係平平無其...不過最特別就係君比作家黎到我地學校講野...我覺得佢講d野好好/...多留意身邊所發生的事,,就可以從生活入手...其實我以前都好想做作家嫁..不過就係得個想囉..無去實行，我覺得佢好勁啊..一位老師，可以作左咁多本可歌可邑的好書..當中我都睇過d...例如露台上的初戀情人，當miss愛上阿sir，4個10A的少年...真係好好睇嫁..不過唔記得帶錢...無買度俾佢簽名~.~唔知點解上電腦堂過陣幾開心...可能係鄭sir教啦..都教左2年lu...有感情掛^^嘩，上普通話堂d人先擦鞋=.=''個個係度扮晒野讚老師咁...聽到都有少少感到不安~~
放左學又要去cyc開職員會議...提子推舉左我做文書~,~我越黎越覺得開會好好玩啦..又可以學到野，又可以發表參與....完左之後去食野做board...好無奈...俾青青&妹妹點...俾傅老師笑~.~我覺得個board好單調啊...唔知吸唔吸引到人去睇呢...
之後去睇d同學籃球選拔，講開又講...之前好想選項活動黎參加，不過忙住幫老師&開會...唔記得左///嘉俊同阿君好變態啊=.=''捉住阿聰叫佢改口號，話咩野綠黃社...我無理佢地...佢地搞到阿聰大叫...叫到啊...走晒音&勁大聲~.~人地以為佢地傻嫁=.=我真係唔想話自己識佢地嫁囉...
無幾耐，我地返屋企...跟住柏軒話要去打波ow..我見無功課做...所以應成左佢，去到球場見到古仔佢地又係度打緊...佢真係好得閒ow~.~
打完返屋企岩岩趕得切睇"小時候"。真係好好睇嫁...
d小朋友好得意啊，同埋我覺得,佢地的年紀所講的同我地所諗的真係好唔同，係好簡明，唔會將一件事諗到咁複雜，我真係好想有佢地地的諗法啊..有陣時真係覺得自己諗野過份複雜了，而俾到自己有壓力，我會盡量改善的^^

自己慢慢都開始適應到返學的時間啦..每日都陽光普照^^不過我坐窗口位..次次上到去都要曬..有陣時真係好慘嫁><英文堂mrs ng又分左新的組~陳慧琪，陳嘉俊，馮奇英，仲有我~.~好彩做負組長下星期都唔駛補測返姐,,,,kaka^^組員們加油啦...上物理堂過陣落去hall聽講座，講著鞋..次次陳文俊都出去ga..好無奈啊...跟住黃蓉俾老師拉出去試鞋..勁搞野~~聽佢講話好有彈性，突然諗起通心粉廣告~~哈哈..聽完之後上返去上物理堂...郭sir講野勁搞野...講書都應該幾生動嫁..我會留心的。小息過陣諗緊宗教倫理同邊個一組..曲騏寫左我個名...真係好煩,一組要有基督徒&非基督徒///好難簡啊..最後決定有我，曲騏，idol，嘉俊，彤彤，我地本身改左組名叫keep quite嫁...俾諾少塗左...大家都應該知咩野事啦...我覺得自己好似好衰咁，離棄了toby，我都驚佢會好吃力啊...同4個哇鬼~.~
放學過陣我地要留低開團契會議，我地本來諗住去百佳買飯，點知兜左太和商場一個圈...點知都係去返百佳買...買完去202室食，2點半開始，我覺得黃天生老師好幽默同講d野好搞野啊^^一連開左3個鐘，大約知道左上學期團契的週會主題，同埋討論左需要改善的地方...跟住選埋團長,副團長，宣傳，招待，總務，alan做左團長啊.,,,我覺得佢好適合啊,,,
我做總務，新的嘗試啊.."靠著那加給我力量的　凡事都能做"